Isaia 10:1-34
10 Ekölöhini la itre ka acili wathebo ka ngazo,Me itre ka eköth la itre wathebo ka iakötrë,
2 Matre sawa la itre ka pë ewekë troa isigölin la emeköti angatr,Me cipan la meköt kowe la itre hna wangacon ngöne la nöjeng,Angatre lai a thapa la itre ewekë ne la itre sine föeMe atrekënö la itre ewekë ne la itre nekön hna mecitrij hnei kem!
3 Nemene la hnei epuni hna troa kuca ngöne la drai ne iameköti,Ngöne la kola traqa qa gaa nanyi la akötr?
Tro epuni a kötre koi drei matre xatua epun?Nge tro epuni a amë ekaa la itre mo* i epun?
4 Pëkö xaa nyine tro epuni a kuca hune la troa lapa cil nyipine la itre hna akalabusinMaine troa kei nyipine la itre ka mec.
Qa ngöne lai, tha patre kö la elëhni i nyidrë,Ngo hna saathe pala hi la ime i nyidrë troa lep.
5 “Goeëne la atre Asuria,Lo jia ka axulune la elëhningMemine la sine sinöe ngöne la ime i angeic ka amamane la trengehning!*
6 Tro ni a upi angeic kowe la nöj ka tha mele nyipici,*Kowe la nöj ka amejëne la trengehning;Tro ni a upi angeic troa thapa me xom asë la itre ewekë i angatrMe tro weji angatr tune la trëtr e kuhu gojeny.
7 Ngo tha aja i angeice kö troa tro tunNge tha celë kö la hnei angeice hna mekun e kuhu hni i angeic;Ke ame la ka ej e kuhu hni i angeic, ke troa apatren,Troa apatrenetrij la itre nöj ka nyimutre, ngo tha ala xalaithe kö.
8 Ke öni angeic,‘Tha joxu asë kö la itre tixeng?
9 Tha ceitu i Kalene kö me Kakemis?
Tha ceitu i Hamath kö me Arepada?
Tha ceitu i Samaria kö me Damaseko?
10 Hnene la imeng hna thapa la itre baselaia ne la itre haze ka pë men,Lo itre nöj laka, nyimutre kö la itre idrola hun e Ierusalema me Samaria!
11 Hapeu, tha tro kö ni a kuca koi Ierusalema me itre idrola i angeicTune lo hnenge hna kuca koi Samaria me itre haze i angeic ka pë men?’
12 “Ngo ame ni Iehova, ame hë la eni a ase afenesin la huliwang hune la wetre Ziona me e Ierusalema, tro ni a nyithupene kowe la joxu ne Asuria pine la hni i angeic ka pi tru, me luemeke i angeic ka pi draië.
13 Ke öni angeic ka hape:‘Tro ni a kuca lai hnene la imenge ka catrMemine la inamacaneng, ke ka inamacane ni.
Tro ni a fej la itre ifego ne la itre nöjMe thapa la itre mo i angatr,Nge tune la atre ka catr, tro ni a musinën la itre atrene la nöj.
14 Tune la atr ka lin la ime i angeic hnine la trengene waco,Tro la imeng a ea la itre mo ne la itre nöj;Nge tune la kola hlem la itre wakuja hna nuetrij,Tro fe ni a eöth asë la nöjei ewekë e celë fen!
Pëkö ala cas ka troa axö iap me fe la që i angeic, me ho.’”
15 Hapeu, tro kö la ze a musinëne la atre huliwan ej?
Tro kö la gili a musinëne la atre huliwan ej?
Tro kö la sine sinöe a enijën la atre xejë ej?
Maine pena, tro kö la sine tö a kapa la atre huliwan ej?*
16 Celë hi kepin matre tro Iehova lo nyipi joxu ne la itre trongene isi e hnengödrai,A agenyine la itre atr ka catre* i angeic,Me amelen la eë ka catrehnin fene la lolo i angeic.
17 Tro la Lai i Isaraela a tune la eë,Nge tro la Atr Ka Hmitrötr i angeic a tune la ukahlokine eë;Ame ngöne la ca drai, tro ej a dreuth me apatrene la itre hnitr,* me itre hnepehnitr ka ithiny.
