MEKENE 01
Nemene La Eloine La Tusi Hmitrötr?
Nöjei drai kola ketr la mele së hnene la itre akötr, memine la mec. Easa hnying ka hape, “Nemene jë la itre ewekë ka troa traqa elany?” Nge, the qaja palaha la itre ewekë hne së hna mekun lapan e nöjei drai, la easa hnehengazone troa huliwa kowe la fami së, matre madrin. Alanyim la itre atr ka öhne ka hape, Tusi Hmitrötre hi la ka troa sa la itre hnyinge cili. Nge, ixatua koi angatr e nöjei drai. Nge, ame epuni ke, hetre eloine fe kö la Tusi Hmitrötr koi epun?
1. Ijije kö troa sa la itre hnyinge së hnei Tusi Hmitrötr?
Hane hi la itre hnying ka tru hna sa hnei Tusi Hmitrötr: Qaa ka la mel? Pine nemene matre easë pi e celë fen? Hnauëne la easa akötr? Nemene la ka traqa kowe la atr ka meci hë? Hnauëne laka, tru catr palahi hnei itre isi, ngo itre atre pe a ajane troa tingeting? Nemene la ka troa traqa elanyi kowe la ihnadro? Nyipiewekë catr tro sa hnyingëne la itre hnyinge celë. Alanyimu la itre atr ka hnyingëne la itre hnyinge celë, nge hna sa koi angatr hnene la Tusi Hmitrötr.
2. Ijije kö tro la Tusi Hmitrötr a xatua së e nöjei drai?
Tru catr hnei mekun ka lolo ngöne la Tusi Hmitrötr ka xatuane la itre fami troa mele madrin. Maine kola traqa la itre jol koi së ngöne la hna huliwa, ej a hamën la itre mekun ka loi matre tingetinge la itre hni së. Hane hi cahu itre mekun hnei Tusi Hmitrötr hna amamane göne la itre jole celë, me itre xane ju kö. Nge tro hë epuni a öhne ka hape, ame “la nöjei hna cinyihan asë [ene la itre hna qaja ngöne la Tusi Hmitrötr] ke, . . . ka nyipiewekë” fe koi epun.—2 Timoteo 3:16.
Ame la itusi celë, ke, tha Tusi Hmitrötre kö. Ngo, eje pe a xatua epun troa trotrohnine la hnei Tusi Hmitrötre hna qaja. Matre loi e tro epuni a e la itre xötr matre wange ka hape, ka ihmeku kö la itre mekun ngöne la sine itus memine la Tusi Hmitrötr.
TROA CE ITHANATAN
Tro sa ce wang la aqane xatuane la itre atr hnene la Tusi Hmitrötr, me thue aja koi epun troa e. Nge tro epuni a trotrohnine la kepine matre loi e tro ketre atr a qejepengöne koi epun.
3. Tusi Hmitrötr a amamai gojenyi koi së
Ceitune la Tusi Hmitrötr me ketre laam ka mel. Kola xatua së troa xomi mekun ka loi, nge ej a qaja la itre ewekë ka troa traqa elany.
E jë la Salamo 119:105, nge ithanatane jë cahu itre hnying:
-
Nemene la hna mekun hnene la atre cinyanyine la Salamo göne la Tusi Hmitrötr?
-
Ame epuni ke, nemene fe la mekuna i epun?
4. Tusi Hmitrötr a sa la itre hnyinge së
Nyimu macatre hnene la ketre föe hna lapa fë la itre hnyinge i angeic. Nge hnene la Tusi Hmitrötr hna sa. Goeëne jë la VIDEO, nge ce ithanatane jë cahu itre hnying:
-
Nemene la itre hnyinge ne la föe?
-
Nemene la aqane xatua angeic hnene la Tusi Hmitrötr?
Tusi Hmitrötr a upi së tro sa hnying. E jë la Mataio 7:7, nge ce ithanatane jë cahu hnying:
-
Nemene fe la itre hnying hnei epuni hna ajan tro Tusi Hmitrötr a sa?
5. Ka hamë madrin koi së la troa e Tusi Hmitrötr
Tru catr hnei atr ka ajan troa e la Tusi Hmitrötr. Nge öni angatr, ka hetre eloine catre koi angatr. Goeëne jë la VIDEO, nge ce ithanatane jë cahu itre hnying:
-
Ame la easa goeëne la video, pi tro kö la itre nekö trahmanyi me nekö jajinyi a e la Tusi Hmitrötr?
-
Hnauëne la angatr a ajan troa e la Tusi Hmitrötr?
Ame la itre ini qa ngöne la Tusi Hmitrötr, kola akeukawane la hni së me hamë mejiun. E jë la Roma 15:4, nge ce ithanatane jë cahu hnying:
-
Ajane kö epun troa atre la iakeukawanyi cili, me mejiun kowe la hna qaja hnei Tusi Hmitrötr?
6. Hmaloi hi troa trotrohnine la Tusi Hmitrötr e hetre ka xatua së
Alanyimu catr la itre ka ajan troa e la Tusi Hmitrötr, nge ka öhne ka hape, loi e hetre ka qejepengöne koi angatr. E jë la Itre Huliwa 8:26-31, nge ce ithanatane jë cahu hnying:
-
Tune kaa la aqane tro sa trotrohnine la Tusi Hmitrötr?—Wange ju la xötre 30 me 31.
Ame lo atre Aithiope, ke, hnei angeic hna ajane troa xatua angeic troa trotrohnine la hnei angeic hna e. Tune fe hi enehila, alanyimu catr la itre atr ka ajane troa xatua angatr troa trotrohnine la Tusi Hmitrötr
HNE SË HNA MAJEMINE DRENG: “Ame la kola inine la Tusi Hmitrötr, ke, kaloi koi itre ka pë jol.”
-
Ame epuni ke, nemene fe la mekuna i epun? Nge pine nemen?
HANE HI LA HNE SË HNA CE WANG
Kola xatua së hnene la Tusi Hmitrötr e nöjei drai, nge ej a sa la itre hnyinge së ngöne la mele së. Ka akeukawanyi së me hamë mejiun.
Nyine Amekunën
-
Nemene la itre mekun ka troa xatua së ngöne la Tusi Hmitrötr?
-
Qaja jë la itre xaa hnying hna sa hnei Tusi Hmitrötr.
-
Nemene la itre ewekë hnei epuni hna ajan tro Tusi Hmitrötr a ini epun?
ITRE XAA NYINE WANG
Ame la itre mekun ngöne la Tusi Hmitrötr ke, ka hetre thangane palahi enehila.
“Inamacan Ka Cile Hut Qa Hnine La Tusi Hmitrötr” (Ita Ne Thup Na. 1 2018)
Hnene la Tusi Hmitrötr hna xatuane la ketre trahmanyi ka akötr qaane lo angeic a co.
Itre ixatua qa hnine la Tusi Hmitrötr nyine tro la itre fami a xötrethenge.
Tusi Hmitrötr a qaja hnyawa ka hape, drei la ka musi kowe la fen.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
