Ngönetrei Së
Tha itus ne inyië kö la Tusi Hmitrötr. Ngo, ej xatua së matre troa lolo la ngönetrei së. Hanawange la itre xaa trepene meköt ne la Tusi Hmitrötr.
NYIHNYAWANE JË LA NGÖNETREI EPUN
TREPENE MEKÖT: “Pë pala kö trahmanyi ka methinëne la ngönetrei angeic, ngo angeice pe a ithuan, me nyidrawan hnyawa.”—Efeso 5:29.
ENYIPIEWEKËN: Itre trepene meköt ne la Tusi Hmitrötr a upi së troa nyihnyawane la ngönetrei së. Önine la ketre rapor, nyimutre la itre sine mec ka xulu qa ngöne la aqane mele ne la itre atr. Haawe, nyipiewekë troa atreine ië ewekë hnyawa, matre tro pala hi a lolo la ngönetrei së.
NYINE TROA KUCA:
-
Troa Xeni Hnyawa. Troa iëne la itre xen ka lolo kowe la ngönetrei, me iji timi atruny.
-
Troa Kuci Spor. Maine tro epuni a kuci spor, troa lolo la ngönetrei epun, ngacama qatre ju hë epun, maine ka sinatr, maine hetre ketre pengöne mec. Eje hi laka, tro la itre sinee i epun, maine itre droketre a xatua epun troa eköth la ketre porogaram ne kuci spor, ngo epuni casi hi la ka troa eatrën!
-
Troa Meköle Hnyawa. Maine nyimu drai ne tha meköle kö la atr, troa tithi angeic hnene la itre mec ka tru. Tha meköle kö angeic, ke, ame ngöne la ijine meköl, angeic pena a kuca la itre xaa jol. Ngo, e tro epuni a iëne troa meköle hnyawa, epuni hi lai a thel matre troa lolo la mele i epun.
TROA THIPETRIJ LA ITRE HNA MAJEMINE KA NGAZO
TREPENE MEKÖT: “Loi e tro sa ahmitrötrë së qa ngöne la itre ewekë ka adrone la ngönetrei së, me mekuna së.”—2 Korinito 7:1.
ENYIPIEWEKËN: Troa lolo la ngönetrei së, e tro sa neëne la itre dorog tune la sixa. Sixa la jëne wezipo me mec ngöne la fen asë.
NYINE TROA KUCA: Axeciëne jë la ijine tro epuni a triji sixa, nge sija ju ngöne la calendrier. Qëmekene la drai cili, trije pi la itre sixa ka lapa pe, me itre trepe sixa, me sine eë, memine la itre xaa ewekë nyine ufi sixa. The ce lapa hmaca kö memine la itre ka ufi sixa. Qaja jë kowe la itre sinee i epun, me fami laka, ase hë epun triji sixa, matre tro angatr a xatua epun.
ITRE XAA TREPENE MEKÖT
Maine epuni a aja Tusi Hmitrötr, sipone jë kowe la ketre Atre Anyipici Iehova ne la teritoare i epun
TROA THUPËNE LA AQANE HULIWA.
“Maine eö a xupi uma ka hnyipixe tro eö a nyi öline fe xöteithe la uma i ’ö e koho, wanga anenine la madra ngöne la uma i ’ö, e thanepi la ate qa koho.”—DEUTERONOMI 22:8.
TROA XOMEHNÖTHE LA ELËHNI.
“Ame la ate hmite troa elëhni, te, atraqate la trotrohnin ; ngo ame la ate canga elëhni, te, kola atrune la qene hmo.”—ITE EDOMË 14:29.
TROA TULUTH LA AQANE XEN.
“The ce . . . me itete ulum [maine itre ka tru hna xen].”—ITE EDOMË 23:20.
You May Also Like
HMEKE JË!
Jëne Madrin—Egöcatr Me Xomihni
Tro kö a paatre la madrine ne la ketre atr e kola tithi angeic hnei mec?
