EPUNI a tro kowe la Uma Ne Baselaia, nge saze hë la pengöne lai iuma. Ka tru pala hi la madrine i epuni la epuni a goeëne uma cili, ke nyimu ijine epuni ekö a hane ixatua xupe ej. Ngo sisitria catre pala kö la madrine i epuni enehila, ke, ketre göhnë hë lai hna kuca göi troa hnëkëne la itre ixatua koi itre hna lepe hnei hulö. Hna angazone la nöje i epun hnei wene, me di, ene pe hnene la Komite Ne Filial hna hnëkë ixatua thatraqane la itre hna lepe hnei wene, matre troa hetre nyine xen, me nyine heetrën, me nyine ij, me itre xa ixatua ju kö. Lolo la aqane hamëne la ixatua. Itre trejine a cile xötrë, me kepe ewekë, nge angatr a treije hnei madrin.

Öni Iesu, ihnimikeu la ka mama cile thene la itre hlue i Nyidrë. (Ioane 13:34, 35) Ame ngöne la xötre mekene celë, tro sa ce wange la aqane mama la ihnimi ne la Itretre Anyipici Iehova ngöne la itre hna xupi uma, me itre ixatua i angatr kowe la itre hna lepe hnei hulö, kola qeje wene, me sa, me di, me gejë madra. Ihnimi cili a amamane hnyawa ka hape, easa mele fene la musi ne la Baselaia.