Iesu La Joxu Ne La Baselaia i Akötresie.

Luka 1:31-33: “Tro eö a ati ëje i nyën, Iesu. Nge tro nyën a atre ka tru, nge troa hë nyën ka hape, Nekö ne la Akötresie ka Draië Catr, nge tro Iehova Akötresie a hamë nyëne la therone i Dravita, keme i nyën. Nge tro nyën a mus me Joxu hune la hnalapa i Iakobo epine palua, nge tro ha pë pun la Baselaia i nyën.”

Baselaia la hna catre cainöjën hnei Iesu.

Mataio 9:35: “Iesu a tro kowe la itre traon me itre hunahmi trootro, me hamë ini ngöne la itre sunago, me cainöjëne la maca ka loi ne la Baselaia, me aloine la nöjei pengöne meci asë ne la itre atr.”

Hnei Iesu hna hamëne la itre hatrene kowe la itretre dreng, matre tro angatr a wangatrehmekune la ijin traqa la Baselaia.

Mataio 24:7: “Tro ha isi la ketre nöj me ketre nöj, me ketre baselaia me ketre baselaia, nge troa hetre jiin me itre sa ngöne ketre götran me ketre götran.”

Itretre drei Iesu enehila a catre cainöjëne la Baselaia e cailo fen.

Mataio 24:14: “Nge tro ha cainöjëne la maca ka loi ne la Baselaia e cailo fen nyine anyipicine kowe la nöjei nöj; ame hna traqa pi la pun.”