MEKENE 15
Drei Lae Iesu?
Iesu la ketre atr hna atre hnyawa. Nyimutre la itre atr ka atre la ëje i nyidrë, ngo thatre hnyawa kö angatr la pengöi nyidrë. Nge ame itre xan, isapengöne kö la itre mekune hnei angatr hna qaja göi nyidrë. Nemene kö la hna qaja hnei Tusi Hmitrötr göi Iesu?
1. Drei lae Iesu?
Ame Iesu, ketre angela ka trene men, nge ka mel e koho hnengödrai. Hnei Iehova hna pane xupi nyidrë. Celë hi kepine matre kola hë nyidrë ka hape, “haetra ne la itre hna xup asë.” (Kolose 1:15) Tusi Hmitrötr a hë Iesu ka hape, “Nekö hnimina i [Iehova] ka cas.” Ke hna xupe meköti nyidrë hnei Iehova. (Ioane 3:16) Ame pë hë la itre xaa ewekë, ke, hnei Iesu hna ce xup memine la Keme i nyidrë, Iehova. (E jë la Ite Edomë 8:30.) Hnei Iesu palahi hna ce huliwa me Iehova. Kola hë nyidrë ka hape, “Trengewekë,” pine laka nyidrëti a qaja la maca me itre ithuemacanyi qaathei Akötresie.—Ioane 1:14.
2. Hnauëne la Iesu a uti kowe la fen?
Hnei Iesu hna pane mel e koho hnengödrai. Thupene lai, jëne la ketre iamamanyikeu, hnei Iehova hna amë la mele i Iesu ngöne la trengene hnaho ne la ketre neköjajiny, Maria la ëjen. Ene pe, hnaho Iesu pi hi ceitu me ketre atr. Nge 2000 hë lao macatre enehila. (E jë la Luka 1:34, 35.) Hnei Iesu hna traqa e celë fen, matre tro nyidrëti a Mesia maine Keriso, me troa amelene la itre atr. a Ame la itre hna perofetan hnei Tusi Hmitrötr göne la Mesia, hna aeatrën hnei Iesu. Nge celë hi ka aijijëne la itre atr troa trotrohnine ka hape, Iesu hi la “Keriso, Neköne la Akötresie ka ej.”—Mataio 16:16.
3. Ekaa ha Iesu enehila?
Thupene la hnei Iesu hna mel e celë fen, hna amele nyidrëti hmaca ceitu me ketre u. Nge e thupen, hnei nyidrëti hna elë a tro hnengödrai. E cili, “hnei Akötresieti hna adraië Iesu kowe la göhnë ka tru.” (Filipi 2:9) Ame enehila, musi hë Iesu. Nyidrë la atr ka draië e koho hnengödrai thupe i Iehova.
TROA CE ITHANATAN
Tro sa ce wang la enyipiewekëne tro sa atre Iesu hnyawa.
4. Tha Akötresieti kö Iesu
Ngacama Tusi Hmitrötr a qaja ka hape, ame Iesu, ketre angela ka mel e koho hnengödrai, ngo hnei nyidrëti palahi hna dreng la Keme i nyidrë, Iehova. Pine nemene matre easa qaja tune lai? Goeëne jë la VIDEO matre tro sa atre la hna qaja hnei Tusi Hmitrötr göne la eisapengöi nyidro.
Kola qejepengöne koi së hnene la itre xötr ka hape, isapengöi Iehova kö me Iesu. E jë la itre xötr, nge ce ithanatane jë cahu itre hnying:
E jë la Luka 1:30-32.
-
Thenge la angela, nemene Iesu koi Iehova?
E jë la Mataio 3:16, 17.
-
Ame lo kola bapataiso Iesu, nemene la hna qaja qa koho hnengödrai?
-
Ame koi epun, drei la ka ithanata?
E jë la Ioane 14:28.
-
Drei la ka draië, keme maine nekön?
-
Hnei Iesu hna hë Iehova ka hape, Kaka. Kola hapeue lai?
E jë la Ioane 12:49.
-
Ame koi Iesu, ceitui nyidrëti kö memine la Keme i nyidrë? Nemene fe la mekuna i epun?
5. Itre nyine anyipicine ka hape, Iesu la Mesia
Nyimutre la itre hna perofetane hnine la Tusi Hmitrötr ka troa xatuane la itre atr troa atre ka hape, drei la Mesia, lo hnei Akötresieti hna iën matre troa amelene la itre atr. Goeëne jë la VIDEO matre atre jë së la itre xaa hna perofetane hna aeatrëne hnei Iesu lo nyidrëti e celë fen.
E jë la itre hna perofetane hnei Tusi Hmitrötr, nge ce ithanatane jë cahu itre hnying:
E jë la Mika 5:2 matre atre ka hape, troa hnahon ekaa la Mesia. b
-
Hna eatre kö la hna perofetane cili?—Mataio 2:1.
E jë la Salamo 34:20 me Zakaria 12:10 matre tro sa ce wang la lue xaa hna perofetane göne la aqane troa mec hnene la Mesia.
-
Hna eatre kö la itre hna perofetane cili?—Ioane 19:33-37.
-
Ame koi epun, atreine kö Iesu kuca la ketre ewekë matre tha tro kö a eatr la hna perofetan göne la meci nyidrë?
-
Nemene hë la hna amamane göi Iesu?
6. Nyipiewekë troa atre Iesu
Tusi Hmitrötr a qaja ka hape, nyipiewekë tro sa atre Iesu memine la hnëqa i nyidrë. E jë la Ioane 14:6 me 17:3, nge ce ithanatane jë cahu hnying:
-
Pine nemene matre nyipiewekë catr troa atre Iesu?
Hnei Iesu hna ini së la aqane tro sa nyisinee i Akötresie. Nyidrëti a ini së la nyipici göi Iehova, nge jëne nyidrë, ijije hi tro sa hane kapa la mel ka pë pun
HNE SË HNA MAJEMINE DRENG: “Ame la itre Temoë Iehova, ke, tha hane fe kö angatr lapaune koi Iesu.”
-
Nemene la aqane tro epuni a sa?
HANE HI LA HNE SË HNA CE WANG
Ame Iesu, ketre angela. Nyidrëti hi la nekö i Akötresie, me Mesia.
Nyine Amekunën
-
Pine nemene matre kola hë Iesu ka hape, “haetra ne la itre hna xup asë”?
-
Nemene la hnei Iesu hna kuca qëmekene troa traqa e celë fen?
-
Hne së hna atre tune kaa ka hape, Iesu hi la Mesia?
ITRE XAA NYINE WANG
Itre xaa ithuemacanyi göne la hnëqa ne la Mesia.
“Les prophéties messianiques prouvent-elles que Jésus était le Messie ?” (Itus jw.org)
Tusi Hmitrötr a qaja ka hape, isapengöne kö la aqane xupi Iesu me easë itre atr.
“Pourquoi Jésus est-il appelé le Fils de Dieu ?” (Itus jw.org)
Pine nemene matre tha Tusi Hmitrötre kö a qaja ka hape, casi hi Akötresie, me Iesu me uati hmitrötr?
Saze hë la mele ne la ketre föe thupene la eahlo a inine la Tusi Hmitrötr göi Iesu.
“Une femme juive explique pourquoi elle a remis sa foi en question” (Hmeke Jë! Mei 2013)
a Ame ngöne la Mekene 26 me 27, tro sa ce wang la kepin matre loi e tro la itre atr a mel, me aqane troa amele së hnei Iesu.
b Kola qaja hnene la Ithuemacanyi 2 la ketre hna perofetan göne la ijin tro Iesu a traqa e celë fen.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
