Troa huliwane la itre nyipi ithuemacany. Troa e me nyitrepene hnei Tusi Hmitrötr la itre hna qaja. Ame la kola qeje sias, maine nuvel, maine ketre hna melën, maine itre xane ju kö, nyipiewekë troa canga thel, ka hape, ka nyipici kö la itre ithuemacany.

Troa iëne hnyawa la itre götrane hnë troa ithel. Qejepengöne jë la itre xötr thenge la itre ewekë ka traqa, me thenge la maca ne la Tusi Hmitrötr, me thenge la itre itusi qaathene la “hlue ka nyipici me ka inamacan.” (Mat. 24:45) Maine kola xome la itre itusi hna cinyihan hnene la itre ka tha hmi kö, tha tro kö a saze.

Troa jelenyipicine la itre hna qaja. Thupene la hna e la ketre xötr maine ketre itus, pane hnyinge jë maine hamëne la ketre ceitun, matre xatuane la itre atr troa xomi ini qa ngön.