Ame ngöne la itre thauzane lao macatre, pëkö ka atreine sa la hnyinge celë, matre itre milio lao atr ka mec hnene la itre mec ka ixötrekeu. Eloine pe, hnene la itre ka inamacan hna trotrohnine la kepin. Kola fetra la itre mec qa ngöne la itre virus me bactéries. Ame hnene la itre atr hna sipu thupë angatre kö qa ngöne lai, me nyinyine la itre xaa mec, matre itre miliar lao atr ka mel aqeany, nge ka pëkö sine mec.

Nemene la itre xaa hnying ka nyipiewekë? Nemene la thangane koi epun e troa atre la mekun ka sa cahu itre hnying?

• Drei lae Akötresie?

• Drei lae Iesu Keriso?

• Nemene la Baselaia i Akötresie?

• Nemene la ewekë ka troa traqa elany?

Itre milio lao atr ka öhne hë la itre mekun ka sa la itre hnyinge celë, matre lolo hë la mele i angatr. Ijiji epuni fe troa hane kepe thangane qa ngön.

Ma tro epuni a hnyinge ka hape, ‘Tro sa atre tune kaa la nyipici göne la nöjei ewekë?’ Jole catr troa atre la nyipici göne la itre ewekë. Pine nemen?

Xalaithe hi la itre atr ka mejiune kowe la itre mus, me itre ka salem, nge ka jelenyipicine la itre hna qaja hnene la itre zonal me tele. Ame kowe la itre atr ka alanyim, jol troa jelenyipicine la hna qaja hnene la itre xan. Maine jë, itre sipu mekuna i angatr, maine itre ka thoi, maine ka juetrë ewekë. Celë hi matre, tha mejiune hë la itre atr, ke, nyimutre la itre ithuemacany ka thoi. Nge tha itrotrohni hë, ke, thatre hë angatr la nyipi aliene la nyipici.

Ngacama tru catr la itre jol, ngo ijije hi tro sa öhne la nyipici göne la itre hnying ka sisitria. Troa tune kaa? Tro sa pane kuca la itre hne së hna majemine ngöne la easa ithel.

Ame e nöjei drai, epuni a thele la nyipici. Hanawang la hna qaja hnei Jessica, ka faipoipo. Öni eahlo, “Ka ngazo catr la cacahuètes kowe la neköng jajiny. Maine tro nyën a xeni la neköi mutine cacahuètes, tro nyën a mec.” Celë hi matre, Jessica a goeëne hnyawan la itre xen hnei eahlo hna itön. Öni eahlo, “Eni a pane e la itre ithuemacanyi hna sija hune la itre xen, me goeën la alien. Thupene lai, eni hmaca a ithel me hëne la entreprise ka salemëne lai, matre troa xecie koi ni ka hape, pëkö cacahuètes ka mala xan e hnine lai xen. Ketre, eni a goeëne la itre hna qaja göne la entreprise cili.

Eje hi laka, maine tha ka nyipiewekë kö la kepine matre easa ithel, hune la ithele i Jessica, ngo, nyipiewekë troa xötrethenge la aqane ithele i eahlo matre troa sa la itre hnyinge së:

• Troa atre la itre ithuemacany.

• Troa thele la itre xaa ithuemacany.

• Troa atre ka hape, ka nyipici kö la hnei epuni hna ithele ngön.

Maine tro epuni a xötrethenge la aqane ithele celë, tro epuni a öhne la nyipici göne la itre hnyinge ka tru. Troa tune kaa?

Ame la Jessica a thele la itre nyipici ne la Tusi Hmitrötr, eahlo a trongëne la hna majemine kuca göne la meci ne la nekö i eahlo. Öni eahlo, “Eni a e hnyawa, me ithel ngöne la Tusi Hmitrötr. Nge celë hi ka xatua ni troa öhne la nyipici.” Tui Jessica, itre milio lao atr ka öhne la aqane sa hnei Tusi Hmitrötr cahu itre hnying:

• Hnauëne matre easë pi la?

• Nemene la pengö së la easa mec?

• Pine nemene matre easë a akötr?

• Nemene la aqane tro Akötresie a apatrene la itre akötre së?

• Troa mele madrine tune kaa la fami së?

Tro epuni a öhne la aqane sa la itre hnyinge celë me itre xan, e tro epuni a e Tusi Hmitrötr me ithel ngöne www.pr418.com.