Öni Iesu kowe la itretre drei nyidrë, “trenyiwa nyipunie kowe la fen.” (Ioane 15:19) Kolo lai a hape, tha tro kö angatr a hane sin la kuci politik me lö hnine la itre isi. Ngo eje hi, tha ka hmaloi kö, ke tro lai a qeje së me hnyimasai së. Matre tune kaa la aqane tro sa iananyi memine la fen me nyipici koi Iehova?

1. Tune kaa la aqane goeëne la itre ka mus hnene la itre keresiano?

Itre Temoë Iehova a metrötrëne la itre musi hna acil. Tune la hnei Iesu hna qaja, tro la itre keresiano a ‘hamëne koi Kaisara la ewekë i Kaisara,’ ene la troa drengethenge la itre wathebo ne la nöj me nyithupene la itre impôts. (Mareko 12:17) Tusi Hmitrötr a qaja ka hape, hnei Iehova hna nue kowe la atr troa mus. (Roma 13:1) Matre, hna nyi ifegone hi la musi angatr. Ngo ame la hne së hna mejiune kow troa nyinyin la itre jol, ke Akötresieti casi hi memine la Baselaia i Nyidrë e koho hnengödrai.

2. Tune kaa la aqane amamane hnene la keresiano ka hape, tha ka sine kö angeic la fen?

Tha ka kuci politik kö la itre Temoë Iehova, ngo angatr pe a xötrethenge la tulu i Iesu. Ame ngöne la ketre ijin, thupene la hnei Iesu hna kuca la itre iamamanyikeu, hnene la itre atr hna mekun troa acili nyidrë troa joxu. Ngo hnei nyidrë hna thipën. (Ioane 6:15) Pine nemen? Hnei nyidrë hna qaja ngöne la ketre ijin ka hape, “tha ka qaa kö celë fene la Baselaiang.” (Ioane 18:36) Ame enehila, nyimu aqane tro la keresiano a amamane ka hape, tha ka hane kö angeice sine la fen. Tha ka sine kö angeic la itre isi. (E jë la Mika 4:3.) Angeic a metrötrëne la darapo, me itre xaa pengöne la nöj. Ngo tha angeice kö a thili kowe la itre ewekë cili. (1 Ioane 5:21) Nge pëkö hnei angeic hna ce xöle memin, perezida ju hë maine ketre parti politik pena. Celë hi la itre aqane amamane angeice ka hape, casi hi la mus hnei angeic hna nyipici kow, ene la Baselaia i Akötresie.

 TROA CE ITHANATAN

3. Tha ka sine kö la fen la itre nyipi keresiano

Hnei Iesu memine la itretre drei nyidrë hna amamane koi së la tulu nyine troa xötrethenge. E jë la Roma 13:1, 5-7 me 1 Peteru 2:13, 14. Nge, goeëne jë la VIDEO nge ce ithanatane jë cahu itre hnying:

• Pine nemene matre tro sa metrötrëne la itre ka mus?

• Tune kaa la aqane tro sa amamane ka hape, easa metrötrëne la itre ka mus?

Ame ngöne la itre ijine isi, itre xaa nöj a qaja ka hape, tha angatre kö a hane lö hnin, ngo ame pe, angatre fe a xatuane la lue nöj ka isi. Kola hapeu la tha tro kö a sine la fen? E jë la Ioane 17:16. Nge, goeëne jë la VIDEO nge ce ithanatane jë cahu hnying:

• Kola hapeu la tha tro kö a sine la fen?

Nge maine tro la musi a upi së troa kuca la itre ewekë ka tha ihmeku kö memine la itre wathebo i Akötresie? E jë la Itre Huliwa 5:28, 29. Nge, goeëne jë la VIDEO nge ce ithanatane jë cahu itre hnying:

• Maine hetre wathebo i mus ka icilekeu memine la wathebo i Akötresie, drei la hne së hna troa dreng?

• Ngöne nemene götrane tha tro kö la keresiano a drengethenge la itre mus?

 4. The lö hnine kö la itre mekun me itre huliwa ne la fen

E jë la 1 Ioane 5:21. Nge, goeëne jë la VIDEO nge ce ithanatane jë cahu itre hnying:

• Pine nemene matre tha hane kö Ayenge sine la politik me thili koi darapo?

• Ame koi epun, ka loi kö la mekuna i angeic?

Nemene la itre xaa götrane laka, tha ka hmaloi kö troa tha sine la fen? Goeëne jë la VIDEO, nge ce ithanatane jë cahu itre hnying:

• Tro sa amamane tune kaa ka hape, tha easë kö a ce me ketre ekip?

• Tro sa amamane tune kaa ka hape, tha easë kö a hane lö hnine la mekuna i mus, ngacama ka loi ju hë maine ngazo?

• Nemene la thangan koi së e tro palahi sa drenge la itre média memine la itre atr ka lapa xötreithi së?

 HANE HI LA HNE SË HNA CE WANG

Loi e tro la keresiano a amamane ka hape, tha angeice kö a hane kuci politik ngöne la aqane mekun, me aqane ithanata, me aqane huliwa.

Nyine Amekunën

• Nemene la aqane tro sa ujë kowe la itre ka mus?

• Pine nemene matre tha hane kö kuci politik hnene la itre keresiano?

• Ngöne nemene götrane tro sa amamane ka hape, tha ka sine kö së la fen?