MEKENE 39
Mekuna i Akötresie Göi Madra
Ka nyipiewekë catre la madra. Thatreine kö la atr troa mel e pëkö madra. Akötresie la ka xupi së, nge meköt tro Nydrëti a qaja koi së la aqane troa huliwane la madra. Nemene la hnei Akötresie hna qaja göi madra? Tro kö sa öni madra? Tro kö sa hamëne koi ketre atr la madra së? Tune kaa la aqane tro sa xomi mekune ka loi ngöne la götrane celë?
1. Nemene la mekuna i Iehova göne la madra?
Öni Iehova kowe la itre hlue i Nyidrëti ekö: “Ame la mele ne la ngönetrei, ke madra.” (Levitiko 17:14, MN) Ame koi Iehova, ame la madra ke, mele hi lai. Matre ame la mel me madra, ka hmitrötr, ke ahnahna i Akötresieti lai.
2. Nemene la hnei Akötresieti hna amekötine göne la aqane troa huliwane la madra?
Hnei Iehova hna wathebone ekö la itre hlue i Nyidrë troa öni madra. (E jë la Genese 9:4 me Levitiko 17:10.) Jëne la lapa ne xomi meköt, öni Iehova mina fe kowe la itre pane keresiano ka hape: “Troa iananyi . . . me madra.”—E jë la Itre Huliwa 15:28, 29.
Kola hapeu la troa iananyi me madra? Maine tro droketre a wathebo epun troa iji kahaitr, tha tro kö epuni lai a ij. Ngo hapeu, tro kö epuni lai a kapa jëne la ketre xen maine jëne serome pena? Waea. Ceitune hi lai memine la Iehova a amekötine koi së troa iananyi me madra. Kolo hi lai hape, tha tro kö sa ij, me öni la miitr hna tha aneni madran, maine xeni pena la ketre xen ka hetre madran.
Tune kaa fe kowe la madra hna xome troa nyinyine la itre mec? Ame la itre xaa mec hna nyinyine hnei madra ke, tha ka ihmeku kö memine la wathebo i Akötresie. Tune la kola hamë madra ka pexeje koi së, maine itre mutine madra pena, tune la globules rouges, globules blancs, plaquettes me plasma. Ngo hetre itre xaa ewekë ngöne la madra laka, ijije hi tro sa xom, ke pëkö hna qaja hnei Tusi Hmitrötre göne lai. Tune la kola huliwane la itre wamine mutine madra. Nge tune fe la kola xöj la ketre atr, nge kolo hmaca kö a hamëne koi angeic la madra i angeic. Matre ame ngöne la götrane cili, isa qanyi së kö ië mekun. a—Galatia 6:5.
TROA CE ITHANATAN
Tro sa ce wange la aqane tro sa ië mekune göi madra.
3. Iëne jë la itre mekune ka amadrinë Iehova göi aqane troa nyinyine la itre mec
Tune kaa la aqane tro sa ië mekun ka ihmeku memine la aja i Akötresie göi madra? Goeëne jë la VIDEO, nge ce ithanatane jë la enyipiewekëne troa trongëne la itre hna qaja e cahu fen.
-
Thithi jë troa sipo inamacan.—Iakobo 1:5.
-
Thele jë la itre trepene meköt ka ihmeku memine la hnei epuni hna melën.—Ite Edomë 13:16.
-
Wange ju ngöne la nöje i epun la itre xaa aqane troa nyinyine la meci epun.
-
The xome kö la ketre aqane inyië, nge tha aja i epuni pe.
-
Xomi mekune jë thenge la mekuthetheu i epun.—Itre Huliwa 24:16. b
-
Tha föi epuni kö, me itre qatre thup, memine la ka hamë ini koi epun la ka troa qaja koi epun la nyine troa kuca.—Roma 14:12.
-
Cinyanyine jë la itre mekune nyine tro epuni a xom.
4. Itre Temoë Iehova a iëne la itre nyine inyië ka lolo kowe la meci angatr
Ijije hi tro sa trongëne la wathebo i Iehova göi madra, la easa iën la itre xaa nyine nyinyine la meci së. Goeëne jë la VIDEO.
VIDEO: Kola Ithanata Me Porofesör Massimo Franchi (1:36)
E jë la Tito 3:2, nge ce ithanatane jë cahu hnying:
-
Hnauëne laka, tro sa loi thiina la easa ithanata koi itre droketre?
|
Tha tro kö la keresiano a kapa |
Isa qanyine kö la keresiano iën |
|---|---|
|
A. Plasma |
Wamine mutine plasma |
|
B. Globules blancs |
Wamine mutine globules blancs |
|
C. Plaquettes |
Wamine mutine plaquettes |
|
D. Globules rouge |
Wamine mutine globules rouges |
5. Itre wamine mutine madra
Ame la madra, ke ka foa lao götran: globules rouges, globules blancs, plaquettes me plasma. Ame ngöne lai foa lao götrane la madra, ke hetre itre götrane ka co lo hna hape, itre wamine mutine madra. c Ame la itre xaa wamine mutine madra, ke nyine nyinyine hi la itre xaa meci së. Ketre mina fe, jëne la itre xaa wamine mutine madra, ijije hi troa neëne matre tha tro kö a pë madra së.
Ame göi itre wamine mutine madra, ke qanyine kö la keresiano iën, thenge la mekuthetheu i angeic hna inine hnene la Tusi Hmitrötr. Ame la itre xan, angatr a kapa troa xome la itre wamine mutine madra, matre nyinyine la meci angatr. Ame pena la itre xan, ke xele fe kö angatr ma hane kapa.
Qëmekene troa xomi mekune göne la itre wamine mutine madra, isa hnyinge jë ka hape:
-
Tro ni a qejepengöne tune kaa koi droketre la kepine matre eni a kapa maine tha kapa?
IJIJE HI TROA HNYINGË EPUN: “Hnauëne laka, tha epuni kö a xomi madra?”
-
Tro epuni a sa tune kaa?
HANE HI LA HNE SË HNA CE WANG
Tha aja i Iehova kö tro sa huliwane menune la madra.
Nyine Amekunën
-
Pine nemene matre ka hmitrötre la madra koi Iehova?
-
Hne së hna atre tune kaa ka hape, ame lo wathebo i Iehova göi troa iananyi me madra, ke göi itre transfusions fe?
-
Nemene la ka troa xatua epun troa xomi mekune ka loi göi madra?
ITRE XAA NYINE WANG
Itre mekune ka troa xatua epun göi aqane troa huliwane la madra.
Itre mekune ka troa xatua epun troa kapa maine tha kapa pena la itre wamine mutine madra.
Hnauëne la qaja jë hnene la ketre droketre ka hape, meköt la hnei Iehova hna qaja göi madra?
“J’ai accepté le point de vue de Dieu sur le sang” (Hmeke Jë! 8 Diseba 2003)
Tune kaa la aqane xatuane la itre trejine hnene la itre qatre thup ka huliwa i CLH (comités de liaison hospitaliers)?
b Wange ju lai ini 5, “Itre Wamine Mutine Madra”; Ithuemacanyi 3, “Aqane Huliwane La Madra” me Huliwa Ne Baselaia ne Nofeba 2006 götrane 3-6.
c Ame kowe la itre xaa droketre, ame lo lai foa lao götrane la madra, ke itre wamine mutine madra hi lai. Matre loi e tro epuni e cili a qejepengöne hnyawa kowe la droketre i epun, la kepine matre tha epuni kö a kapa troa xome la madra ka pexej, memine lo itre mutine madra, kolo globules rouges, globules blancs, plaquettes me plasma.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
