E jë la Genese 37:​23-​28; 39:⁠17-​23, nge wange ju la aqane xomihnine Iosefa la itre ewekë ka tha meköti kö ka traqa koi angeic.

Wange ju la itre ewekë ka traqa la ijine cili. Hnauëne laka, hna xele ma wai Iosefa hnei itre xan? (Gen. 37:​3-​11; 39:​1, 6-​10) Ije macatre ne xomihni Iosefa? (Gen. 37:2; 41:46) Ame ngöne la ijine cili, nemene la hnei Iehova hna kuca me tha kuca koi Iosefa?​—Gen. 39:​2, 21; w23.01 17-18 par. 13.

Sine ajuine jë. Tha hnei Tusi Hmitrötr kö hna qaja ka hape, hnei Iosefa hna jelethoine la itre trengathoi qaathene la föi Potifara. Hnauëne laka, hnei Iosefa hna lapa thaup? Pine nemene matre tha Tusi Hmitrötr kö a qaja asë la itre ithuemacany? (It. Ed. 20:2; Ioa. 21:25; It. Hu. 21:37) Nemene la itre thiina ka xatua Iosefa troa xomihnine la itre jol ka traqa koi angeic?​—Mika. 7:7; Luka 14:11; Iako. 1:​2, 3.

Wange ju la itre ini. Isa hnyinge jë ka hape:

• ‘Pine laka eni la ketre atre drei Iesu, nemene la itre ewekë ka tha meköti kö hnenge hna troa ixelë memin?’ (Luka 21:​12, 16, 17; Heb. 10:​33, 34)

• ‘Nemene la nyine tro ni a kuca enehila, matre tro ni a atreine cile kowe la itre ewekë tha meköti kö?’ (Sal. 62:​7, 8; 105:​17-​19; w19.07 2-7)