MEKENE 38
Wangatrune Jë La Mel!
Nyimu ijine ka lolo la easa mel. Ngacama tru ju hë la itre jol ka traqa koi së, ngo tru catre palakö la aja së troa mel. Tro sa amamane tune kaa ka hape, ka nyipiewekë la mel? Nge nemene la nyipi kepin matre easa wangatrune la mel?
1. Pine nemene matre ka sisitria koi së la mel?
Ka nyipiewekë catre la mel koi së, ke ahnahna lai qaathei Iehova, Keme së ka tru ihnimin. Nyidrëti hi la “qeqe ne mel” me Atre Xup. (Salamo 36:9) “Nyidrëti hi la atre hamë mel, me mano ne mel, me nöjei ewekë asë.” (Itre Huliwa 17:25, 28) Nge hnei Iehova hna hamë së la nöjei ewekë ka lolo matre tro sa mel. Ketre, aja i Nyidrë tro sa mele madrin.—Itre Huliwa 14:17.
2. Tro sa amamane tune kaa koi Iehova ka hape, ahnahna la mel?
Ame petre kö la easë e kuhu hni thine së, ka nyipiewekë fe hë së koi Iehova. Öni Dravita koi Iehova: “Öhnyi ni hë hnei nyipë, nge tha atr petre kö ni.” (Salamo 139:16, MN) Ka nyipiewekë catre la mele së koi Iehova. (E jë la Mataio 10:29-31.) Hace catre Nyidrë la kola hnöjua hnene la ketre atr, maine ihumuthi pena. a (Esodro 20:13) Haawe, akötre catre Iehova e tha thupëne kö së la mele së, me melen ne la itre xaa atr. Nge ame la easa thupëne hnyawane la mele së me mele itre xan, easë hi lai a amamane koi Iehova ka hape, ka sisitria catre koi së la mel.
TROA CE ITHANATAN
Tro sa ce wang la itre aqane tro sa wangatrune la mel.
3. Thupëne hnyawa ju la mele i epun
Ame la ketre keresiano a nue la mele i angeic koi Iehova, angeice hi lai a huujëne la mele i angeice ka pexej. Celë hi matre, loi e tro angeic a thupëne hnyawane la mele i angeic. E jë la Roma 12:1, 2, nge ce ithanatane jë cahu itre hnying:
-
Nemene la ka uku epun troa thupëne hnyawa la mele i epun?
-
Nemene la itre aqane tro epuni a thupëne hnyawa la mele i epun?
4. Thupëne hnyawa kö la mele i epun me itre xan
Tusi Hmitrötr a amamane la aqane tro sa hmek, wanga eatre pi me humuthe pi la ketre atr. Goeëne jë la VIDEO matre wang la aqane tro epuni a thupëne la mele i epun me itre xan.
E jë la Ite Edomë 22:3, nge ce ithanatane jë la itre aqane tro epuni a thupëne la mel . . .
-
ngöne la hnalapa.
-
ngöne la hna huliwa.
-
ngöne la kola kuci elo.
-
ngöne la kola ti loto.
5. Metrötrëne ju la mel ne la nekönatr e kuhu hni thin
Hnei Dravita hna sili nyimane la aqane wangatrune Iehova la mel, memine la aqane kökötre trootro la nekönatr e kuhu hni thin. E jë la Salamo 139:13-17, nge ce ithanatane jë cahu hnying:
-
Ame koi Iehova, kola nyiqane ekaa la mele ne la nekönatr, e kuhu hni maine ngöne la kola malan?
Ame la itre wathebo hnei Iehova hna hamëne ekö koi Isaraela, ke nyine thupëne la itre föe ka upune, me itre nekönatre hna troa malan. E jë la Esodro 21:22, 23, nge ce ithanatane jë cahu itre hnying:
-
Nemene la mekuna i Iehova kowe ketre atr ka tro pen la föe ka upune matre meci pi la medreng?
-
Nemene la mekuna i Iehova kowe la föe ka thi upune? b
-
Nemene la mekuna i epun göne la aqane waiewekë Iehova?
Ijije fe hi troa mekun hnene la ketre föe ka wangatrune la mel ka hape, ka loi la troa thi upune. E jë la Isaia 41:10, nge ce ithanatane jë cahu itre hnying:
-
Maine troa ukune la ketre föe troa thi upune, drei la ka ijij troa xatua angeic? Nge pine nemen?
HNE SË HNA MAJEMINE DRENG: “Isa qanyine kö la itre föe wang ka hape, tro angatr a thi upune maine waea.”
-
Nemene la ka anyipicine koi epun ka hape, Iehova a wangatrune la nekönatr e kuhu hni thin?
HANE HI LA HNE SË HNA CE WANG
Tusi Hmitrötr a amamane koi së ka hape, ahnahna i Akötresieti la mel. Loi e tro sa hnim me metrötrëne la mele së me mele itre xan.
Nyine Amekunën
-
Hnauëne laka, Iehova a wangatrune la mele ne la atr?
-
Tune kaa la aqane goeëne Iehova la atr ka ihumuth?
-
Pine nemene matre ame koi epun, ke ahnahna i Iehova la mel?
ITRE XAA NYINE WANG
Tro sa olene tune kaa koi Iehova la hnei Nyidrë hna hamë së la mel?
Kola sa la ketre hnying: Tro kö Akötresie a nue la ngazo ne la föe ka thi upune?
Pine laka, ka sisitria koi Iehova la mel, loi e tro sa iëne hnyawane la itre nyine iamadrinë.
“‘Sports de l’extrême’ : doit-on faire abstraction des risques ?” (Hmeke Jë! 8 Okotropa 2000)
Tune kaa la aqane tro la Tusi Hmitrötr a xatuane la itre atr ka pi hnöjua?
“Je veux mourir—Est-ce que la Bible peut m’aider si j’ai des idées suicidaires ?” (Itus jw.org)
a Tru catre la hnei Iehova hna mekun la itre atr ka akötr. (Salamo 34:18) Trotrohnine hi Nyidrë la itre atr ka pi hnöjua, nge tru la aja i Nyidrë troa xatua angatr. Maine epuni a ajane troa öhne la ixatua cili, e jë la tane mekun, “Je veux mourir—Est-ce que la Bible peut m’aider si j’ai des idées suicidaires ?” ngöne la götrane “Itre Xaa Nyine Wang” ne la mekene celë.
b Tha tro kö la itre föe ka thi upune ekö a hace fë la hnei angatr hna kuca, ke ase hë Iehova nue la itre ngazo i angatr. Maine epuni a aja itre xaa ithuemacany, wange ju la tane mekun hna hape, “L’avortement : qu’en dit Bible ?” ngöne la götrane “Itre Xaa Nyine Wang” ne la mekene celë.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
