ITRE hnepe ijin thupene lo hnei Iesu hna agoen la lue ka ti mek, ene pe nyidrëti a tro pi kowe la ketre hunahmi easenyin e Ierusalema. Nyidrëti a qaja kowe la luetre drei nyidrë ka hape: ‘Tro jë kowe la lapa nge tro nyipunie a öhne la asina. Sei nyëne pi, nge e nyëne jë e kolemi koi ni.’

Ame ngöne la kola traqa fë koi Iesu la asina, nyidrëti a tithe jë ej. Thupene lai, nyidrëti a tro pi Ierusalema eë, thaa nyipi nanyi kö qaa lai. Ame hë la nyidrëti a easenyin la traon, kola lö pi la itre atr ka ala nyimu troa itronyi me nyidrë. Angatr a xom la itre ikootre i angatr, me seluth e kuhu gojeny. Itre xan a hutra la itre dröne paama. Nge angatr a haöthe la gojeny hnene itre ej, me suen ka hape: ‘Akötresie a amanathithin la joxu ka hlepëti ngöne la atresiwa i Iehova!’

Hna majemin e Isaraela tro la itre joxu hna xötrei acil a pane amamany kowe la nöj, nge thupene lai angatr a lö e Ierusalema hune la asina. Celë hi hna kuca lai hnei Iesu. Nge kola amaman hnene la itre atr la aja i angatr, ene laka, tro Iesu a joxu i angatr. Ngo thaa hna ajane asë kö hnene la itre atr. Kolo ha mama lai ngöne la kola tro hnei Iesu kowe la ēnē.

E hnine la ēnē, Iesu a fe la lue meke ne la itre atr ka ti mek, me itre sine atr. Ame la kola öhne hnene la itre nekönatr, angatr a atrunyi Iesu. Ngo kolo lai a jele la trenge hni ne la itretre huuj, nge angatr a qaja koi Iesu ka hape: ‘Drenge kö nyipëti la hna qaja hnene la itre nekönatr?’

Iesu a sa ka hape: ‘Eje hi. Hane kö nyipunie e lo hna qaja hnine la Tusi Hmitrötr, lo hna hape: “Qa ngöne la ine ula ne la itre nekönatr, tro ha atrunyi Akötresie?” ’ Haawe, kolo pala hi a atrune la joxu hna acil hnei Akötresie, hnene la itre nekönatr.

Easë a ajan troa tune la itre nekönatre celë. Ame itre xaa atr, angatr a tupath troa sewe së troa ithanatan la Baselaia i Akötresie. Ngo thaa tro jë kö së a cil troa qaja amaman la itre ewekë ka lolo, hna troa kuca hnei Iesu kowe la itre atr.

Ame lo nyidrëti e celë fen, thaa ijine tro petre kö nyidrëti lo lai a cil troa joxu. Ngo eue kö hö la kola troa joxu hnei nyidrë? Kola ajan hnene la itretre drei Iesu troa atre la mekune cili. Tro hmaca pë hë së a ce wange thupene la.