Aqane Imelekeu Së Me Akötresie
Tune la hne së hna ce wang ngöne la pane tane mekun, alanyim la itre atr ka metrötrëne la Tusi Hmitrötr. Öni angatr, ame la angatr a e me trongëne la hna qaja, angatr a easenyi koi Akötresie, nge hetre aliene la mele i angatr.
Ame e hnine la Tusi Hmitrötr, kola qaja la itre ka hetrenyi la “ua i Akötresie,” maine ka imelekeu me Nyidrë. Ame la itre atr cili, tre, ketre aqane mele i angatre kö. (Iudra 18, 19) Ame la itre atr ka xele ma drei Akötresie, angatr a mejiune kowe la sipu mekuna i angatr. Ngo, ame la itre ka nue Akötresie troa eatrongë angatr, angatr a wangatrune la itre trepene meköti Nyidrë.—Efeso 5:1.
MEJIUN
TREPENE MEKÖT: “E eö a kucakuca ngöne la drai ne aköt, te, co hi la tenge cate i ’ö.”—Ite Edomë 24:10.
ENYIPIEWEKËN: Maine tro sa kucakuca, tro sa pë trengecatr, nge thatreine hë së cile kowe la itre jol. Ketre, maine tro sa hetre mejiun, tro sa hetre trengecatr. Easa trotrohnin e cili laka, tha ka cile huti kö la itre jol; nge hetre ewekë ka loi hne së hna troa kapa qa ngön.
NYINE TROA KUCA: Lapa mekune jë la itre ewekë ka loi, nge ka troa traqa elany. The hnehengazo menu kö kowe la itre ewekë hnei epuni hna mekune ka hape, troa traqa, maine troa treqene la ijine ka loi. Huliwa jë pe matre troa eatrëne la itre mekuna i epun. Eje hi laka, “ame la ijine memine la ewekë ka xulu,” kola traqa koi së asë. (Ate Cainöj 9:11) Ngo, ame itre xaa ijin, tha eatre ju kö la itre ewekë ka ngazo hne së hna mekun. Tusi Hmitrötr a qejepengöne lai jëne la ketre ceitune ka qeje eëny. Kola hape: “E hmakanyi traneju la ite feja i ’ö, nge e heji the shawa kö la iwanakoime i ’ö, ke tha ’te kö eö la ka troa cia, maine celë maine cili, nge maine troa ce loi lu’ ej.”—Ate Cainöj 11:6.
MEKUNE KA SA LA ITRE HNYING KA TRU
TREPENE MEKÖT: “Ateinë ni jë . . . la wesi ula i cilie, te, nyipici.”—Salamo 119:144, 160.
ENYIPIEWEKËN: Tusi Hmitrötr a sa la itre hnyinge hna thel hnene la nöjei atr. Ej a sa la itre hnying tune la
-
Ka xulu easë qa kaa?
-
Nemene la kepine matre easa mel?
-
Nemene la pengöne la atr ka mec?
-
Hapeu, mele së hi la?
Itre milio lao atr e cailo fen ka ithel ngöne la Tusi Hmitrötr matre troa sa la itre hnyinge celë me itre xane ju kö. Nge, lolo hë la mele i angatr.
NYINE TROA KUCA: Isa goeëne jë la hnei Tusi Hmitrötr hna qaja. Sipone jë kowe ketre Atre Anyipici Iehova troa xatua epun troa trotrohnine la Tusi Hmitrötr. Tro jë kowe la site hun, jw.org/dhv, maine sine jë la ketre icasikeu hun, ka pë thupen, nge hna fe koi nöjei atr.
ITRE XAA TREPENE MEKÖT
Goeëne jë la video, Hnauëne La Troa Inine La Tusi Hmitrötr? ngöne jw.org/dhv. Hetrenyi ngöne la 880 lao qene hlapa
THELE JË TROA IMELEKEU ME AKÖTRESIE.
“Madrine la itre ka atrehmekune laka, nyipiewekë Akötresie koi angatr.”—MATAIO 5:3.
THELE JË TROA ATRE AKÖTRESIE.
“Thele Akötresie me öhnyi nyidrë . . . Tha ka nanyi kö nyidrë koi së.”—ITRE HULIWA 17:27.
TROA E ME MEKUNE LA ALIENE LA TUSI HMITRÖTR.
“Angeic’ a madine la wathebo i Iehova, * me lapa mekune la wathebo i nyidëti e lai me jid. . . . troa loi xölen’ asë la hnei angeice hna kuca.”—SALAMO 1:2, 3.
^ par. 23 Iehova la ëje i Akötresie, tune la aqane amamane e hnine la Tusi Hmitrötr.
You May Also Like
ITA NE THUP
