Isaia 9:1-21
9 Ngo tha tro hmaca kö la jidr a tune lo ijine kola akötre la nöj, tune lo kola methinëne la nöje Zebulona, memine la nöje Nafatali. Nge tro nyidrëti* elany a kuca matre troa wangatrune la gojenyi ezine la hnagejë, hmekune la hneopegejë Ioridrano, ene Galilaia ne la itre nöj.
2 Hnene la nöj ka tro ngöne la gaa jidrHna öhne la lai atraqatr.
Ame la itre atr ka lapa ngöne la gaa melöhlem,Hna hudrum la lai hui angatr.
3 Hnei nyipëti hna kuca matre mana la nöj;Hnei nyipëti hna akökötrene la madrine i angatr.
Angatr a madrin qëmekei nyipëTune la kola madrin ngöne la ijine menu,Me tune la itre atr ka madrin troa ce thawa la hna thapa.
4 Ke hnei nyipëti hna axeciëne la ehnefe i angatr,Memine la sinöe ka lepe la hnaiape i angatr, lo jia ne la tane huliwa,Tune lo ijine kola lepi Midiana.
5 Ame la nöjei ibutr ka enijëne la ihnadroMemine la nöjei iheetr ka si madraKe tro pë hë a xom nyine athi eë.
6 Ke hna hnahone la nekönatr thatraqa së,Hna hamë së la nekö trahmany;Tro ha të hune la hnaiape i nyidrë la mus.
Nge tro ha ati ëje i nyidrë, Atresi Ka Sisitria, me Akötresie Ka Trene Men, me Kem Ka Epine Palua, me Joxu Ne Tingeting.
7 Hune la therone i Dravita, me ngöne la baselaia i nyidrë,Tha tro kö a nyi ifegoneLa mus i nyidrë e celë fen memine la tingeting.Tro ha cile hut me sajuën la mus i nyidrëHnene la nyipici me meköt,Qaane enehila nge uti hë epine palua.
Troa kuca lai, hnene la aja ka catre i Iehova, lo joxu ne la itre trongene isi e hnengödrai.
8 Hnei Iehova hna iupi fë la maca ne iameköti koi Iakobo,Ame hna eatr koi Isaraela.
9 Nge tro ha atre lai hnene la nöj asëEne Eferaima memine la angetre SamariaLo itre ka qaja hnene la hni ka pi tru me ka icilekeu ka hape:
10 “Kei hë la itre birik,Ngo tro huni a xup memine la itre etë hna sasa.
Kei hë la itre sukamore,Ngo tro huni a nyihnan hnene la itre arasi.”
11 Tro Iehova a upe la itre ithupëjia me Rezina troa cile koi angeicNge tro nyidrëti a upe la itre ithupëjia me angeic,
12 Ene la nöje Suria qa koië, memine la angetre Filisiti qa kuë,*Nge tro angatr a heje thaitrë Isaraela tune la öni wael.
Qa ngöne lai, tha patre kö la elëhni i nyidrë,Ngo hna saathe pala hi la ime i nyidrë troa lep.
13 Ke tha hnene kö la nöj hna bëeke kowe la atre lepi angatr;Tha hnei angatre kö hna thele Iehova, lo joxu ne la itre trongene isi e hnengödrai.
14 Celë hi matre, tro Iehova a thupatriji IsaraelaEne la hen memine la pun, la ziin memine la haö ka tru* ngöne hi la ca drai.
15 Ame la qatr* memine la trahmanyi hna metrötrën, nyidroti hi la hen,Nge ame la perofeta ka inine la thoi, angeice hi la pun.
16 Ame la itre ka iujine la nöje ce, angatr a amenun ej,Nge ame la itre hna iujin, ke tro menu hë angatr.
17 Celë hi matre, tha tro kö Iehova a madrine kowe la itre nekö i angatr, trahmanyi me jajiny,Me utipine la itre nekön hna mecitrij hnei kem, me itre sine föe i angatrKe tha ka mele nyipici* kö angatr asë, nge angatr a kuca la ngazoNge angatr asë a ewekë menu.
Qa ngöne lai, tha patre kö la elëhni i nyidrë,Ngo hna saathe pala hi la ime i nyidrë troa lep.
18 Ke kola mele la iakötrë tune la eë,Me dreuthe la itre hnepehnitr ka ithiny me itre hnitr.
Tro ej a manith la itre hnitr ngöne la hnaxulu,Nge tro ha elë draië la so ne eë.
19 Ame ngöne la elëhni i Iehova joxu ne la itre trongene isi e hnengödraiHna dreuthe la nöj,Nge tro ha xome la itre atrene la nöj nyine nyi een la eë.
Tha tro kö a nuamelen la ketre atr, uti fe hë la sipu trejin.
20 Tro angatr a thupa la götran macaNgo tro pala hi angatr a mecijiin;Tro angatr a öni la götrane miNgo tha tro kö angatr a mej.
Tro angatr a isa öni la ijön ne la ime i angatr,
21 Tro Manase a öni Eferaima,Nge tro Eferaima a öni Manase.
Tro nyidroti a ce uti koi Iudra.
Qa ngöne lai, tha patre kö la elëhni i nyidrë,Ngo hna saathe pala hi la ime i nyidrë troa lep.
Itre mekun ecahu fen
^ Ene, Akötresie.
^ Heb., “traqa qa hutrö.”
^ Maine, “la dröne pama memine la hainy.”
^ Wange ju la HQP.
^ Maine, “itre ka iamenumenu.”
