MEKENE 04
Drei Lae Akötresie?
Qane ekö, nyimu haze hna thili kow hnene la itre atr, ngo Tusi Hmitrötr a qaja la ketre Akötresie “ka sisitria kö hune la itre xaa haze.” (2 Aqane lapa ite joxu 2:5) Drei Akötresieti lai? Nge nemen la eisapengönei Nyidrë memine la itre xaa haze? Ame ngöne la mekene ce, tro epuni a öhne la pengöi Nyidrë jëne la Tusi Hmitrötr.
1. Drei la ëje i Akötresie, nge nemen la ka amaman ka hape, aja i Nyidrë tro sa atre la ëje i Nyidrë?
Ame e hnine la Tusi Hmitrötr, Nyidrëti a qaja la pengöi Nyidrë koi së. Öni Nyidrë: “Iehova ni, celë hi ëjeng.” (E jë la Isaia 42:5, 8.) Ame la “Iehova” ke ëj qene Heberu, nge thenge la itre ka cinyihan la Tusi Hmitrötr, ame la aliene ej ke “ka atreine troa aejën.” Aja i Iehova tro sa atre la ëje i Nyidrë. (Esodro 3:15) Nemene la ka amaman? Ame e hnine la Tusi Hmitrötr a 7000 lao cinyihan ej. a Nyidrë hmekuj la nyipi “Akötresie e koho hnengödrai me e celë fen” ka xome la ëj, Iehova.—Deuteronomi 4:39.
2. Nemene la hnei Tusi Hmitrötr hna ini së göi Iehova?
Nyimu haze hna thili kow hnene la itre atr. Ngo öni Tusi Hmitrötr, Iehova hmekuje hi la nyipi Akötresie. Pine nemen? Nyimutre la itre kepin. Ka draië catr la musi Iehova, nge Nyidrëti casi hi ‘la Kasisitia hune la fene hnengödrai asëjëihë.’ (E jë la Salamo 83:18.) Ketre, ka Tru Trenge Mene lae Iehova, matre ijije hi tro Nyidrë a aeatrëne la aja i Nyidrë. Hnei Nyidrë “hna xup la nöjei ewekë” tune la hnengödrai me nöjei ewekë ka mel e celë fen. (Hna Amaman 4:8, 11) Ame Iehova, ka pë qan, nge ka pë pun.—Salamo 90:2.
TROA CE ITHANATAN
Tro sa ce wange ka hape, isapengöne kö la sipu ëje i Nyidrë memine la itre xaa aqane hë Nyidrë. Nge tro fe sa wang la aqan, me kepine matre amamane jë Akötresie la ëje i Nyidrë.
3. Nyimu aqane hë Akötresie, ngo casi hi la nyipi ëj
Nemene la eisapengönene la hna ati ëj memine la sipu ëjene la atr? Goeëne jë la VIDEO, nge ce ithanatan jë cahu hnying
-
Nemene la eisapengönene la easa hëne ka hape “Joxu,” memine la easa hëne qa ngöne la ëj?
Öni Tusi Hmitrötr, nyimu haze me joxu hna thili kow hnene la itre atr. E jë la Salamo 136:1-3, nge ce ithanatane jë cahu hnying:
-
Drei la “Akötresieti ne la nöjei haze” me “Joxu ne la nöjei joxu”?
4. Aja i Iehova tro epuni a atre me hëne la ëje i Nyidrë
Nemene la ka amaman laka, aja i Iehova tro epuni a atre la ëje i Nyidrë? Goeëne jë la VIDEO, nge ce ithanatane jë cahu itre hnying:
-
Ame la epuni a hane mekun, aja i Iehova kö tro epuni a atre la ëje i Nyidrë? Pine nemen?
Iehova a ajane tro epuni a hëne la ëje i Nyidrë. E jë la Roma 10:13, nge ce ithanatan jë cahu itre hning:
-
Pine nemen matre nyipiewekë tro sa hëne la ëje i Iehova?
-
Madrine kö eö la kola hë eö qa ngöne la sipu ëje i eö?
-
Ame koi eö, tro kö Iehova a madrin, e tro eö a hëne la sipu ëje i Nyidrë?
5. Iehova a ajane tro epun a nyisinee i Nyidrë
Hna saze la mele i Soten, ketre föe ne Cambodge, la angeic a atre ka hape, hetre ëje i Akötresie. Nge “pëkö ketre madrin ka ceitune memine lai.” Goeëne jë la VIDEO, nge ce ithanatane jë cahu hnying
-
Ame ngöne la video, nemene la ka ketri Soten la angeic a atre la ëje i Akötresie?
Qëmeken la troa nyisineene la ketre atr, loi e tro sa pane atre la ëje i angeic. E jë la Iakobo 4:8a, nge ithanatane jë cahu itre hnying:
-
Nemene la hnei Iehova hna upi epun troa kuca?
-
Maine easa ajan troa nyisinee i Akötresie, pine nemene matre nyipiewekë tro sa atre Nyidrë me hëne la ëje i Nyidrë?
HNE SË HNA MAJEMINE DRENG: “Isa hmi ju hë së, ngo casi hi la Akötresie.”
-
Epuni kö a jelenyipicine ka hape, ame la ëje i Akötresie, ke Iehova?
-
Tune kaa la aqane tro epuni a amamane laka, aja i Akötresie tro sa hëne la ëje i Nyidrë?
HANE HI LA HNE SË HNA CE WANG
Iehova hi la nyipi Akötresie. Aja i Nyidrë tro sa atre me hëne la ëje i Nyidrë.
Nyine Amekunën
-
Pine nemen matre isapengöi Iehova kö memine la itre xaa haze?
-
Pine nemen matre loi e tro sa hëne la ëje i Akötresie?
-
Nemen la ka amamane laka, aja i Iehova tro epuni a nyisinee i Nyidrë?
ITRE XAA NYINE WANG
Wange ju la 5 lao mekune ka jelenyipicine ka hape, hetre Akötresie.
Wange ju la kepine ka jelenyipicine ka hape, hetre Akötresie.
Pine nemene matre loi e tro sa hëne la ëje i Akötresie, ngacama thatre kö së la aqane hën ekö?
Ka nyipiewekë kö la aqane hëne së la ëje i Akötresie? Wange ju la kepin ka amamane laka, casi hi la ëje i Akötresie.
a Maine epuni a ajan la itre xaa ithuemacany göne la alien la ëje i Akötresie me itre kepin matre hnene la itre ka ujën la Tusi Hmitrötr hna xometrij la ëje i Nyidrë, wange ju la Appendice A4 ne la Tusi Hmitrötr Fene Ka Hnyipixe (Qene Wiwi).
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
