MEKENE 21
Hna Cainöjëne Tune Kaa La Maca Ka Loi?
Jëne la Baselaia i Nyidrë, tro Iehova a alolone la mele së. Ketre maca ka mingöming tha nyine tro kö a lapa fë. Hnei Iesu hna upe la itretre drei nyidrë troa qaja la maca cili kowe la nöjei atr asë! (Mataio 28:19, 20) Tune kaa la aqane kapa hnene la itre Temoë Iehova la huliwa cili?
1. Tune kaa la aqane eatr la hna qaja ngöne Mataio 24:14 enehila?
Hnei Iesu hna qaja ekö ka hape: “Tro ha cainöjëne la maca ka loi ne la Baselaia e cailo fen.” (Mataio 24:14) Nge madrine catr la itre Temoë Iehova troa kuca la huliwa cili. Eahuni a cainöjën la maca ka loi ngöne la 1000 lao qene hlapa! Pine laka tha huliwa ka co kö matre nyipiewekë troa catr me eköthe hnyawa la huliwa. Nge thatreine kö troa eatrën e patre kö la ixatua i Iehova.
2. Nemene la aqane isine hun troa cainöj?
Hne hun hna cainöj ngöne la itre gaa tru atr. Tune lo itre pane keresiano ekö, eahuni fe a cainöj “ngöne la itre hnalapa trootro.” (Itre Huliwa 5:42) Ame la aqane cainöje cili, ke kola aijijë hun troa ketr la itre milio lao atr ngöne la nöjei macatre. Ngo pine laka ame la itre atr ke tha angatre kö ngöne la hnalapa i angatr e itre xaa ijin, matre eahuni a tro troa cainöj ngöne la itre gaa tru atr. Nge tha cile kö hun troa qeje Iehova memine la aja i Nyidrë kowe la itre atr hne huni hna öhn.
3. Drei la ka ijije troa cainöjëne la maca ka lolo?
Hnëqa ne la itre nyipi keresiano troa tro fë la maca ka lolo. Nge ketre huliwa lai nyine troa kuca ce memine la metrötr. Eahuni a catre cainöj e ijij, ke atre hi hun ka hape jëne mele kowe la itre atr. (E jë la 1 Timoteo 4:16.) Pëkö thupene koi hun, ke öni Tusi Hmitrötr: “Ase hë nyipunie kapa gufan, hamëne gufane pi.” (Mataio 10:7, 8) Ngacama tha nöjei atr asë kö la ka dreng, ngo eahun palahi a catre cainöj, ke hnëqa hun ngöne la hmi nge ka amadrinë Iehova.
TROA CE ITHANATAN
Tro sa ce wang la aqane isine hnene la itre Temoë Iehova matre cainöj ngöne la fen, memine la aqane xatua së hnei Iehova.
Huliwa ne cainöj ngöne la fen: (A) Costa Rica, (B) Etazini, (C) Bénin, (D) Thaïlande, (E) Yap, (F) Suède
4. Eahuni a tupath troa cainöj koi nöjei atr
Kola isine hnene la itre Temoë Iehova troa cainöjëne la maca ka loi kowe la fen asë. Goeëne jë la VIDEO, nge ce ithanatane jë cahu hnying:
-
Nemene la ka ketri epun la epuni a goeëne la aqane isine hnene la itre Temoë Iehova troa cainöj?
E jë la Mataio 22:39 me Roma 10:13-15, nge ce ithanatane jë cahu itre hnying:
-
Kola amamane tune kaa hnene la cainöje së ka hape, easa hnime la itre atr?
-
Nge nemene la aqane goeëne Iehova la itre atr ka cainöjëne la maca ka loi?—Goeëne jë la xötre 15.
5. Easë la itre ka ce huliwa me Akötresie
Nyimu ewekë ka anyipicin ka hape, easa ce huliwa me Iehova. Hane hi la ketre ceitun, ame Nouvelle-Zélande hnei trejin Paul hna ixelë memine la ketre föe la angeic a cainöj e hnaipajö. Nge ame lai hmakany, ke hnene lai föe hna thithi koi Akötresie, me hëne la ëje i Iehova, hnei eahlo hna sipo Nyidrë troa upe la ketre atr troa wai eahlo. Öni Paul ka hape, “Thupene la köni hawa, eni a fenafena la qënehlö i eahlo.”
E jë la 1 Korinito 3:9, nge ce ithanatane jë cahu hnying:
-
Tune la hna melëne hnene la trejin e Nouvelle-Zélande, nemene la ka anyipicin ka hape ce Iehova me easë ngöne la huliwa ne cainöj?
E jë la Itre Huliwa 1:8, nge ce ithanatane jë cahu hnying:
-
Pine nemene matre loi e tro Iehova a xatua së matre eatrëne la huliwa cili?
Atre fe hi epun?
Ame ngöne la nöjei icasikeu ne la wiik, kola ini hun la aqane troa cainöj. Maine ase hë nyipunie sine la itre icasikeu cili, nemene fe la mekuna i epun?
6. Eahuni a drengethenge Akötresie
Hnene la itre ka icilekeu hna ajan troa ajolëne la itretre drei Iesu troa cainöj ekö. Hnene la itre pane keresiano hna “isigöline la maca ka loi qëmekene la itre mus.” (Filipi 1:7) Nge celë fe hi la hna kuca hnene la itre Temoë Iehova enehila. a
E jë la Itre Huliwa 5:27-42, nge ce ithanatane jë cahu hnying:
IJIJE HI TROA HNYINGË EPUN: “Hnauëne la epuni a itrongë hnalapa?”
-
Tro epuni a sa tune kaa?
HANE HI LA HNE SË HNA CE WANG
Hnei Iesu hna upe la itretre drei Nyidrë troa cainöjëne la maca ka loi ngöne la fen. Nge Iehova fe a xatuane la itre hlue i Nyidrë troa eatrëne la huliwa cili.
Nyine Amekunën
-
Tune kaa la aqane cainöjëne la maca ka loi ngöne la fen asë?
-
Kola amamane tune kaa hnene la maca hne së hna tro fë ka hape, easa hnime la itre atr?
-
Ame koi epun, ka ithue madrine kö koi së la huliwa ne cainöj? Pine nemen?
ITRE XAA NYINE WANG
Tune kaa la aqane cainöje ne la itre Temoë Iehova ngöne la itre nöj ka tru?
Nemene la aqane isine hnene la itre Temoë Iehova troa cainöje kowe la itre atr ka kötre mel?
Angatr a Xatuane La ltre Trahmany Me Föe Ka Kötre Mel Troa Atre Akötresie (5:59)
Ketre föe ka cainöje lapa a qaja la madrine i angeic kowe la huliwa cili.
Hune kö la huliwa ne cainöj qëmekene la itre mus.
“Itretre Cainöj a Iutisai Pine La Maca Ka Loi” (Musi Hë La Baselaia i Akötresie!, mekene 13)
a Pine laka Akötresie la ka upi së troa cainöj, tha nyipiewekë kö tro la itre Temoë Iehova a hnyingëne la mekuna ne la itre mus matre troa cainöjëne la maca ka loi.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
