Hnei Iehova hna hamëne koi së la ketre ahnaha ka lolo catr. Hna acasine la 66 lao neköi tus ngöne la Tusi Hmitrötr. Ngo ma tro jë epuni a isa hnyingëne ka hape, “Hna tune kaa matre traqa pi koi së la Tusi Hmitrötr? Drei la atrekë ewekën?” Qëmekene troa sa la itre hnyinge celë, loi e tro sa pane ce wange la itre xaa pengöne la Tusi Hmitrötr.

1. Hnauëne la qaja jë ka hape, Trengewekë i Akötresie la Tusi Hmitrötr, ngo itre atre pe la ka cinyanyin?

Hnene la ala 40 lao atr hna cinyanyine la Tusi Hmitrötr ngöne la 1600 lao macatre. Hna nyiqane lo 1513 M.P.K., uti hë lo macatre 98 M.K. Ame la itre ka cinyihan ej, ke isa huliwa i angatre kö. Ame itre xan e angatr, ka thupë öni, itre xan ka nyi ie, joxu itre xan, ngo pëkö ka isazikeu. Hna tune kaa? Pine hi laka, Akötresie la atrekë ewekëne la Tusi Hmitrötr. (E jë la 1 Thesalonika 2:13.) Tha hnene kö la itre ka cinyihan hna qaja la itre sipu mekuna i angatr, ngo hnei angatre pe hna ithanata “jëne la uati hmitrötr i Akötresie.” a (2 Peteru 1:21) Hnene la uati hmitrötre i Akötresie hna upe la itre atr troa cinyianyine la itre mekuna i Nyidrë.—2 Timoteo 3:16.

2. Thatraqai drei la Tusi Hmitrötr?

Tro la nöjei atr qa ngöne la “nöjei nöj, me nöjei tribu, me nöjei qene hlapa” a hane atre la itre maca ka lolo hna qaja hnei Tusi Hmitrötr. (E jë la Hna Amaman 14:6.) Hnei Akötresieti hna thupën matre tro fe a hetre Tusi Hmitrötr ngöne la nöjei pengöne qene hlapa. Pëkö ketre itus ka tune lai! Ngacama isa nöjei easë ju hë me qene hlapa, ijije hi tro sa e la Tusi Hmitrötr.

3. Hnei Iehova hna thupën tune kaa la Tusi Hmitrötr?

Hna cinyanyine la Tusi Hmitrötr ngöne la itre pepa ka canga hnyiqetr. Ngo ame la itre atr ka hnime la Tusi Hmitrötr, hnei angatre pala hi hna fejane lapan, matre tha tro kö a patr. Ngacama hna thele troa apatrene la Tusi Hmitrötr, ngo hnei itre xan hna isin matre tro pala hi a thupën ej. Tha hnei Iehova kö hna nue la ketre ewekë maine ketre atr, troa apatrene la Trengewekë i Nyidrë. Öni Tusi Hmitrötre ka hape: “Ka cile huti epine palua la [Trengewekë] i Akötesi shë.”—Isaia 40:8.

 TROA CE ITHANATAN

5. Hune ju kö la Tusi Hmitrötr

 6. Thatraqai nöjei atr la Tusi Hmitrötr

Ame la Tusi Hmitrötr, ketre itus hna ujën ngöne la nöjei qene hlapa, nge hetrenyi asë hi ngöne la nöjei nöj. E jë la Itre Huliwa 10:34, 35, nge ce ithanatane jë cahu itre hnying:

• Pine nemen matre aja i Akötresie troa ujën me haöthe la fen hnene la Trengewekë i Nyidrë?

• Ame ngöne la Tusi Hmitrötr, nemene la ka ketri epun?

 HANE HI LA HNE SË HNA CE WANG

Ame la Tusi Hmitrötr ke, Trengewekë i Akötresie. Hnei Nyidrëti hna thupën matre tro la itre atr a e.

Nyine Amekunën

• Nemene la mekuna i Akötresie la Nyidrëti a upe la itre atr troa cinyanyine la Tusi Hmitrötr?

• Thenge la hnei epuni hna atre göne la Tusi Hmitrötr, nemene la ka ketri epuni catr?

• Nemene la mekuna i epun göi Akötresie, la Nyidrëti a isine matre tro palahi epun a ithanata me Nyidrë jëne la Tusi Hmitrötr?