Nyima i Solomona 8:1-14
8 “Maine xange ju eö,Ka iji la lue thi i nenë,
Nge tro nyiso a iöhnyi e cahu hna tro, ke tro ni a aba eö,Nge pëkö ka troa qeje ni.
2 Tro ni a eatrongë eö;Tro ni a tro sai ö kowe la uma i nenë,Lo atre ini ni.
Tro ni a thue ime i ö waina ka pupui lolo,Me zane grenad.
3 Tane heng la ime mi i angeic,Nge angeic a haluthi ni hnene la ime maca i angeic.
4 Itre jajinyi ne Ierusalema fe, pane sisinyi jë koi ni, ka hape:
Maine pë pala kö ihniming, the amejëne kö nge the ahlëne kö e kuhu hning.”
5 “Drei la föe ka elë qa kuhu hnapapa,Nge ka hujan trongëne la hnimina i angeic?”
“Hnenge hna ahlë eö fene la ipom.
E cili hi la hna hnaho eö hnene la thine i ö.
E cili hi la hna hnaho hnene la föe ka hamë mele i ö.
6 Ami ni ju tune la nyine pelehatren ngöne la hni i ö,Nge tune la nyine pelehatren ngöne la ime i ö,Ke ka catrehnine la ihnim tune la mec,Nge ka cile hut la aqane mele nyipici* tune la Hua.*
Ceitune hi la itre ukahlokin ej me ketre eë ka mele catr, ene la ukahlokine i Ia.*
7 Thatreine kö la itre tim ka enienij troa thaapine la ihnim,Nge thatreine kö la itre hneopegejë troa trotheng.
Maine tro ju hë la ketre atr a nu asë la itre mo ne la hnalapa i angeic troa itöne la ihnim,Goi tro fe a methinën la itre ewekë cili.”*
8 “Hetre xa i eahun ka co,Nge ka pë pala kö thi.
Nemene la nyine tro huni a kuca kowe la xa i eahunE traqa ju sipo angeic troa faipoipo?”
9 “Maine angeice ju la ketre ihag,Ke tro huni a xupe hui angeic la itre he ne hage sileva,Nge maine angeice ju la ketre qëhnelö,Ke tro huni a jei inehe arasi hui angeic matre troa acatren.”
10 “Ketre ihage ni,Nge ceitune hi la lue thing me lue ita ne thup.
Ame e cili, tro nyidrëti a öhn ka hapeKa tingeting la mekunang.
11 Hetre vine i Solomona e Baala-Hamon.
Hnei nyidrëti hna ahnith ej kowe la itre ka eëny.
Angatr a isa kuiën la 1 000 lao pies sileva göne la itre wene rezë.
12 Hetre sipu vineng, nge eni kö la ka musinën.
Solomona fe, ewekë i nyipëti kö la 1 000 lao pies sileva,*Nge tro pë hë a hamën la 200 kowe la itre ka thupën la itre wene rezë.”
13 “Atre lapane la hnë traa iengene fe,Itre sinatrongeng a thele troa dreng la nine i ö.
Ketre tunge fe hi.”
14 “Hniminange fe, saqe jë!Nyimenyime jë tune la gazel,Tune la neköi drubeHune la itre wetr gaa cia hnitr ka pui lolo.”
Itre mekun ecahu fen
^ Maine, “casi hi la hna hnim.”
^ Wange ju la HQP.
^ Ame “Ia,” ke kola ahopatrene la ëje i Iehova.
^ Maine jë, “angeic.”
^ Heb., “1000.”