MEKENE 26

Pine Nemene Matre Kola Akötr La Atr?

AMELEN

“Hnauën?” Ketre hnyinge lai hne së hna majemine dreng la kola ketr la itre atr hnene la itre jol. Eloine pe, Tusi Hmitrötr a sa la hnyinge cili!

1. Hna fetra tune kaa la ngazo?

Hnei Satana hna icilekeu me Akötresie. Pine laka aja i angeic troa mus, hnei angeic hna ukun la lue pane atr troa icilekeu me Akötresie. Hnei angeic hna thoi koi Eva, matre eatrën la mekuna i angeic. (Genese 3:1-5) Öni angeic ka hape, Nyidrëti a cipan la ketre ewekë ka lolo koi nyidro, nge tha nyipiewekë kö tro nyidroti a drei Akötresie matre troa madrin. Ame la angeic a qaja koi Eva ka hape, tha tro jë kö epon a mec, ke pane trengathoi lai. Celë hi matre hë angeice jë hnei Tusi Hmitrötr ka hape, ‘atre thoi nge keme ne la thoi.’—Ioane 8:44.

2. Nemene la ewekë hna iën hnei Adramu me Eva?

Hnei Iehova hna hamëne la nöjei ewekë koi Adramu me Eva, tune la troa xeni la nöjei wene sinöe ngöne la hlapa e Edrena, ngo casi pe hi la hna wathebon. (Genese 2:15-17) Ngo hnei nyidro hna tha idrei. Hnei Eva hna “huje pi me xeni la ketre wen.” Thupene lai, hnei Adramu fe hna “xeni ju.” (Genese 3:6, MN) Maine ju ke, ijije hi tro Adramu me Eva a idrengethenge, ke lue ka pexeje nyidro. Ngo ame la tria i nyidro, ke tha hnei nyidroti kö hna dreng la musi Akötresie. Ame hë la pun, tru la itre akötr.—Genese 3:16-19.

3. Nemene la itre thangane la ië ewekë i Adramu me Eva koi së?

Pine la hna tha idrei hnei Adramu me Eva, lue atr ka ngazo hë nyidro, nge hnei nyidroti hna hnahone la itre nekönatr ka ngazo. Hnei Tusi Hmitrötr hna qejepengö i Adramu ka hape: “Hna haöthe la fen hnene la ngazo ne la ala cas, nge meci a traqa pine la ngazo, ene pe, traqa pi la meci kowe la nöjei atr asë.”—Roma 5:12.

Nyimu kepin matre easa akötr. Maine jë, hnene la aqane ië ewekë së. Maine pena, easa drengethenge itre xan, nge ketre, easa mele ngöne la fene ka ngazo.—E jë la Ate Cainöj 9:11.

TROA CE ITHANATAN

Tro sa ce wange ka hape, tha Iehova kö la atrekë zön la itre akötr enehila, nge kola ketri Nyidrë la easa akötr.

4. Drei la qaane la itre akötre së

Itre atr a mekune ka hape Akötresieti la ka musinëne la fen. Nyipici kö lai? Goeëne jë la VIDEO.

VIDEO: Drei La Ka Mus Kowe La Fen? (1:24)

E jë la Iakobo 1:13 me 1 Ioane 5:19, nge ce ithanatane jë cahu hnying:

Zö i Akötresieti kö matre easa akötr?

5. Itre thangane la musi Satana

Goeëne jë la VIDEO.

VIDEO: Hnauëne La Akötresieti a Nue La Akötr?—Extrait (3:07)

E jë la Genese 3:1-6, nge ce ithanatane jë cahu itre hnying:

Nemene la trengathoi hnei Satana hna qaja?—Goeëne jë la itre xötre 4 me 5.
Nemene la trengathoi hna sile hnei Satana matre tro la itre atr a mekune ka hape, hnei Iehova hna cipane la ketre ewekë ka lolo koi angatr?
Nyipici Satana kö ka hape, ijije hi tro la itre atr a madrine e tröne la musi Akötresie?

E jë la Ate Cainöj 8:9, nge ce ithanatane jë cahu hnying:

Nemene hë la ewekë ka traqa ngöne la fen, thupene la hnene la atr hna nuetrije la musi Akötresie?

Lue ka pexej Adramu me Eva, lo nyidroti a mele ekö ngöne la Paradraiso. Ngo hnei nyidroti hna drei Satana, me icilekeu memine la musi Iehova
Ame la pun la tha idrei i nyidro, traqa ha la ngazo, me itre akötr, me mec e celë fen
Tro Iehova a apatrene la ngazo, memine la itre akötr, me mec. Nge tro hmaca ha la itre atr a mele ka loi ngöne la Paradraiso

6. Hace koi Iehova la easa akötr

Hapeu, meku së fe kö hnei Akötresie la easa akötr? Tro sa ce wange la hna cinyanyine hnei Dravita Joxu me Peteru aposetolo. E jë la Salamo 31:7 me 1 Peteru 5:7, nge ce ithanatane jë cahu hnying:

Kolo kö a ketri epun la epuni a atre ka hape, Akötresie a meku së la easa akötr?

7. Tro Akötresie a apatrene la itre akötre ne la atr

E jë la Isaia 65:17 me Hna Amaman 21:3, 4, nge ce ithanatane jë cahu hnying:

Tro Iehova a apatrene la itre akötr ka traqa koi së, pine nemene matre ka akeukawanyi së?

Atre fe hi epun?

Ame la Satana a qaja ka hape, tha meköti kö tro Iehova a mus, nge ka pë ihnimin, angeice hi lai a qaja angazone la ëje i Iehova me sili trengathoi. Ngo easenyi hë tro Iehova a apatrene la itre akötr, e cili troa mama ka hape, ka sisitria kö la musi Nyidrë. Matre meköt troa qaja aloine la ëje i Iehova.—Mataio 6:9, 10.

HNE SË HNA MAJEMINE DRENG: “Akötresie a akötrë së matre tupathe la lapaune së.”

Tro epuni a sa tune kaa?

HANE HI LA HNE SË HNA CE WANG

Zöi Satana memine la lue pane atre hna xup matre easa akötr. Tru catre la hnei Iehova hna meku së nge easenyi hë matre apatrene pi Nyidrëti la itre akötr.