Aja i Akötresie troa mele madrine la itre atr e celë fen. Hnene la ihnimi Nyidrëti koi së, matre Nyidrëti a xupe la ihnadro memine la itre aliene ej. Easenyi hë matre hamëne pi Nyidrëti la itre loi kowe la itre atr e cailo fen. Nyidrëti a troa apatrene la nöjei akötre ne la atr.​—E jë la Ieremia 29:11.

Pëkö musi ka atreine troa apatrene la iakötrë, me itre sine mec, maine meci pena. Ngo hetrenyi la itre maca ka lolo. Easenyi hë troa nyihnane hnei Akötresieti la nöjei musi ne la atr, hnene la sipu musi Nyidrë. Nge tro la itre atre i Nyidrëti a mele tingeting me egöcatr.​—E jë la Isaia 25:8; 33:24; Daniela 2:44.

Tro hi a pë akötr elanyi ngöne la Akötresieti a troa apatrene la itre atr ka ngazo qaa celë fen. (Zefania 2:3) Troa traqa eu la ijine cili? Hna ahnithe hë hnene la Wesi Ula i Akötresie, la itre ewekë ka akötrën enehila la mele ne la atr. Kola mama hnyawa jëne la itre ewekë ka ngazo ka traqa enehila laka, easenyi hë tro Akötresieti a isi me apatrene itre ej.​—E jë la 2 Timoteo 3:1-5.

Loi e tro sa thele troa atre Akötresie, jëne la Tusi Hmitrötr. Kola aceitunëne la Wesi Ula me ketre tusi hna iupi fë koi së hnene la ketre keme ka ihnim. Kola qaja koi së la aqane troa mele ka loi enehila, memine la aqane troa mele epine palua elanyi e celë fen. Maine jë tro la itre xan a xele ma wange la kola xatua epuni troa trotrohnine la Tusi Hmitrötr. Ngo the nue angatre pi kö troa sewe epuni troa hetrenyi elanyi la ketre mele ka sisitria.​—E jë la Ite Edomë 29:25; Hna Amaman 14:6, 7.