Thupene lo 4026 M.P.K.

“Un” a jelengazone la mus i Iehova, me hape, tha meköti kö tro Nyidrë a mus. Hnei Iehova hna thingehnaean laka, troa hnahon la ‘matran’ ka troa apatrenyi Satana, lo un. (Genese 3:1-5, 15) Iehova a nue pi kowe la atr troa sipu mus ngöne la fene i Satana.

1943 M.P.K.

Öni Iehova koi Aberahama, troa fetra la ‘matran’ qaathei nyidrë.—Genese 22:18.

Thupene lo 1070 M.P.K.

Öni Iehova koi Davita joxu, me Solomona e thupen, tro la matran a xulu qa ngöne la lapa i nyidro.—2 Samuela 7:12, 16; 1 Ite Joxu 9:3-5; Isaia 9:6, 7.

29 M.K.

Iehova a amamai Iesu, “lo matran” ka xulu qa ngöne la lapa i Davita.—Galatia 3:16; Luka 1:31-33; 3:21, 22.

 33 M.K.

Hnei un, lo Satana, hna humuthi Iesu. Kola eatr e cili la ‘matran,’ ngo hna amelene hmaca hnei Iehova, matre elë jë hnengödrai eë hnei Iesu. E cili, Iehova a kapa la huuje i Iesu, matre ijije troa seng la ngazo ne la atr, nge ijiji angatre hë la mele ka tha ase palua kö.—Genese 3:15; Ite Huliwa 2:32-36; 1 Korinito 15:21, 22.

Hmekune lo 1914

Iesu a helë Satana, lo un, hnadro eë. Hohopatre pe hi la ijine i nyën.—Hna Amamane 12:7-9, 12.

Elany

Tro Iesu a umë Satana 1 000 lao macatre, qëmekene tro nyën a patre palua. Ase hë waja fica la he i Satana, eatre hë la aja i Iehova kowe la ihnadro me itre atr. Pui loi hmaca la ëje i Iehova, nge Nyidrëti pe hi la ka mus.—Hna Amamane 20:1-3, 10; 21:3, 4.