Maine nyipici ka hape, ka ihnimi Akötresie, pine nemene matre, pëkö ihnim thene la itre hmi enehila? Hnene hi laka, ka thoi la itre hmi cili, matre angatr a ahmahmanyi Akötresie. Tune kaa la aqane ahmahmanyi Nyidrë hnei angatr? Nemene la mekuna i Nyidrë? Nge nemene la nyine tro Nyidrëti a kuca kowe la itre hmi elany?

1. Pine nemene matre kola ahmahmanyi Akötresie hnene la itre ini ne la hmi ka thoi?

Hnene la hmi ka thoi hna “nyihnane la nyipici i Akötresie troa hnine la thoi.” (Roma 1:25) Tune la ëje i Akötresie, tha hnene kö la itre hmi hna qaja kowe la itre atr. Ngo ame pe, hnei Tusi Hmitrötr hna qaja la enyipiewekën troa hëne la ëje i Akötresie. (Roma 10:13, 14) Ketre, itre xaa hene ne hmi a qaja ka hape, ame la kola traqa la hulö, ke zöi Akötresie. Ngo trengathoi lai. Thatreine kö tupathi Akötresie hnene la itre ewekë ka ngazo. (E jë la Iakobo 1:13.) Celë hi matre, hnene la itre trengathoi cili hna ananyine la itre atr qaathei Akötresie.

2. Pine nemene matre kola ahmahmanyi Akötresie hnene la itre aqane huliwa ne la itre hmi ka thoi?

Tha hnene kö la hmi ka thoi hna nyipiewekëne la itre atr, tui Iehova. Öni Tusi Hmitrötr, ame la itre ngazo ne la hmi ka thoi ke, “elë hë uti hë hnengödrai.” (Hna Amaman 18:5) Qaane ekö, hnene la itre hmi hna lö hnine la politik, me sajuëne la itre isi, nge traqa koi itre milio lao atr ka mec. Ame la itre xaa hene ne hmi, ke, itre ka trenamo, ke, hnei angatr hna sipo mani thene la itre atrene la hmi angatr. Matre kolo hi lai a amamane ka hape, ame la itre hmi cili, thatre Akötresieti kö, nge tha ijije kö tro angatr a hane qeje Nyidrë.—E jë la 1 Ioane 4:8.

3. Nemene la hnei Akötresieti hna troa kuca kowe la itre hmi ka thoi?

Maine tha madrine kö së kowe la aqane huliwa ne la hmi ka thoi, haawe, ceitu hi lai me Iehova. Nyidrëti a hnim la itre atr, ngo Nyidrëti a wesitr kowe la itre keme ne hmi, ke, hnei angatr hna thaipiëne me qanangazone la itre ka ce hmi me angatr. Nyidrëti a thingehnaean ka hape, troa patre la itre hmi ka thoi, nge “tha tro hmaca kö a hane öhnyi angeic.” (Hna Amaman 18:21) Easenyi hë matre apatrene pi Akötresie la itre hmi ka thoi.—Hna Amaman 18:8.

 TROA CE ITHANATAN

4. Tha Akötresieti kö a kapa la nöjei pengöne hmi

Nyimutre la itre atr ka mekun ka hape, ame la itre hmi, ceitu me itre gojenyi ka isapengön, ngo itre ka tro asë hi koi Akötresie. Nyipici kö lai? E jë la Mataio 7:13, 14, nge ce ithanatane jë cahu hnying:

• Nemene la aqane qejepengöne Tusi Hmitrötr la gojenyi ka tro kowe la mel?

Goeëne jë la VIDEO, nge ce ithanatane jë cahu hnying:

• Tusi Hmitrötr kö a qaja ka hape, Akötresie a kapa la nöjei pengöne hmi?

 6. Aja i Akötresieti kö tro sa trotrij la hmi ka thoi?

E jë la Hna Amaman 18:4, a nge ce ithanatane jë cahu hnying:

• Madrine kö eö troa atre ka hape, aja i Akötresie troa xatuane la itre atr hna amenune hnene la hmi ka thoi?

7. Thele jë troa atre la nyipi Akötresie

Tro kö a saze la aqane goeë Akötresie hnei epun qa ngöne la itre hna qaja me kuca hnene la itre hmi ka thoi? Pane mekune jë la ketre nekön ka tha drengethenge la itre ihaji ne la keme i angeic. Angeic a trotrij la hnalapa me huliwa menu. Tha ajane kö la keme i angeic troa ujë tun. Pine nemene matre tha meköti kö troa upezöne la kem pine la aqane ujë ka ngazo hnene la nekön?

• Hapeu, tro kö sa wesitr koi Iehova, me acilëne la ini Tusi së pine la hna kuca hnene la itre hmi ka thoi?

 HANE HI LA HNE SË HNA CE WANG

Kola ahmahmanyi Akötresie hnene la itre hmi ka thoi qa ngöne la itre ini, me itre huliwa ka ngazo hnei angatr hna kuca. Tro Akötresieti a apatrene la itre hmi ka thoi.

Nyine Amekunën

• Nemene fe la hnei epuni hna mekun göne la itre ini memine la itre huliwa hna kuca hnene la hmi ka thoi?

• Nemene la aqane goeëne Iehova la itre hmi ka thoi?

• Nemene la hnei Akötresieti hna troa kuca kowe la itre hmi ka thoi?