“Tro kö nyidrëti a amelene la itre atre.”​—Itre Huliwa 24:15, Fene Ka Hnyipixe.

Kola akeukawane la hni së ngöne la kola mec la ketre sinee së.​—2 Korinito 1:3, 4.

Kola thepe së qa ngöne la xoue mec.​—Heberu 2:15.

Kola thue mejiune së laka, tro hmaca së a iöhnyi memine la itre sinee hne së hna hnim.​—Ioane 5:28, 29.

Eje hi, hane hi la köni kepin:

• Akötresieti la Qeqene la mel. Öni Tusi Hmitrötr, Iehova la “qeqe ne mel.” (Salamo 36:9; Itre Huliwa 17:24, 25) Nyidrëti la ka xupe la nöjei ka mel asë; haawe, atreine hi Nyidrëti troa amelene hmaca la atr ka mec.

• Hnei Akötresieti ekö hna amelene hmaca la itre atr ka mec. Tusi Hmitrötr a qaja la eitr lao atr hna amelene hmaca, ene la itre ka co, me itre ka tru, me itre trahmanyi me föe. Ame itre xan, tre hna canga amelene hi qa hna mec, ngo ame la ketre, tre hna amelene pë hë thupene la foa lao drai!​—Ioane 11:39-44.

• Aja i Akötresieti palahi enehila troa amelene hmaca la itre atr ka mec. Methi Iehova la mec, ithupëjia me Nyidrë. (1 Korinito 15:26) Pi tro pala ha Nyidrëti a ngaane la mec hnene la melehmaca. Nyidrëti a treqene la ijine troa amelene hmaca la itre atr e celë hune ihnadro, ene lo itre atr hnei Nyidrëti hna lapa mekun.​—Iobu 14:14, 15.