MEKENE 11

Tune Kaa La Aqane Tro Epuni a Öhnyi Eloine La Troa e Tusi Hmitrötr?

AMELEN

Maine jë, hnei epuni hna mekun troa eatrëne la ketre huliwa ka tru, ngo epuni a mekun ka hape, tha ijiji epuni kö. Ngo, tro lai a hmaloi, e tro epuni a thawa nyimutren. Ceitune hi lai memine la easa ajan troa e asë la Tusi Hmitrötr. Matre easa hnying ka hape, ‘Tro sa eatrëne tune kaa?’ Ame ngöne la mekene celë, tro sa ce wange la itre mekun ka troa thue aja koi epun matre e me inine la Tusi Hmitrötr.

1. Pine nemene matre troa e lapane la Tusi Hmitrötr?

Ame la atr ka e lapane la Tusi Hmitrötr, maine la “wathebo i Iehova,” tro hë angeic a madrin, nge ‘tro ha tro loi la itre jë i angeic.’ (E jë la Salamo 1:1-3.) Pane nyiqane jë e la Tusi Hmitrötr koi hnepe menetr, e nöjei drai. Ame hë e thupen, hetre aja i epuni hë troa e la Tusi Hmitrötr.

2. Troa hetre thangane tune kaa la hnei epuni hna e la Tusi Hmitrötr?

Maine troa hetre thangane la hnei epuni hna e Tusi Hmitrötr, xomi ijine jë troa “mekune” ajuine la itre hnei epuni hna e. (Iosua 1:8) Ame la epuni a e, hnyingëne jë ka hape: ‘Nemene la ini nyine tro ni a xom göi Iehova? Tune kaa la aqane tro ni a trongëne ngöne la mele i eni? Nge tune kaa la aqane tro ni a xatuane la itre xan?’

3. Eue la ijine tro epuni a e la Tusi Hmitrötr?

Ka jole kö koi epun troa xomi ijine troa e la Tusi Hmitrötr? Tha epuni casi kö. Catre jë troa “huliwane hnyawane la traeme i nyipunie.” (Efeso 5:16) Iëne jë la ketre hnepe ijin matre troa e la Tusi Hmitrötr e nöjei drai. Hnei itre xan hna e e hmahmakany, maine pena la kola mano e hnaipajö. Itre xan e hej qëmeken troa meköl. Nge ame epuni ke, eu la ijine ka loi koi epun?

TROA CE ITHANATAN

Tro sa wang la aqane tro epuni a hetre aja troa e la Tusi Hmitrötr. Tro fe sa ce wang la aqane tro epuni a hnëkë matre hetre thangane la e Tusi Hmitrötre i epun.

Loi e tro sa majemine xen la itre xen hne së hna tha xen. Ketre tune la Tusi Hmitrötr, loi e tro sa majemine e

4. Ka troa hamë aja troa e la Tusi Hmitrötr

Ame la xötrei, tha pi tro kö sa e la Tusi Hmitrötr. Ngo, ijije hi troa hetre ‘aja’, tune la ketre atr ka tha majemine kö xen la ketre xen. E jë la 1 Peteru 2:2, nge ce ithanatane jë cahu hnying:

Epuni kö a mekun ka hape, ame la epuni a e la Tusi Hmitrötr e nöjei drai, tro lai a hamë aja koi epun?

Goeëne jë la VIDEO matre wang la aqane xatuane la itre xaa nekötrahmanyi me jajinyi troa hetre aja troa e la Tusi Hmitrötr. Nge e thupen, ce ithanatane jë cahu itre hnying:

VIDEO: Itre Nekötrahmanyi Me Jajinyi Ka Ajane Troa e La Tusi Hmitrötr (5:33)

Nemene la itre jol hna elë hun hnene la itre nekötrahmanyi me jajiny?
Nemene la ka xatua angatr troa e la Tusi Hmitrötr?
Nemene la aqane kuca i angatr matre tro angatr a pi e la Tusi Hmitrötr?

Itre mekun ka troa xatua së troa e la Tusi Hmitrötr:

Iëne jë la ketre Tusi Hmitrötr ka tha jole kö troa e me trotrohnin. Pane huliwane jë la Tusi Hmitrötr Fene Ka Hnyipixe e hetrenyi ngöne la sipu qene hlapa i epun.
Iëne jë la ketre götrane hnei epuni hna pi ajan troa e. Tro epuni a öhne la itre mekun ngöne la götran hna hape, “Aqane Troa Hetre Aja Matre Troa e La Tusi Hmitrötr.”
Nyihatrene ju la itre hnei epuni hna e. Tro jë ngöne lo götrane hna hape, “E Tusi Hmitrötr.”
Huliwane jë lo application JW Library^®. Jëne ej, ijije hi tro epuni a e maine dreng, jëne telefone maine tablet.
Goeëne ju la itre xaa ithuemacanyi ngöne la Tusi Hmitrötr Fene Ka Hnyipixe. Ame e hnine la Tusi Hmitrötr Fene Ka Hnyipixe tro epuni a öhne la itre carte, tabolo, me itre trengewekë ne la Tusi Hmitrötr, ka troa hamë aja koi epun troa e la Tusi Hmitrötr.

5. Hnëkëne jë la ini Tusi Hmitrötre i epun

E jë la Salamo 119:34, nge ce ithanatane jë cahu hnying:

Pine nemene matre nyipiewekë troa pane thith qëmekene troa e la Tusi Hmitrötr, me hnëkëne la ini Tusi epun?

Tro epuni a öhnyi eloine tune kaa la ini Tusi epun? Ame la epuni a hnëkëne la ketre mekene qa ngöne la itusi ce, kuca jë tune la:

E jë la itre pane paragraf ngöne la mekene.
E jë la itre xötr ka iothekeun lai mekun memine la ini hnei epuni hna wang.
Nyihatrene ju la itre hnëewekë ka sa la itre hnying, matre xatua epun la epuni a ini Tus memine la ka hamë ini koi epun.

Atre fe hi epun?

Nyimutre la itre Tusi Hmitrötr hna huliwan hnene la itre Temoë Iehova. Ngo ajane catrëne kö hun la Tusi Hmitrötr hna hape, Tusi Hmitrötr Fene Ka Hnyipixe ke, ka nyipici, nge tha ka jole kö troa trotrohnin. Nge ej a qaja la ëje i Akötresie.—Wange ju lo itus ngöne la site hun hna hape, “Les Témoins de Jéhovah ont-ils leur Bible à eux ?”

HNE SË HNE MAJEMINE DRENG: “Xounge fe ma inine la Tusi Hmitrötr, nge ketre pëkö ijineng.”

Nemene fe la mekuna i epun?

HANE HI LA HNE SË HNA CE WANG

Troa hetre eloine la e Tusi Hmitrötr i epun e hnei epuni hna xomi ijine troa e. Thithi jë matre tro epuni a trotrohnin. Nge hnëkëne jë la ini Tusi Hmitrötre i epun.