Ame la Ini Ne Cainöj Qaathei Akötresie, tre, ketre ini lai hna kuca qaane ekö hnene la Itretre Anyipici Iehova. Ame la ka cainöj ngöne la drai ka pexej, tre hetre ini hna hnëkën thatraqai angatr, matre ­xatua angatr troa atreine ‘kuca asë la qâ i [angatr]’.​—Mataio 4:5.

Ini koi itre pionie. Thupene la ca macatre ne cainöj hnene la pionie, kola aijijë angeic troa hane sine la ketre ini hna hamën koi sikisi lao drai, nge hna kuca ngöne la Uma Ne Baselaia ka easenyi koi angeic. Ini lai ka troa acatrene catrëne la aqane imelekeu angeic me Iehova, me xatua angeic troa maca ngöne la nöjei götrane ne la huliwa i Akötresie, me catre pionie.

Ini koi itre ka cainöj. Ini lai koi lue treu thatraqane la itre ka pionie ka hekö hë, nge ka ajan troa feke qa ngöne la nöjei angatr a tro kowe la ketre nöj ka aja ixatua. Angatre hi lai hape “Inieti la, upengë nieti jë.” Angatr a nyitipu Iesu, lo atre hamë ini ka sisitria catr nge pëkö ka tun e celë fen (Isaia 6:8; Ioane 7:29). Ame la troa tro ngöne la ketre nöje tre, loi e troa ahmaloeëne la mel. Isa pengöne kö la aqane mel, me climat memine fe la hna majemine xen. Maine jë nyipi ewekë troa inine la ketre qene lapa. Ame la ini celë, tre, ixatua ngöne la lue götran kowe la itre trejine trahmany me trejin fö ka faipoipo hë maine pena ka tha faipoipo. Ketre, itre trejine lai ka 23 maine 65 lao macatre. Ame la hnapan ke, troa eëny la itre thiina ka lolo matre ixatua göi troa mele ngöne la nöj hna tro kow. Nge ame la hnaaluen, ke, loi e troa maca. Jëne angatr, tro Iehova a eatrëne la aja i Nyidrë me sajuëne la organizasio i Nyidrë.

Ini Ne Gileada. Ame la “Gileada” ngöne la qene Heberu, tre kola hape “Nyine Anyipicin.” Qaane lo macatre 1943, hna sasaithe hë la 8 000 lao mesinare hna inine troa cainöje ngöne la 200 lao nöje nge hetre munën, nge ie hë la huliwa i angatr. Hanawange la ketre ceitun, pëkö ca ekalesia ekö e Peru qëmekene troa traqa la itre mesinare; ngo ame hë enehila, ase hë sasaithe la 1 000 lao ekalesia. Nge ame e Zapo, goi tha traqa fe koi treen lao Itretre Anyipici Iehova ekö, ngo ame enehila, ase hë sasaithi la 200 000. Faif lao treu ne ini e Gileada, nge ame ngöne la itre ijine cili, tre kola inine ajuin la Wesi Ula i Akötresie. Ame la itre ka ijije troa hane tro kowe la ini cili, tre itre pionie hut maine pena itre mesinare, me itre ka huliwa ngöne la itre filial. Nge ame la itre ka sine la ini cili, tre kola ini angatre troa sine ajuin la itre mekun matre ixatua me acatrene catrën la huliwa ne cainöj.

• Nemene la kepine matre hetrenyi jë la Ini Koi Itre Pionie?

• Drei la ka ijij troa hane sine la Ini Koi Itre Ka Cainöj?