HMEKE JË! Na. 2 2019 | Sikis Lao Ini Kowe La Nekönatr
Sikis Lao Ini Kowe La Nekönatr
Nemene thiina la hnei epuni hna ajan kowe la nekö i epuni elany?
Troa Xomihni
Troa Hni Ka Ipië
Troa Atreine Cile Kowe La Itre Jol
Troa Eatrëne La Itre Hnëqa
Troa Macaj
Troa Nyipici
Tha ka xulu xane kö la itre thiina cili thene la itre nekönatr. Nyipiewekë troa xatua nyudren.
Tro la zonal celë a ithanatane la sikis lao thiina nyine tro epuni a inin kowe la nekönatr, matre troa tro loi la mele i nyën elany.
Troa Xomihni
Pine nemene matre ka nyipiewekë la xomihni, nge nemene la aqane tro sa melëne la thiina cili?
Troa Hetre Hni Ne Ipië
Maine tro epuni a inine la nekönatr troa ipië, tro lai a xatua nyën enehila, me elanyi fe.
Troa Cile Kowe La Itre Jol
Ame la itre nekönatr ka inine troa cile kowe la itre jol, ke, tha ka jole kö koi nyudren troa elë hune la itre ejolene la mel.
Troa Eatrëne La Itre Hnëqa
Nemene la ijine la troa eatrëne la itre hnëqa, ngöne la kola co maine ngöne la kola tru?
Troa Thele Ixatua Thene La Itre Ka Tru
Itre nekönatr a aja eamo ngöne la mele i angatr, ngo e kaa la hnë thele ixatua?
Troa Wangatrehmekune La Loi Qa Ngöne La Ngazo
Inine jë la itre nekö i epun troa wangatrehmekune la loi qa ngöne la ngazo matre tro loi la mele i nyudren elany.
Ixatua Kowe La Itre Kem Me Thin
Itre keme me thine fe a aja eamo matre tro loi la mele i angatr. Göi itre xaa ithuemacany tro jë kowe la sit jw.org.
