“Ijijë hë nyipunie troa itete ini.” (Heb. 5:12) Drei la ketre hnëqa ka tru! Hnei Iehova, Atre Ini Ka Sisitria, hna upi së troa qeje Nyidrëti kowe la itre sinee së, me ngöne la ekalesia, me ngöne la hna cainöj. Madrine catre së troa kapa la hnëqa cili. Nemene la nyine tro sa kuca matre troa hetre thangane la huliwa cili?

Paulo aposetolo a sa la hnying ngöne lo kola cinyanyi koi Timoteo. Öni nyidrë: “Troa cate e tus, me eamo, me ini.” Öni Paulo hmaca jë hi: ‘Maine eö a kuca lai tro hë eö a mel, me angatre fe itre ka drei ’ö.’ (1 Tim. 4:13, 16) Easa tro fë la maca ne iamele. Celë hi matre, nyipiewekë tro sa thele troa maca ngöne la aqane e tus me aqane hamë ini. Tro la boroshüre celë a xatua së ngöne la lue götrane cili.

Iehova la ‘Atre Ini Ka Tru.’ (Is. 30:20) Nyipici laka, kola xatua së hnene la boroshüre celë troa maca troa e tus me hamë ini. Ngo tha tro kö sa thëthëhmine laka, qaathei Iehova la maca hne së hna tro fë, nge Nyidrëti kö la ka iëne la itre atr. (Ioane 6:44) Celë hi matre, nyipiewekë tro sa thithi me sipone la uati hmitrötre i Nyidrë. Loi e tro fe sa huliwane la Wesi Ula i Nyidrë. Ketre, tha tro pi kö sa sipu atrunyi së, ngo tro pe sa atrunyi Iehova. Nyipiewekë tro sa thele troa akökötrene thene la itre atr, la ihnimi angatr koi Iehova.

Drei la ketre manathithi ka tru. Hna ië së matre troa tro fë la ketre maca ka sisitria kowe la itre atr. Xecie hnyawa koi së laka, maine hetrenyi së la “ateine hnei Akötesie hna hamën,” tro ha hetre thangane la huliwa së.—1 Pet. 4:11.

Eahun itre ka ce huliwa me nyipunie,

Lapa Ne Xomi Meköt Ne La Itretre Anyipici Iehova