Xome jë la itre hnaewekë ka tru. Thupene la kola ase e la xötr, pane amexeje jë la itre hnaewekë ka ce tro memine la ini. Loi e troa anyimua qaja la itre hnaewekë cili, me hnying matre xatuane la itre atr troa öhne la mekune ka tru.

Amexeje jë la ini ka tru. Maine hetre nyipi kepine matre kola troa e la ketre xötr, xome jë la itre hnaewekë ka troa qejepengöne la kepine cili.

Loi e troa canga mama la ini. Tha tro kö a qaja la itre ithuemacanyi ka tha nyipiewekë kö. Thele jë la aqane troa huliwane la itre hna atre hë hnene la itre atr, matre troa canga mama la ini.