Akötresieti a Meku Epun
QAATHEI Akötresieti la Tusi Hmitrötr matre ej a qatrenge la itre eamo ka lolo koi së. Ngacama, tha itusi kö qaathei itre droketre, ngo ej a xatua së troa cile kowe la itre jol, me itre mekun ka ajolë së, me itre mec ka ketr la ngönetrei me mekuna së.
Ame la ka nyipiewekë, ke öni Tusi Hmitrötr, atre hnyawa hi Iehova a lo Atre Xupi së, la itre mekun me itre aliene hni së. Aja i Nyidrë troa xatua së troa xomihnine la itre jole së. Hane hi la lue xötr ne la Tusi Hmitrötr ka troa akeukawanyi së:
“Easenyi Iehova koi angetre thë fë hni ; nge kola amelene la itre ka akötre mekun.”—SALAMO 34:18, MN.
“Ini Iehova Akötesi ’ö, ate ea la ime maca i ’ö, ate qaja koi ’ö, ka hape, The qou kö, tro ni a xatua eö.”—ISAIA 41:13.
Iehova a xatua së tune kaa la kola traqa la itre mec ka ajolëne la mekuna së? Tro epuni lai a öhne ngöne la itre tane mekun e thupen laka, nyimu aqane amamane Iehova ka hape, Nyidrëti a meku së.
a Iehova la ëje i Akötresie.—Salamo 83:18.
