Numera 33:1-56
33 Hane hi la itre götran hnene la angetre Isaraela hna pane cil thupene lo angatr a tro qa Aigupito, thenge la itre lapa* i angatr, ngöne lo angatr a xötrethenge Mose me Arona.
2 Tune lo hnei Iehova hna amekötin, hnei Mose hna fejane la pengön me qaane la tronge i angatr; hane hi la aqane trongen:
3 Ngöne la drai 15 ne la pane treu, hnene la angetre Isaraela hna tro qa Ramese. Nge ngöne la drai thupene la Paseka, hnei angatr hna tro amamany qëmekene la angetre Aigupito.
4 Nge ngöne la drai cili, hnene la angetre Aigupito hna keleme la itre pane nekö i angatr hna humuth hnei Iehova, ke hnei Iehova hna nyithupen kowe la itre haze i angatr.
5 Matre hnene la angetre Isaraela hna tro qa Ramese me cil e Sukotha.
6 Nge angatr a tro ju qa Sukotha me cil e Ethama, ngöne la ifego ne la hnapapa.
7 Thupene lai, angatr a tro ju qa Ethama me bëeke hmaca hmekun e Pihahiroth, qëmeken e Baala-Zefona, nge angatr a cile ju qëmeken e Migedola.
8 Thupene lai, angatr a tro ju qa Pihahiroth, me tro nyipine la hnagejë kowe la hnapapa. Nge angatr a tro ju koi köni drai ngöne la hnapapa e Ethama, me cil e Mara.
9 Thupene lai, angatr a tro ju qa Mara me traqa e Elima. Nge pine laka, hetrenyi e cili la 12 lao qeqe ne tim, me 70 lao pama, matre angatr a pane cile ju e cili.
