MEKENE 37
Nemene La Mekuna i Tusi Hmitrötr Göi Huliwa Me Mani?
Epuni kö a hnehengazone troa hetre huliwa me mani? Tha ka hmaloi kö troa ce xome la huliwa i maseta, me nyihlue i Iehova. Ame pe, ijije hi tro la Tusi Hmitrötr a xatua së.
1. Nemene la hnei Tusi Hmitrötr hna qaja göi huliwa?
Ame la aja i Akötresie, ke tro sa madrine la easa huliwa. Öni Tusi Hmitrötr, “pëkö ketre madrine ka tru kowe la atr . . . e tro angeic a catre huliwa.” (Ate Cainöj 2:24, MN) Ka huliwa catre Iehova. E tro sa huliwa catr, easa amadrinë Nyidrë, nge tru catre mina fe la madrine së.
Ngacama ka nyipiewekë la huliwa, ngo tha tro kö ej a thapa la traeme së koi Iehova. (Ioane 6:27) Öni Iehova ka hape, e tro sa amë panë Nyidrë ngöne la mele së, tro Nyidrëti a hamë së la ka ijij.
2. Kola hapeu la troa atreine waiewekë göi mani?
Öni Tusi Hmitrötr, nyine ‘thupë së la mani,’ ngo tha mani kö la ka troa hamë madrine koi së. (Ate Cainöj 7:12) Öni Tusi Hmitrötre mina fe, tha tro kö sa hnimi mani, ngo tro pe sa “melëne la ka ijij.” (E jë la Heberu 13:5.) E tro sa trongëne la lue ini celë, tha tro kö sa traqa koi jol. Nge the tro pi kö sa xomi gufa menu. (Ite Edomë 22:7) Ketre, tha tro pi kö sa kei kowe la elo mani, me pi hetreny.
3. Tro sa huliwane hnyawane tune kaa la mani?
Akötresie ka ham lae Iehova, nge tui Nyidrë, loi e tro mina fe sa “ham, me saqe ce thawa me itre xan.” (1 Timoteo 6:18) Ame la easa kuië ahnahna kowe la ekalesia, me hamë mani kowe la itre trejine ka aja ixatua, easë hi lai a huliwane hnyawane la mani. Ame Iehova, Nyidrëti a goeëne la hni së, ngo tha eje kö la etrune la hne së hna hamën. E tro sa hamëne qa kuhu hni së, tro hë sa madrin, nge tro fe Iehova a madrin.—E jë la Itre Huliwa 20:35.
TROA CE ITHANATAN
Tro sa ce wang la itre eloine troa catre huliwa me melëne la ka ijij.
4. Atrunyi Iehova jë ngöne la hna huliwa
Troa mama la ihnimi së koi Iehova ngöne la aqane goeëne së la huliwa. Goeëne jë la VIDEO, nge ce ithanatane jë cahu itre hnying:
-
Nemene jë la aqane ujë i Jason ngöne la hna huliwa i angeic?
-
Nemene la aqane goeëne angeic la huliwa?
E jë la Kolose 3:23, 24, nge ce ithanatane jë cahu hnying:
-
Pine nemene matre tro sa waiewekë hnyawa göi huliwa?
Ka nyipiewekë catr la huliwa. Ngo tha tro pe ej a xome la traeme së troa nyihlue i Iehova
5. Hetre itre eloine la troa melëne la ka ijij
Tru catre la itre atr ka thele mani atrun. Ngo tha celë kö la mekuna i Tusi Hmitrötr. E jë la 1 Timoteo 6:6-8, nge ce ithanatane jë cahu hnying:
-
Nemene la hna qaja e celë hnei Tusi Hmitrötr?
Ijije hi troa madrine la atr ngacama tha tru kö hnei mani angeic. Goeëne jë la VIDEO, nge ce ithanatane jë cahu hnying:
-
Nemene la ka amadrinëne la fami celë, ngacama pëkö mani angatr?
Ame la atr ka trene mani, tro palahi angeic a nyinyape thel. Öni Iesu, ka ngazo catre la aqane ujë cili. E jë la Luka 12:15-21, nge ce ithanatane jë cahu hnying:
-
Nemene la ini hnei epuni hna xome qa ngöne la ceitune hna hamëne hnei Iesu?—Wange ju la xötre 15.
E jë nge wange ju la lue mekun ka isapengöne ngöne Ite Edomë 10:22 me 1 Timoteo 6:10. E thupen, ce ithanatane jë cahu itre hnying:
-
Ame koi epun, nemene la ka nyipiewekë: troa nyisinee i Iehova maine pena troa trene mani? Pine nemen?
-
Nemene la itre jol ka troa traqa koi së, e tro sa nyinyape thele mani?
6. Tro kö Iehova a thupë së
Mejiune jë koi Iehova e traqa ju la itre jol göi huliwa me mani. Goeëne jë la VIDEO matre wange la aqane troa elë hune lai lue jole cili. E thupen, ce ithanatane jë cahu itre hnying:
-
Nemene la itre jol ka traqa kowe la trejin trahmany?
-
Nemene la hnei angeic hna kuca matre elë hune la itre jol?
E jë la Mataio 6:25-34, nge ce ithanatane jë cahu hnying:
-
Nemene la hnei Iehova hna thingehnaeane kowe la itre ka amë panë Nyidrë ngöne la mele i angatr?
HNE SË HNA MAJEMINE DRENG: “Ka loi pi hë la troa icasikeu, ngo tro pë hë la faming a xeni nemen?”
-
Nemene la xötre ka amamane koi epun ka hape, ka nyipiewekë kö troa amë panëne la hmi i Iehova?
HANE HI LA HNE SË HNA CE WANG
Ka nyipiewekë la huliwa me mani, ngo tha tro pi kö lue ej a ajolë së troa nyihlue i Iehova.
Nyine Amekunën
-
Nemene la ka xatua epun troa atreine waiewekë göi huliwa?
-
Nemene la itre eloine troa melëne la ka ijij?
-
Tro epuni a amamane tune kaa la mejiune i epun koi Iehova laka, tro kö Nyidrë a thupëne la itre hlue i Nyidrë?
ITRE XAA NYINE WANG
Tusi Hmitrötre kö a qaja ka hape, ka ngazo troa hetre mani?
“L’argent est-il la racine de tous les maux ?” (Itus jw.org)
Itre ahnahna ka amadrinë Akötresie.
Ka loi kö troa elo mani?
“D’après la Bible : Les jeux d’argent” (Hmeke Jë! Maac 2015)
Tha atrekënö hë me elo mani la ketre trahmany.
“Les courses de chevaux étaient ma passion” (Ita Ne Thup 1 Nofeba 2011)
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
