Salamo 138:1-8
Qaathei Dravita.
138 Tro ni a atrunyi nyipë hnene la hning ka pexej.
Qëmekene la itre xaa haze,Tro ni a nyimane la itre nyine iatrunyi* koi nyipë.
2 Tro ni a thil kowe la uma ne hmi i nyipë ka hmitrötr,Nge tro ni a atrune la ëje i nyipëPine la elolo* i nyipë me aqane nyipici i nyipë.
Ke hnei nyipëti hna adraiëne la trengewekë i nyipë, me ëje i nyipë hune la nöjei ewekë asë.*
3 Ame lo ijine eni a hë nyipë, hnei nyipëti hna sa koi ni;Hnei nyipëti hna thue trengecatreng* matre catre pi ni.
4 Iehova fe, tro la itre joxu ne la fene hnengödrai a atrunyi nyipë,Ke tro hë angatr a dreng la itre hnei nyipëti hna thingehnaean.
5 Tro hë angatr a nyimane la itre thiina i Iehova,Ke sisitria la elolo i Iehova.
6 Ngacama ka draië Iehova, ngo öhne hi nyidrëti la itre ka ipië,Ngo ame la itre ka pi tru, nyidrëti hi a atre angatr qa gaa nany.
7 Ame fe la eni a tro nyipine la ketre jol hna mecin, nyipëti a thupëne la meleng.
Nyipëti a saathe la ime i nyipë matre sawa la elëhni ne la itre ithupëjiang;Ime maca i nyipëti a amele ni.
8 Tro kö Iehova a eatrëne asë la hnei nyidrëti hna ajane koi ni.
Iehova fe, ka epine palua la ihnimi nyipici i nyipë;The nuetrije kö la itre huliwa ne la lue ime i nyipë.
Itre mekun ecahu fen
^ Maine jë, “tro na elo miuzik koi nyipë matre isigöli nyipë qëmekene la itre xa haze.”
^ Maine, “ihnimi nyipici i nyipë.”
^ Maine jë, “hnei nyipëti hna adraiëne la trengewekë i nyipë hune la ëje i nyipëti asë.”
^ Maine, “catreng.”