Hnauëne Laka Pëhë Metrötre Ne La Itre Atr Koi Angatre Kö?
PINE NEMENE MATRE LOI E TRO SA PANE METRÖTRË SË?
Ke kola xatua së troa atreine cile kowe la itre jole ka traqa ngöne la mele së, nge tro sa atreine cile catr.
-
Kola mama hnene la itre hna ithel ka hape, kola traqa la itre jole tune la xou, me dépression, me itre ejolene troa xen, ke hnene la itre atr hna sipu wangaconyi angatre kö. Ketre, canga tro hi angatr a iji menu la kahaitr me xomi dorog.
-
Ame la atr ka metrötrë angeice kö, ke tha angeice kö a xome ceitu angeic me itre xan, nge hmaloi hi koi angeice troa atreine ce mele me itre xan, me hetre nyipi sinee. Ame pena la itre atr ka wangaconyi angatr, ke itre ka iqajangazo, matre pëkö ka hane pi ce mele me angatr.
-
Ame la atr ka metrötrë angeice kö a cile kowe la itre jol, ke atreine hi angeice cile catr; nge pëkö ketre ewekë ka troa sewe angeic troa eatrëne la mekuna i angeic. Ngo ame pena ha la itre ka wangaconyi angatre kö, angatr a xome ceitune la itre neköi jol me itre wetr hna thatreine elën. Ame ju pë hë la pun, ke canga saqe hi angatre kötre bëek.
NYINE TRO EPUNI A KUCA
Iëne jë la itre sinee ka troa ithuecatre koi epun. Maine tro epuni a nyisinee ne la itre atr ka metrötr, nge ka ajane tro epuni a mele madrin, ke tro lai a xatua epun troa mejiune koi epuni kö.
Kuca jë la loi koi nöjei atr. Ame la easa loi thiina, me xatuane la itre atr ka thatreine të hmaca koi së, ke kola hamë së la ketre madrine ka tru, ene la madrine troa ham. Maine tha qaja aloine ju hë la atr la huliwa së, ngo ka madrine pala hi së.
Xatuane jë la itre nekö i epun troa metrötrë angatre kö. Nue nyudrene pi troa elë hune la itre jole ka traqa koi nyudren, thenge la hnei nyudren hna atrein. Aqane tro epuni lai a xatua nyudren troa atreine cil, me elë hune la itre itupath ka troa traqa elanyi ngöne la mele i nyudren. Aqane ini lai ka troa xatuane la nekönatr troa metrötrë nyëne kö. Ka nyipiewekë lai koi nyën elany, e nyipi atre hë.
ITRE HNE HUNI HNA KUCA
Itre Temoë Iehova a icasikeu, me ini Tusi kowe la itre atr. Itre icasikeu me itre ini Tusi Hmitrötr a xatuane la itre atr matre troa tro loi la mele i angatr, nge celë hi ka akökötrene thei angatre la metrötre koi angatre kö.
ITRE ICASIKEU E NÖJEI WIIK
Hna fe koi nöjei atr la itre icasikeu, nge ka pë thupen. Hna cile fë la itre cainöj hna nyitrepen hnei Tusi Hmitrötr, matre xatuane la itre atr troa atreine metrötrë angatre kö. Haawe, tro hë epuni a atre . . .
-
la kepin matre ka tru epuni koi Akötresie
-
la nyine tro epuni a kuca matre troa hetre aliene la mele i epun
-
la aqane troa hetre nyipi sinee
Ketre, tro epuni a iatre memine la itre atre ka inyipi, nge ka “imekunekeun.”—1 Korinito 12:25, 26.
Maine epuni a aja itre xaa ithuemacany göne la itre icasikeu hun, goeëne ju la video, Ka Tune Kaa La Itre Icasikeu Hun? ngöne jw.org.
INI TUSI HMITRÖTR
Eahuni a porotrikë Tusi Hmitrötr memine la itre atr jëne la itus Gojenyi Kowe La Nyipi Mel! nge pëkö thupen. Tro lai itusi cili a huliwane la itre xötr, me itre hnying matre amekötine la mekuna së memine la mele së. Kola ce tro la itre ini, me itre iatr me video ka canga ketr la hni ne la itre atr. Tro la itre ini cili hna hamën a xatuane la itre atr troa metrötrë angatre kö, me alolone la mele i angatr.
Tro epuni a öhne la eloine la troa ini Tusi Hmitrötr me itre Temoë Iehova la epuni a goeëne la video, Hnauëne La Troa Inine La Tusi Hmitrötr? ngöne jw.org.
You May Also Like
PENGÖ HUN
Epuni Kö a Ajane Troa Wai Epun?
Troa ithanatane la itre mekun qa hnine la Tusi Hmitrötr, maine atre hnyawa la Itretre Anyipici Iehova.
PENGÖ HUN
Itre Icasikeu Ne La Ekalesia Ne La Itretre Anyipici Iehova
Hane hi la hnë icasikeu hun, me aqane hmi hun.