10 Thupene lai, angatr a tro ju qa Elima, me cil ezine la Hnagejë Ka Palulu.
11 Nge angatr a tro ju qa ngöne la Hnagejë Ka Palulu, me cil ngöne la hnapapa e Sina.
12 Thupene lai, angatr a tro ju qa ngöne la hnapapa e Sina, me cil e Dofeka.
13 Nge angatr a tro ju qa Dofeka, me cil e Alusa.
14 Thupene lai, angatr a tro ju qa Alusa, me cil e Refidima, ngöne lo götran gaa pë tim thatraqane la nöj.
15 Nge angatr a tro ju qa Refidima, me cil ngöne la hnapapa e Sinai.
16 Thupene lai, angatr a tro ju qa ngöne la hnapapa e Sinai, me cil e Kiberoth-Atava.
17 Nge angatr a tro ju qa Kiberoth-Atava, me cil e Hazeroth.
18 Nge angatr a tro ju qa Hazeroth, me cil e Rithema.
19 Nge angatr a tro ju qa Rithema, me cil e Rimona-Farez.
20 Nge angatr a tro ju qa Rimona-Farez, me cil e Libena.
21 Nge angatr a tro ju qa Libena, me cil e Risa.
22 Nge angatr a tro ju qa Risa, me cil e Kehelatha.
23 Nge angatr a tro ju qa Kehelatha, me cil ngöne la Wetre Safera.
24 Thupene lai, angatr a tro ju qa ngöne la Wetr e Safera, me cil e Harada.
25 Nge angatr a tro ju qa Harada, me cil e Makeloth.
26 Nge angatr a tro ju qa Makeloth, me cil e Tahath.
27 Nge angatr a tro ju qa Tahath, me cil e Tara.
28 Nge angatr a tro ju qa Tara, me cil e Mitheka.
29 Nge angatr a tro ju qa Mitheka, me cil e Hasemona.
30 Nge angatr a tro ju qa Hasemona, me cil e Moseroth.
31 Nge angatr a tro ju qa Moseroth, me cil e Bene-Iakana.
32 Nge angatr a tro ju qa Bene-iakana, me cil e Horo-Hagidegad.
33 Nge angatr a tro ju qa Horo-Hagidegad, me cil e Iotebath.
34 Thupene lai, angatr a tro ju qa Iotebath, me cil e Aberona.
35 Nge angatr a tro ju qa Aberona, me cil e Eziona-Gebera.
36 Nge angatr a tro ju qa Eziona-Gebera, me cil ngöne la hnapapa Zin, e Kadesi.
37 Tupene lai, angatr a tro ju qa Kadesi, me cil ngöne la Wetre Hora, ngöne la ifego ne la nöje Edroma.
38 Ame hnei Arona atre huuj, hna elë hune la Wetre Hora tune lo hnei Iehova hna amekötin, nge angeic a meci ju e cili, ngöne la hna 40 ne macatre thupene lo angatr a tro qa Aigupito, ene la pane drai ne la hna 5 ne treu.
39 Nge traqa koi 123 lao macatre i Arona, lo angeic a mec hune la Wetre Hora.
40 Ame la joxu Arada, lo atre Kanana ka lapa ngöne la götrane kolojë ne la nöje Kanana, ke drenge hë nyidrë laka, calemi hë la angetre Isaraela.
41 Thupene lai, angatr a tro ju qa ngöne la Wetre Hora, me cil e Zalemona.
42 Nge angatr a tro ju qa Zalemona, me cil e Punona.
43 Nge angatr a tro ju qa Punona, me cil e Oboth.
44 Nge angatr a tro ju qa Oboth, me cil e Ieabarima, ngöne la ifego ne la nöje Moaba.
45 Thupene lai, angatr a tro ju qa Lima,* me cil e Dibona-Gada.
46 Nge angatr a tro ju qa Dibona-Gada, me cil e Alemona-Dibelathaima.
47 Nge qa Alemona-Dibelathaima, angatr a cile ju ngöne la itre Wetr e Abarima, qëmeken e Nebo.
48 Nge angatr a tro ju qa ngöne la itre Wetr e Abarima, me cil ngöne la itre hnapapa ne Moaba, ezine la hneopegejë Ioridrano, hmekun e Ieriko.
49 Hnei angatr hna lapane trongëne la hneopegejë Ioridrano, ngöne la itre hnapapa ne Moaba, qane Bethe-Iesimoth uti hë Abelasitima.
50 Nge ngöne la hnapapa ne Moaba, ezine la hneopegejë Ioridrano, hmekun e Ieriko, öni Iehova jë hi koi Mose:
51 “Hape jë kowe la angetre Isaraela: ‘Tro epuni a sasaithe la hneopegejë Ioridrano, me lö kowe la nöje Kanana.
52 Nge qa i epun troa helëne la itre atrene la nöj, me apatrene la itre idrola i angatr hna xup hnei etë me fao,* nge tro fe epuni a apatrene la itre hnë hmi gaa hmitrötre i angatr.
53 Nge tro hë epuni a thapa la nöj me lapa e cili, ke tro hë ni a hamëne la nöje cili nyine zi i epun.
54 Ngo qa i epun troa thawa la nöj thenge la itre fami i epun, jëne la hna uthidrönegöti.* Ame kowe la lapa ka tru, tro ha atrune la edrö, ngo ame kowe la lapa ka co, tro ha acone la edrö. Tro ha thewe götran thenge la hna uthidrönegöti.* Nge tro hë epuni a kapa la zi i epun nyine edrö, thenge la itre tribu ne la itre keme i epun.
55 “‘Ngo maine tha epuni kö a helëne la itre atrene la nöj, ke tro hë angatr a tune la itre ka ithiny ngöne la luemeke i epun, me itre ka ithiny ngöne wengesisila i epun; tro angatr a akötrë epuni ngöne la nöj hnei epuni hna troa lapan.
56 Nge tro hë ni a kuca koi epun, tune lo hnenge hna mekune troa kuca koi angatr.’”
Itre mekun ecahu fen
^ Heb., “trongene isi.”
^ Ma hna ahopatrene la ëj, Ieabarima.
^ Maine, “fao hna ahmun.”
^ Maine, “uthi trikitr.”
^ Maine, “uthi trikitr.”
