MEKENE 25
Nemene La Aja i Akötresie Kowe La Atr?
Tune la hna qaja hnei Tusi Hmitrötr ‘xalaithe hi la itre drai ne la atr nge atraqatre la gomegom.’ (Iobu 14:1) Aja i Akötresieti kö lai? Nemene la mekuna i Nyidrë koi së? Nge tro kö a eatr e ketre drai? Tro sa ce wange la aqane sa i Tusi Hmitrötr, nge ka akeukawanyi së.
1. Nemene la mel hnei Iehova hna ajane koi së?
Aja i Iehova tro sa mele ka loi. Ame la Nyidrëti a xupe la lue pane atr, Adramu me Eva, hnei Nyidrë hna ami nyidro ngöne la paradraiso ka mingöming e Edrena. Hnei Nyidrëti hna amanathithi nyidro, me qaja ka hape: “Hnaho pi me mana, nyialiene jë la ihnadro me musinën.” (Genese 1:28, MN) Ame la aja i Iehova ke, tro nyidroti a hetre nekönatr, me atrune la paradraiso ngöne la fen, me thupëne la itre öni. Ame la mekuna i Nyidrë, troa mele ka loi la itre atr nge troa mel uti hë epin.
Ngo ame la mele cili, tha ceitune kö memine la mele së enehila, a ngo ame pe tha saze kö la mekuna i Akötresie. (Isaia 46:10, 11) Aja i Iehova palahi tro la itre atr ka idrengethenge a mele tingeting uti hë epin.—E jë la Hna Amaman 21:3, 4.
2. Nemene la nyine tro sa kuca matre troa hetre aliene la mele së enehila?
Hnei Iehova hna xupi së memine la ‘aja troa atre Nyidrë.’ Celë hi matre easa thel troa atre Nyidrë, me ajane troa thili koi Nyidrë. (E jë la Mataio 5:3-6.) Aja i Nyidrë tro sa easenyi koi Nyidrë, me ‘trongëne la nöjei jë i nyidrë asë, troa hnimi Nyidrë’ me nyihlue i Nyidrë ‘hnene la hni ka pexej.’ (Deuteronomi 10:12; Salamo 25:14) Itre ewekë lai ka troa amadrinë së ngacama easa ixelë me itre jol. Ame la easa thili koi Iehova, ke hetre aliene la mele së, ke easa mele thenge la aqane xupi së hnei Nyidrë.
TROA CE ITHANATAN
Tro sa ce wange la aqane hnëkëne Iehova la ihnadro ce memine la ihnim me aqane qejepengöne Tusi Hmitrötr la nyine tro sa kuca matre hetre aliene la mele së.
3. Hetre mele ka mingöming hnei Iehova hna hnëkëne kowe la itre atr
Goeëne jë la VIDEO, nge ce ithanatane jë cahu hnying:
-
Pine nemene matre xupe jë Akötresieti la ihnadro ka mingöming?
E jë la Ate Cainöj 3:11, nge ce ithanatane jë cahu hnying:
-
Thenge la xötr, nemene la hne së hna atre göi Iehova?
4. Tha saze kö la mekuna i Iehova
E jë la Salamo 37:11, 29 me Isaia 55:11, nge ce ithanatane jë cahu hnying:
-
Hne së hna atre tune kaa ka hape, tha saze kö la mekuna i Iehova koi së?
Ame la uma hna angazon, ke ijije hi troa kuca hnyawane hmaca. Ceitune hi lai memine la ihnadro hna angazon hnene la itre atr, tro hmaca kö Akötresieti a kuca hnyawan, me hamëne koi itre atr ka hnimi Nyidrë
5. Troa hetre aliene la mele së e tro sa nyihlue i Iehova
Ame la easë a atre ka hape, hetre aliene la mel, easa madrin. Goeëne jë la VIDEO, nge ce ithanatane jë cahu hnying:
-
Ame la Terumi a atre ka hape hetre aliene la mel, nemene hë la ka saze ngöne la mele i angeic?
E jë la Ate Cainöj 12:13, nge ce ithanatane jë cahu hnying:
-
Ame la easa mekune la hnei Iehova hna kuca koi së, kola upi së troa u?
IJIJE HI TROA HNYINGË EPUN: “Hnauëne laka, easa mel?”
-
Tro epuni a sa tune kaa?
HANE HI LA HNE SË HNA CE WANG
Aja i Iehova tro sa mele ka loi uti hë epine palua ngöne la ihnadro. Nge e tro sa nyihlue i Nyidrë, tro ha hetre aliene la mele së.
Nyine Amekunën
-
Nemene la mekuna i Iehova ekö koi Adramu me Eva?
-
Hne së hna atre tune kaa ka hape, tha saze kö la mekuna i Iehova kowe la itre atr?
-
Nemene la nyine tro epuni a kuca matre hetre aliene la mele i epun?
ITRE XAA NYINE WANG
Ka nyipici kö ka hape, hetre Edrena ekö e celë fen?
Pine nemene matre xecie hnyawa koi së ka hape, tha tro kö a paatre la ihnadro?
Mekuna i Tusi Hmitrötr göne la mel.
Hnene la ketre trahmanyi hna mekune ka hape, ka lolo la mele i angeic, ngo ca ewekë pe hi ka pë thei angeic.
a Ame la mekene thupen, kola qejepengön la kepin, matre tha eatre ju kö la mekuna i Akötresie.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
