Salamo 144:1-15
Qaathei Dravita.
144 Loi e troa atrunyi Iehova, la Giting,Lo atre inine la lue imeng troa ijei,Me lue iwanakoimeng troa isi.
2 Nyidrëti la ihnimi nyipicing me atre ekögölithi ni,Me hnë zaeng* me atre amele ni,Lo petreng me Atre hnenge hna kötre mele kow,Lo Atre xom acone la itre nöj fene la musing.
3 Iehova fe, ka ue la atr matre tro nyipëti a wangatrun,Memine la nekö i atr matre tro nyipëti a thupën?
4 Ceitune hi la atr memine la eny;Ceitune hi la itre drai ne mele angeic memine la iahnu.
5 Iehova fe, aipiëne* ju la hnengödrai nge uti pi;Ketre ju la itre wetr matre so jë itre ej.
6 Upe pi la itre samek nge isa ijene pi la itre ithupëjia;Huje pi la itre ane pehna nge amenu angatre pi.
7 Saathe pi la lue ime i nyipë qa koho;Xatua ni jë nge amele ni jë qa ngöne la itre tim ka iziluth,Me qa ngöne la ime* ne la itre trenyiwa,
8 Lo ka trene ukeineqë ka qaja la thoiMe li ime maca troa sisiny la itre ewekë ka tria.*
9 Akötresieti fe, pi tro ni a thinge koi nyipë la ketre nyima ka hnyipixe.
Pi tro ni a thinge koi nyipë la nyine iatruny,* cememine la nyine elo miuzik ka 10 lao filen,
10 Matre atrune la Atre aijijëne la itre joxu troa huun* ngöne la isi,Lo Atre amelene la hlue i nyidrë Dravita qa ngöne la taua hna mecin.
11 Xatua ni jë nge amele ni jë qa ngöne la ime ne la itre trenyiwa,Lo ka trene ukeineqë ka qaja la thoiMe li ime maca troa sisiny la itre ewekë ka tria.
12 Qa ngöne lai, tro hë la itre nekö së trahmany a tune la itre neköi feja ka canga cia,Me itre nekö së jajinyi a tune la itre ikapa ka amingömingöne la uma i joxu.
13 Tro ha tiqa gala la itre hnë ami xeni së hnei nöjei pengön xen;Tro ha traqa koi itre milio la itre öni ngöne la itre zi së.
14 Ame thene la itre ithinene kau, tha tro kö a uthith maine meci la itre nekön;Tha tro kö a sue hnei akötr ngöne la gaa tru atr.
15 Madrine la nöj ka hetrenyi la nöjei ewekë cili!
Madrine la nöj e Iehova la Akötresi angatr!
Itre mekun ecahu fen
^ Maine, “gaa draiëng.”
^ Maine, “autin.”
^ Maine, “musi.”
^ Heb., “ame la itre wanakoime maca i angatr, tre wanakoime maca ka thoi.”
^ Ame la kola qaja, “nyima,” me “atrunyi,” ke kolo fe a qaja la “troa elo miuzik.”
^ Maine, “iamele.”
