Qëmekene la tro Iesu a mec, nyidrëti a ce ithanata ju memine lo foa lao itretre drei nyidrë, ene Peteru, me Iakobo, me Ioane, me Anederea. Nyidrëti a qejepengöne koi angatre la hatrene la hlepëti nyidrëti ngöne la itre drai hnapin, me hnyinge ju ka hape: “E ka la hlue ka nyipici me ka inamacan, lo hnene la joxu i angeice hna acile troa musinëne la hnalapa i nyidë, troa thewe xeni koi angate ngöne la nyipi ijin?” (Mataio 24:​3, 45; Mareko 13:​3, 4) Hna ahnithe hnei Iesu, lo “joxu,” kowe la itretre dreng ka hape, tro nyidrëti a acile la itre atr göi troa thawa lapane la itre xeni ne la ua, kowe la angetre troa xötrethenge nyidrë ngöne la itre hneijine la pun. Matre drei hë lai hlue cili?

Angatre hi lo itre nyipi Keresiano hna iën. Ame la “hlue” celë, tre kola qaja lo itre trejine me Keriso e celë fen. Itre ka catre huliwa angatr göi troa hamëne ngöne la nyipi ijine la xeni ne la ua kowe la itre hlue i Iehova. Nyipi ewekë koi huni la huliwa ne lai hlue ka nyipici cili, atre “troa thawa la xen, edö [huni] ngöne la ijin.”​—⁠Luka 12:42.

Angatr a musi kowe la lapa i Akötresie. (1 Timoteo 3:15) Hnei Iesu hna nue kowe la hlue cili, la hnëqa ne troa amekötine la huliwa ne la organizasio i Iehova e celë fene hnengödrai. Kola qaja la troa amekötine la itre jia ne huliwa, memine la troa cilë mekene la huliwa ne cainöj, me hamë huni la ini jëne la itre ekalesia. Celë hi kepine matre, “hlue ka nyipici me ka inamacane” a kuca la itre itus hne huni hna tro fë trongëne ngöne la hna cainöje trootro, me hamëne la itre ini nyine ce thawa ngöne la itre ijine icasikeu huni me itre asabele hun. Aqane hamëne hi angatre lai la xen ngöne la ijin.

Ka nyipici la hlue kowe la itre trenge ewekë ne la Tusi Hmitrötr, me kowe la hnëqa i angatre troa cainöjëne la maca ka loi. Nge ka inamacane angatr göi aqane troa wai emekötine hnyawa la itre hnëqa hna ahnithe koi angatr e celë fen hnei Keriso. (Ite Huliwa 10:42) Mama hnyawa hi la aqane amanathithi angatre hnei Iehova, ke tru catre la atr ka lö kowe la nyipi hmi, nge mana catre la xeni ne la ua.​—Isaia 60:22; 65:13.

• Drei lo hnei Iesu hna acile troa thewe xen kowe la itretre drei nyidrë ngöne la götrane la ua?

• Pine nemene matre qaja jë ka hape, ka nyipici nge ka inamacane la hlu?