Xatuane jë la itre atr troa isa thele ewekë. Hnyinge jë, matre troa xatua angatr troa ketre sipu qaja la itre aliene hni angatr.

Troa thele kepine ka loi. Hnyingëne jë kowe la itre atr la itre kepin, matre angatr a kuca la itre ewekë ka lolo. Xatua angatre jë troa xome la itre thina celë: Troa hnimi Iehova, me hnime la itre xan memine la itre ini qa hnine la Tusi Hmitrötr. Ce ithanatane jë me angatr. The haji angatre kö me ahmahmanyi angatr. Loi e hetre thangane koi angatr matre tro angatr a catre kuca la loi.

Qaja atrunyi Iehova jë. Amamane jë la etrune la ihnimi Iehova hna jëne la itre trepene meköt me itre wathebo i Nyidrë. Ithuecatre jë koi angatr troa atrunyi Iehova me thele troa amadrinë Nyidrë.