E jë la Genese 25:​29-​34 nge hnyinge jë ka hape, hnei Esau kö me Iakobo hna axecië mekune hnyawa?

Wange ju la götran me aqane mel. Nemen la ka traqa qëmeken? (Gen. 25:​20-​28) Nemene la ka traqa e thupen?​—Gen. 27:​1-​46.

Wange ju la aqane trongen. Ame ngöne la ijine cili, nemene la hnëqa ne la ka tru, me itre hna amekötin koi angeic?​—Gen. 18:​18, 19; w10-F 1/5 13.

• Hapeu, ame la itre xötrapane la Mesia, itre nekön ka tru hmekuje hi? (w17.12 14-​15)

Xomi ini jë qa ngöne la itre hna melën, nge trongëne jë itre ej. Hnauëne laka, tha ceitu kö la aqane goeëne Iakobo me Esau la hnëqa ne neköne ka tru? (Heb. 12:​16, 17; w03-F 15/10 28-​29) Tune kaa la aqane goeëne Iehova la lue trejine cili, nge pine nemen? (Mala. 1:​2, 3) Nemene ekö la nyine tro Esau a kuca matre troa axecië mekune hnyawa?

• Hnyinge jë ka hape, ‘Tro ni a amamane tune kaa la hni ne oleng kowe la itre ewekë ka hmitrötr? Eni kö a xomi ijin e nöjei wiik kowe la itre huliwa i Akötresie, tune la hmi ne la fami?’