“Tro Akötresieti . . . a köletrije la itre trenge timidra qa ngöne la itre lue meke i angatr, nge pë hmaca kö mec, me hleuhleu, me treij, me akötr.”—Hna Amaman 21:3, 4, Fene Ka Hnyipixe.

Kola tingetinge la hni së, ke tha Akötresieti kö la ka axulune la itre jole ka traqa koi së.—Iakobo 1:13.

Kola akeukawanyi së la easa atre ka hape, trotrohnine hnyawa hi Akötresie la itre aliene hni së.—Zakaria 2:8.

Kola hamë mejiune së laka, tro ha apatrene la nöjei akötr.—Salamo 37:9-11.

Eje hi, hane hi la lue kepin:

• Methi Akötresieti la akötre me thiina ka tha meköti kö. Pane mekune jë la itre aliene hni Iehova la kola axösisine la nöje i Nyidrëti ekö. Tusi Hmitrötre a qaja ka hape, akötre catre Nyidrë pine la hna “akötë angat.”—Ange Amekötin 2:18.

  Methi Akötresie la itre atr ka akötrëne la itre xan. Tusi Hmitrötre a qaja ka hape, Akötresieti a sisine la “lue ime ka anenine la madra ne la itre ka pë engazon.”—Ite Edomë 6:16, 17, MN.

• Akötresieti a hnehengazo së isa ala cas. Tha itre atr hmekuje kö la ka “isa ate hmekune la aköte me hace i angat,” ngo atre hnyawa fe hi Iehova!—2 Aqane Lapa Ite Joxu 6:29, 30.

  Tha hmitre pe kö matre apatrene pi Iehova la itre akötre së isa ala cas, jëne la Baselaia i Nyidrë. (Mataio 6:9, 10) Ngo ame enehila, Nyidrëti a akeukawane la hni ne la itre atr ka thele Nyidrë.—Itre Huliwa 17:27; 2 Korinito 1:3, 4.