Salamo 116:1-19
116 Eni a hnimi IehovaKe nyidrëti* a drenge la aqane ewekëng me itre xëweng.
2 Ke nyidrëti a thil troa drei ni,Nge tro kö ni a hë nyidrë e nöjei drai ne mele ni.
3 Hna kanothi ni hnene la itre eno ne la mec;Hna cilaxomi ni hnene la Hua.*
Tru catre la akötreng me treijeng.
4 Ngo hnenge hna hë ngöne la ëje i Iehova:
“Iehova fe, amele ni jë!”
5 Ka itrotrohni nge ka meköti Iehova;Ka utipin la Akötresi së.
6 Iehova a thupëne la itre atr ka thatrein.*
Ame hnyawa lo kola pë trengecatreng, hnei nyidrëti hna amele ni.
7 Loi e tingetinge hmaca pi la meleng,Ke ase hë Iehova amamane koi ni la thiina ka loi i nyidrë.
8 Hnei nyipëti hna amele ni qa ngöne la mec,Me luemekeng qa ngöne la itre trenge timidra, me lue cang qa ngöne la tria.
9 Eni a ajan troa tro qëmekei Iehova ngöne la nöje ne la itre ka mel.
10 Hneng hna lapaun, ene pe, ewekë pi ni;Atraqatre la akötreng.
11 Ame la eni a hnehengazo, öning:
“Itre ka thoi la itre atr.”
12 Tro ni a të hnei nemen koi IehovaLa nöjei ewekë ka lolo hnei nyidrëti hna kuca koi ni?
13 Tro ni a xejë la ver ne iamele,*Nge tro hë ni a hëne la ëje i Iehova.
14 Nge tro hë ni a eatrëne la itre hnenge hna sisinyi koi IehovaQëmekene la nöje i nyidrëti asë.
15 Ka tru alamekene koi IehovaLa meci ne la itre ka mele nyipici koi nyidrë.
16 Iehova fe, eni a sipo nyipë,Ke eni la hlue i nyipë.
Eni la hlue i nyipë, lo nekön ne la hlue i nyipëti föe.
Nge hnei nyipëti hna amele ni qa ngöne la hna othi ni.
17 Tro ni a huujëne koi nyidrë la huuj ne ole;Tro ni a hëne la ëje i Iehova.
18 Tro ni a eatrëne la itre hnenge hna sisinyi koi IehovaQëmekene la nöje i nyidrëti asë,
19 Ngöne la itre ikur ne la uma i Iehova,Nyipi ö Ierusalema fe.
Atrunyi Ia jë!*
Itre mekun ecahu fen
^ Maine, “eni a ihnim, ke ame Iehova.”
^ Heb., “hna öhnyi ni hnene la itre ejolene la Hua.”
^ Maine, “ka thatre koilo.”
^ Maine, “iamele ka tru.” Wange ju la HQP.
^ Maine, “Aleluia.” Ame la “Ia,” tre aqane ahopatrene la ëj, Iehova.
