Salamo 37:1-40
Qaathei Dravita.
א [Aleph]
37 The wesitre* kö pine la itre atr ka ngazoNge the piine kö la itre ka iakötrë.
2 Tro hë angatr a canga mec tune la haöMe fitr tune la haö ka hatr.
ב [Beth]
3 Mejiune ju koi Iehova nge kuca jë la loi;Lapane ju la ihnadro* nge mele nyipici jë.
4 Thele jë* thei Iehova la nyipi madrin,Nge tro nyidrëti a eatrëne la itre aja ne la hni i ö.
ג [Gimel]
5 Nue Iehova pi troa köja gojenyi ö;*Qale jë koi nyidrë, nge tro nyidrëti a huliwa thatraqai ö.
6 Tro nyidrëti a ahudrumene la meköt i ö, tune la kaqa ne lai,Memine la thiina ka meköt i ö, tune la jö ne midi.
ד [Daleth]
7 Lapa thaupu ju qëmeke i IehovaNge lapa treqe nyidrëti hnyawa ju.
The wesitre kö kowe la atre ka eatrënLa itre mekuna i angeic ka iangazo.
ה [He]
8 Nue pi la elëhni, nge nuetrije pi la trengehni;The wesitre kö, wanga tria pi eö.
9 Ke tro ha apatrene la itre atr ka ngazo,Ngo tro la itre ka mejiune koi Iehova, a hetrenyi la ihnadro.
ו [Waw]
10 Haawe panacas, nge tro ha patr la itre atr ka ngazo;
Tro hë eö a goeëne la hnei angatr hna lapa,Nge patre hë angatr.
11 Ngo tro ha lapane la ihnadro hnene la itre ka ipië,Nge tro hë angatr a madrine la tingeting atraqatr.
ז [Zayin]
12 Kola tra thethine la atr ka meköt hnene la atr ka ngazo;Angeic a kiki inyö kowe la atr ka meköt.
13 Ngo tro Iehova a hnyimasai angeic,Ke atre kö Nyidrëti laka, calemi hë la pun koi angeic.
ח [Heth]
14 Itre atr ka ngazo a uthe la itre taua i angatr me hnan la pehna i angatrMatre akeine la itre ka akötr memine la itre ka pë ewekë,Me lepe humuth la itre atr ka thiina ka meköt.*
15 Ngo tro kö la itre taua i angatr a thine la itre hni i angatre kö;Tro ha hutra la itre tane pehna i angatr.
ט [Teth]
16 Sisitria kö la hnepe ewekë hna hetreny hnene la atr ka mekötHune la etrune la itre ewekë ne la itre atr ka ngazo.
17 Ke tro ha axeciëne la imene la itre atr ka ngazo,Ngo tro kö Iehova a sajuëne la itre ka meköt.
י [Yod]
18 Atre kö Iehova la hna melëne* hnene la itre atr ka nyipici,Nge ka epine palua la edrö i angatr.
19 Tha tro kö angatr a hmahma ngöne la ijine akötr;Ngöne la kola jiin, tro hë angatr a xeni mej.
כ [Kaph]
20 Ngo tro ha patr la itre atr ka ngazo;Tro ha apatrene la itre ithupëjia me Iehova tune la emingömingöne la itre hlapa;Tro angatr a ae trootro tune la so ne eë.
ל [Lamed]
21 Kola sipo hnene la atr ka ngazo, nge tha bëeke fë hmaca kö,Ngo ka ham* me utipin la atr ka meköt.
22 Tro la itre hna amanathithin hnei Akötresie a lapane la ihnadro,Ngo tro ha apatrene la itre hnei nyidrëti hna ahnëjinën.
מ [Mem]
23 Ame la Iehova a madrin kowe la gojeny hna xome hnene la ketre atrNyidrëti a amekötine* la itre hnei angeic hna feke ca.
24 Maine tro angeic a ucic, tha tro kö angeic a kei e kuhu hnadro,Ke Iehova a ea* la ime i angeic.
נ [Nun]
25 Nekö trahmanyi ni ekö, nge qatr hë ni enehila,Ngo tha ase kö ni öhne la kola nuetrije la atr ka meköt,Me kola thele xen la itre nekö i angeic.
26 Angeice pala hi a hamën qa kuhu hni,Matre ijije hi tro la itre nekö i angeic a lapa treqene la itre manathith.
ס [Samekh]
27 Kötrene pi la ngazo, nge kuca jë la loi,Nge tro hë eö a mel epine palua.
28 Ke aja i Iehova la meköt,Nge tha tro kö nyidrëti a nuetrije la itre ka mele nyipici koi nyidrë.
ע [Ayin]
Tro pala hi angatr a mel;Ngo tro ha apatrene la itre matra ne la itre atr ka ngazo.
29 Tro hë la itre ka meköt a lapane la fen,Me mel epine palua e cili.
פ [Pe]
30 Kola tro fë la inamacan hnene la që ne la atr ka meköt,Nge thineme i angeic a qaja la meköt.
31 Ej e kuhu hni i angeic la wathebo ne la Akötresi angeic;Tha tro kö a ucic la lue ca i angeic.
צ [Tsade]
32 Kola alamekëne la atr ka meköt hnene la atr ka ngazo,Nge angeic a thele troa humuthi nyën.
33 Ngo tha tro kö Iehova a nue nyën ngöne la lue ime i angeicNge tha tro kö nyidrëti a upezö nyën ngöne la kola ameköti nyën.
ק [Qoph]
34 Lapa treqe Iehova ju nge trongëne jë la jë i nyidrë,Tro kö nyidrëti a adraië eö matre tro eö a lapane la ihnadro.
Nge tro hë eö a öhne la kola apatrene la itre atr ka ngazo.
ר [Resh]
35 Hnenge hna öhne la atr ka ngazo me ka iaxösisiAngeic a kökötre lolo tune la sinöe ka cia hlöeë ngöne la zi angeic.
36 Ngo patre pi hi angeic, nge tha öhnyi angeice ju hi ni;Hnenge pala hi hna thele angeic, ngo tha öhne kö ni.
ש [Sin]
37 Wange ju la atr ka mele nyipici,Nge goeëne lapaane jë la atr ka meköt,Ke tro ha tingetinge la mele i angeic elany.
38 Ngo tro ha apatrene la itre ka eni wathebo;Ka pë mejiune la itre atr ka ngazo.
ת [Taw]
39 Qaathei Iehova la iamele* ne la itre atr ka meköt;Nyidrëti la hunapo i angatr ngöne la ijin akötr.
40 Tro kö Iehova a traqa troa xatua angatr me amele angatr.
Tro nyidrëti a thepe angatr qaathene la itre atr ka ngazo me amele angatr,Ke hnei angatr hna zae thei nyidrë.
Itre mekun ecahu fen
^ Maine, “elëhni.”
^ Maine, “ngöne la nöj.”
^ Maine, “madrine jë.”
^ Heb., “Iehova la jë i ö.”
^ Maine, “itre ka trongëne la jë ne la meköt.”
^ Heb., “atre kö nyidrëti la itre drai ne la itre atre ka meköt.”
^ Maine, “amamane la ihnimi angeic.”
^ Maine, “acatren.”
^ Maine, “sajuën.”
^ Wange ju la HQP.
