Kola Nyixetë Triji Së
HACE ka tru la kola nyixetë triji së. Nyipici laka, hetre itre trefën ka iqejemenukeu, me thel troa iloi. * Ngo, maine cile huti ju hë maine ethitre pena la faipoipo, ngo ka akötre pala hi la atr hna nyixetë trij. Nemene la aqane troa xomihnine la akötre cili?
ITRE XÖTR KA IXATUA
Ngacama kola akötr hnene la atr hna nyixetë trij, ngo hetre ixatua hna kapa qa hnine la Tusi Hmitrötr. Tha sihngödri kö koi Akötresie la hace ka ej thei angatr, nge Nyidrëti a ce akötr me angatr.—Malaki 2:13-16.
“Ngöne la nyimu mekun’ e kuhu hning, kola akeukawane la hninge hnene la ite nyine aupune qa thei cilie.”—Salamo 94:19.
Öni Bill, “Ame la eni a e la xötre celë, kösë Iehova a aupune la treijeng, tune la ketre kem kowe la kuku.”
‘Tro cilieti a nyipici kowe la atre mele nyipici.’—Salamo 18:25.
Itre treu ne nyixetë la föi Carmen. Öni Carmen, “Hnene la föeng hna mele hnihni ni. Ngo, eni a mejiune koi Iehova laka, tro Nyidrëti a mele nyipici koi ni. Tha tro jë kö Nyidrëti a nuetriji ni.”
“The hnehengazo kö, ngo ngöne la nöjei ewekë asë, jëne la itre thith, me xëwe, me thithi ne ole, qaja jë la itre sipo i nyipunie . . . tro ha thupëne la itre hni me mekuna i nyipunie hnene la tingetinge qaathei Akötresie, tingetinge hna thatreine trotrohnine hnei atr.”—Filipi 4:6, 7.
Öni Sasha, “Anyimua e ni la xötre celë. Tha mano kö ni thith. Hnei Akötresieti a hamë ni la tingeting ngöne la meleng.”
Ame kow asë hi la itre atr e caha, pëkö eloine troa xomihnine la akötr. Ngo, hnei angatr hna mejiune koi Iehova Akötresie, me xomi trengecatr qa hnine la Wesi Ula i Nyidrë. Öni Bill: “Ame koi ni, luuzi hë ni, ngo hnene la lapauneng hna xatua ni matre hetre aliene hmaca jë la meleng. Ame itre xaa ijin, kösë eni a tro nyipine “la hnathupe ne la ahnuene la mec,” ngo ce Akötresieti me ni.”—Salamo 23:4.
^ Maine epuni a aja itre xaa ithuemacanyi göi troa iqejemenukeu, wange ju la zonal Hmeke Jë! ne 22 Eiperem 1999, “L’infidélité: des conséquences tragiques” “La réconciliation est-elle possible?” “Quand on opte pour le divorce”
You May Also Like
ITA NE THUP
Akötresieti Kö a Ce Akötr Me Easë?
Tusi Hmitrötr a amamane laka, Akötresie a öhn, me kapa la itre akötre së.
ITA NE THUP
E Traqa Jë Sei Hna Cil
Ala nyimu la itre ka sei hna cil, nge ka melëne la itre jole ka fetra qa ngöne la hna sei hna cil. Hetre ixatua hna hamëne hnene la Tusi Hmitrötr, matre aijijë nyipunie troa elë hune la itre jole cili.
