Numera 23:1-30
23 Matre öni Balama jë hi koi Balaka: “Acile jë e celë la 7 lao ita ne huuj, nge hnëkëne jë koi ni la 7 lao kau trahmany, me 7 lao nani trahmany.”
2 Ame hnei Balaka hna canga kuca tune lo hna upi nyidrë hnei Balama. Nge nyidroti a ce huujëne jë la ca kau trahmany, me ca nani trahmany, hune la isa ca ita ne huuj.
3 Thupene lai, öni Balama jë hi koi Balaka: “Pane lapa ju ezine la huuj ne dreuth asë i nyipë, ke eni a pane tro caië. Maine jë, tro hë Iehova a ithanata koi ni, nge tro hë ni a thuemacanyi nyipë.” Matre hnei Balama hna tro kowe la ketre sasala ka qaqacil.
4 Ame hnei Akötresie hna ithanata koi Balama, nge öni Balama: “Ase hë ni acile xötrëne la 7 lao ita ne huuj, me huujëne la ca kau me ca nani trahmany hun itre ej.”
5 Matre hnei Iehova hna amë la itre trengewekë ngöne la që i Balama, me hape: “Bëeke hmaca jë koi Balaka, nge qaja jë lai koi angeic.”
6 Ame hnei angeic hna bëeke hmaca, me öhnyi Balaka me itre he ne nöj ne Moaba, a cil ezine la huuj ne dreuth asë i nyidrë.
7 Matre angeic a sili nyima jë me hape:
“Hnei Balaka joxu ne Moaba hna thei ni qa AramaQa ngöne la itre wetr e koië me hape:
‘Jë fe ma eji Iakobo koi ni.
Eje hi, jë fe ma qajangazo Isaraela.’
8 Ngo tro ni a ejine tune kaa la hnei Akötresie hna amanathithin?
Nge tro ni a qajangazone tune kaa la hnei Iehova hna qaja aloin?
9 Eni a goeë angatr qa ngöne la itre hugit,Nge eni a öhnyi angatr qa hune la itre sasala.
Angatr a lapa cas e cili tune la ketre nöj;Tha angatre fe kö a hane sine la itre xaa nöj.
10 Matre drei la ka atrein e la xaxau thei IakoboMaine e pena la ketre sin thei Isaraela?
Epi tro ni a mec tune la atr ka meköt,Nge epi troa nyipune la meleng tui angatr.”
11 Matre öni Balaka jë hi koi Balama: “Nemene la hnei ö hna kuca koi ni? Hnenge hna traqa sai ö troa ejine la itre ithupëjiang, ngo tha göne kö troa amanathithi angatr.”
12 Nge sa jë hi Balama ka hape: “Tha eni kö lo a troa qaja la itre trengewekë hnei Iehova hna troa amë ngöne la qëng?”
13 Matre öni Balaka jë hi: “Pane trohemi me eni kowe la ketre götran. Tro hi ö a öhn la itre xan e angatr; ngo tha angatr asë kö. Nge qa cili, pane eji angatre jë koi ni.”
14 Balaka a tro sai angeice jë kowe la hlapa e Zofim, hune la wetre Pisega, me acile la 7 lao ita ne huuj, me huujën hun itre ej, la isa ca kau trahmany, me isa ca nani trahmany.
15 Matre öni Balama jë hi koi Balaka: “Pane lapa ju ezin la huuj ne dreuth asë i nyipë, ke eni a pane tro caië troa ithanata me Akötresie.”
16 Ame hnei Iehova hna amë la itre trengewekë ngöne la që i Balama, me hape: “Bëeke hmaca jë koi Balaka, nge qaja jë lai koi angeic.”
17 Ame hnei angeic hna bëeke hmaca, me öhnyi Balaka me itre he ne nöj ne Moaba, a cil ezine la huuj ne dreuth asë i nyidrë. Matre canga öni Balaka jë hi: “Öni Iehova ka hapeu?”
18 Balama a sili nyima jë me hape:
“Cile jë Balaka, nge drenge ju.
Drei ni ju nekö i Zipora!
19 Tha ketre atr kö Akötresie matre troa thoi,nge tha nekö i atre kö nyidrë matre saze mekun.*
E qaja ha nyidrëti la ketre ewekë, hapeu, tha nyidrëti kö a eatrën?
E perofetane hë nyidrëti la ketre ewekë, hapeu, tha nyidrëti kö a aejën?
20 Pane dreng! Hna upi ni troa amanathithin;Pine laka, ase hë nyidrë amanathithin, thatreine kö ni troa elë hun.
21 Nyidrëti a thupëne matre tha tro kö la ketre trene iöni a cil koi Iakobo,nge matre tha tro kö a akötrë Isaraela.
Iehova Akötresi angatr* a ce me angatr,nge nyidrëti hi la joxu hnei angatr hna atrune catrën.
22 Akötresie a lö sai angatr qa Aigupito.
Nge ceitu i nyidrë me itre jiane kau wael koi angatr.
23 Ke pëkö ieji ka ijij koi Iakobonge pëkö hnëjin ka ijij koi Isaraela.
Ame enehila, ijije hi troa qeje Iakobo me Isaraela ka hape:
‘Celë hi huliwa i Iehova!’
24 Hane hi la nöj ka troa mejë tune la liona;Tune la liona, tro ej a cil.
Tha tro kö ej a meköl, e tha hna pane öni kö la tha ne ejme iji la madra ne la itre hna humuth.”
25 Matre öni Balaka jë hi koi Balama: “Maine thatreine kö eö troa eji angatr, nga the amanathithi angatre kö.”
26 Nge sa jë hi Balama ka hape: “Tha hnenge kö lo hna qaja koi nyipë ka hape, tro hi ni a kuca la hnei Iehova hna upi ni?”
27 Thupene lai, öni Balaka jë hi: “Pane trohemi! Tro pena ni a tro sai ö kowe la ketre götran. Maine jë, tro hë la nyipi Akötresie a nue eö troa eji angatr koi ni.”
28 Ame hnei Balaka hna tro sai Balama kowe la Wetre Peora, nge nyidroti a goeën hmekun e Iesimona.*
29 Matre öni Balama jë hi koi Balaka: “Acile jë la 7 lao ita ne huuj, nge hnëkëne jë koi ni la 7 lao kau trahmany, me 7 lao nani trahmany.”
30 Ame hnei Balaka hna kuca tune lo hna upi angeic hnei Balama. Nge hnei nyidrëti hna huujëne la ca kau trahmany, me ca nani trahmany hune la isa ca ita ne huuj.
