MEKENE 03
Ijiji Kö Tro Sa Lapaun Kowe La Tusi Hmitrötr?
Ame ngöne La Tusi Hmitrötr, ke tru catr hnei itre hna thingehnaean me itre ithuemacany. Maine jë, aja i epuni fe troa hane atre, ngo epuni a nango luelu. Matre ijije kö tro sa lapaun kowe la hnene ej hna qaja? Ka hetre thangane kö koi së enehila? Ka nyipici kö la hnene ej hna thingehnaean? Hna mejiune hi lai hnene la itre atr ka nyimutre. Nge ame epuni ke? Eahuni a ajan tro epuni a ketre qaja la mekuna i epun.
1. Ka nyipici kö la hna qaja hnei Tusi Hmitrötr maine ka thoi pena?
Tusi Hmitrötr a qaja la itre “tenge ewekë ka nyipici.” (Ate Cainöj 12:10) Tune la itre ewekë ka traqa ha ekö, me itre atr ka mel ekö. (E jë la Luka 1:3; 3:1, 2.) Hnene la itre ka inamacan hna jelenyipicine la hna qaja hnei Tusi Hmitrötr, tune la itre drai, itre atr, itre götran, me itre ewekë ka traqa.
2. Pine nemene matre tha ka hekö kö la Tusi Hmitrötr?
Nyimutre la nöjei götrane laka, pa i Tusi Hmitrötr kö qaja. Tune la sias, ka nyipici palahi. Nyimutre la itre ewekë ngöne la sias ka tha jelenyipicine kö ej. Ngo e thupene pë hë, angatr a öhne ka hape, ka nyipici la hnei Tusi Hmitrötr hna qaja. Ka “nyipici palahi ej enehila, nge uti hë epin.”—Salamo 111:8, MN.
3. Ijije kö tro sa lapaun kowe la hnei Tusi Hmitrötr hna qaja amë?
Tusi Hmitrötr a qaja “la itre ewekë ka tha eatre pala kö.” (Isaia 46:10, MN) Hnene ej hna qaja amë a la itre ewekë ka traqa ha ekö, qëmeken troa eatr. Tune la ijine së enehila, ase hë qaja amë ekö la aqane trongene la mele së. Ame ngöne la ini celë, tro sa ce wange la itre xaa hna qaja amë hnei Tusi Hmitrötr. Nge tro epuni a sesëkötr ka hape, ka nyipici!
TROA CE ITHANATAN
La itre xaa hna qaja hnei Tusi Hmitrötr nge, hna jelenyipicin hnene la sias, memine la itre xaa hna perofetan, nge ka eatre hnyawa.
4. Ka ihmeku la Tusi Hmitrötr memine la sias
Alanyimu la ka mekun ekö ka hape, ame la ihnadro ke ej a të hune la ketre ewekë. Goeëne jë la VIDEO.
Tro sa ce goeëne la hna qaja hnei Iobu laka, 3 500 hë lao macatre enehila. E jë la Iobu 26:7, nge ce ithanatane jë cahu itre hnying:
-
Pine nemene matre kola sesëkötr ka hape, ame la ihnadro ke, ej a thip “ngöne la pëkö” tune la hna qaja hnei Tusi Hmitrötr?
Ame lo itre macatre 1 800 ke, kolo petre hi a atre hnene lo itre ka inamacan la aqane trongene la tim. Ngo ase fe hë la Tusi Hmitrötr thingehnaean. E jë la Iobu 36:27, 28, nge ce ithanatane jë cahu itre hnying:
-
Hnauëne laka, nyine haine la aqane trongene la tim?
-
Mejiune kö epun kowe la itre xötre hne së hna e?
5. Hnei Tusi Hmitrötre fe hna qaja amë la itre ewekë ka troa traqa
E jë la Isaia 44:27–45:2, nge ce ithanatane jë cahu hnying:
-
200 lao macatre qëmekene troa kei hnei Babulona, tune kaa la aqane qejepengöne hnei Tusi Hmitrötr?
Hna jelenyipicine hnene la itre ka inamacan ka hape, hna thapa e Babulona lo macatre 539 M.P.K. b hnei Koreso Joxu ne Peresi. Hnei angatre hna ajeane la tim matre aijijë angatre troa lö hnine la traon. Nge hna fe angangane la itre qënehlö matre tha jole ju kö koi angatr troa thapa ej. Patre hë la traon cili enehila, 2 500 hë lao macatre. Tro sa ce wange la hnei Tusi Hmitrötr hna thingehnaean.
E jë la Isaia 13:19, 20, nge ce ithanatane jë cahu hnying:
-
Hna eatre tune kaa la hna qaja amë cili?
Hnënge etë pe hi lo traon e Babulona e Irak
6. Ase hë Tusi Hmitrötr qaja la itre ewekë hne së hna goeën enehila
Hnei Tusi Hmitrötr hna hëne la hneijin së enehila ka hape, “itre drai ne la pun.” (2 Timoteo 3:1) Tro sa ce wange la aqane qaja amë Tusi Hmitrötr la ijine cili.
E jë la Mataio 24:6, 7, nge ce ithanatane jë cahu hnying:
-
Tune la hna qaja hnei Tusi Hmitrötr, nemene la itre ewekë ka troa traqa ngöne la itre drai ne la pun?
E jë la 2 Timoteo 3:1-5, nge ce ithanatane jë cahu itre hnying:
-
Thenge la hna qaja hnei Tusi Hmitrötr, tune kaa la aqane ujë ne la itre atr ngöne la itre drai ne la pun?
-
Nemene la thiina ne la itre atr hnei epuni hna öhn?
HNE SË HNA MAJEMINE DRENG: “Ame la Tusi Hmitrötr ke, ketre ifejicatre.”
-
Ame koi epun, ke nemene la ka amamane ka hape, ijije hi tro sa mejiun kowe la Tusi Hmitrötr?
HANE HI LA HNE SË HNA CE WANG
Itre ka inamacan memine la itre hna qaja amë a amamane ka hape, ijije hi tro epuni a mejiun kowe la Tusi Hmitrötr.
Nyine Amekunën
-
Ka nyipici kö la Tusi Hmitrötr maine ka thoi?
-
Nemene la itre ewekë ka anyipicine ka hape, ka ihmeku la Tusi Hmitrötr me sias?
-
Ame koi epun, ijije kö tro la Tusi Hmitrötr a qaja la itre drai elany? Pine nemen?
ITRE XAA NYINE WANG
Ame kowe la sias, ka tria kö la Tusi Hmitrötr?
“La science est-elle d’accord avec la Bible ?” (Itus jw.org)
Kola mama tune kaa ka hape, easë hë ngöne “la pun”?
“6 prophéties qui se réalisent sous vos yeux” (Ita Ne Thup 1 Mei 2011)
Wange ju la aqane eatre la itre hna perofetan hnei Tusi Hmitrötr göne la Musi Geres.
Jelenyipicine hë la Tusi Hmitrötr hnene la ketre atr, jëne la itre hna perofetan.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