18 Tro nyidrëti a apatrenetrij la elolone la hnaxulu i angeic me itre hlapa i angeic ka hamë wene sinöe;Tro itre ej a tune la wezipo ka troa mec.
19 Tro pe hi a xalaithe la itre sinöe ngöne la hnaxulu i angeicMatre ijije hi la nekönatr troa sija la etrun.
20 Ame ngöne la drai cili, tha tro hmaca kö la itre ka mele pe e IsaraelaEne lo itre matra i Iakobo ka lapa peA mejiun kowe la atre lepi angatr;Ngo tro pe angatr a thele ixatua thei Iehova,me mele nyipici kowe la Atre Ka Hmitrötr e Isaraela.
21 Ngo ala xalaithe hi thene la itre matra i Iakobo,Ka troa bëeke hmaca kowe la Akötresie ka trene men.
22 Ke Isaraela fe, ngacama ala nyimu epun,Tune la itre wene ngöni ne hnagejë,Ngo tha tru kö la ka troa bëek.
Ke ase hë mekun troa apatrenyi epun,Nge tro la meköt* a ulumi epun.
23 Ke eje hi, ame la pun hna axeciën hnei Iehova Joxu Ka Sisitria,Lo joxu ne la itre trongene isi e hnengödrai, ke tro pala kö a eatr ngöne la nöj asë.
24 Celë hi matre öni Iehova Joxu Ka Sisitria, lo joxu ne la itre trongene isi e hnengödrai ka hape: “Nöjenge fe ka lapa e Ziona, the xouene kö la atre Asuria ka lepi ö hnene la jia, me xejë la sine tö i angeic koi ö, tune la aqane kuca i Aigupito.
25 Ke tha hmitre kö matre patre pi la wesitr;* nge tro la elëhning a apatrenyi angeic.
26 Nge tro hë Iehova, lo joxu ne la itre trongene isi e hnengödrai a xejë la wameuc koi angeic, tune lo nyidrëti a ngaa Midiana hmekune la git e Horeba. Nge tro la sine tö i nyidrë a cile meköt hune la hnagejë, nge tro nyidrëti a xejë la sine tö, tune la aqane kuca i nyidrë koi Aigupito.
27 Ngöne la drai cili, tro ha una la ehnef hnei angeic hna amë hune la hnaiape i ö,Nge tro ha unatrije la ehnef hnei angeic hna amë hune la nyinawa i ö,Nge tro ha axeciën la ehnef hnene la oel.”*
28 Traqa ha angeic e Aiath;Qa i angeic e Migeron;Angeic a ami trengetreng e Mikemas.
29 Hnei angeic hna sasaithe la gaa tëtë ne la hneopegejë;Hnei angeic hna meköl e Geba;Hmengöhmengöne hë Rama, nge kötre hë Gibea i Saulo.
30 Hë jë nge sue jë nekö jajinyi ne Galim!
Wai ö kö Laisi!
Ekölöhini ö Anathoth!
31 Kötre hë Mademana.
Kola thele hnë zae hnene la angetre Gebim.
32 Ngöne la drai cili, tro angeic a cil e Nob.
Angeic a xeji im kowe la wetr ne la nekö jajinyi ne Ziona,Lo sasala ne Ierusalema.
33 Dreng la kola keciqa la itre picine sinöe hna hutraHnei Iehova, nyipi joxu ne la itre trongene isi e hnengödrai;Kola sa asë la nöjei sinöe ka draië,Nge ipië hë la itre sinöe ka tru.
34 Nyidrëti a sa la hnepehnitr memine la ketre ze,Nge tro ha kei la itre sinöe ne Lebanona hnene la atre ka catr.
Itre mekun ecahu fen
^ Maine, “elolo i epun.”
^ Maine, “iameköting.”
^ Maine, “iamenumenu.”
^ Maine, “tha sinöe kö.”
^ Ene la angetre Asuria. Heb., “atre ka tru ngön.”
^ Ene la angetre Asuria.
^ Maine, “iameköti.”
^ Maine, “iameköti.”
^ Ma kola qaja la oel ne jina, tune lo itre uke jina ne la 300 lao atre i Gideona, memine la oel hna hneng hune la itre joxu ne Isaraela matre troa ië angatr.
