Hne së lo hna ce ithanata Gail, memine la aqane lueluëne eahlo la meci ne la föi eahlo. Ngo eahlo a ajane troa iöhnyi hmaca me Rob ngöne la fene ka hnyipixe hna thingehnaeane hnei Akötresie. Öni eahlo: “Ame la xötr hnenge hna xome lapan, tre, Hna Amamane 21:3, 4.” Kola qaja ka hape: “Tro Nyidëti Akötesieti a ce me angat, ene Akötesi angat. Tro Nyidëti a köle tije la nöjei tenge timida asëjëihë qa ngöne la ite lue meke i angat ; nge pa hmaca kö mec ; me hace hni me teij, me aköt ; ke patë hë la ite ewekë hnapan.”

Öni Gail: “Ka tru koi ni la hna thingehnaeane celë. Tru la hnenge hna mekune la itre atr ka akötre pine la meci ne la itre sinee i angatr. Thatre fe kö angatr la mejiun, ene laka, tro hmaca angatr a hane öhne elanyi la itre hnei angatr hna hnim.” Gail a amamane la ihnimi angeic, ene pe angeic a hane xome jë la drai ka pexej matre troa cainöj, me ce thawa memine la itre xa atr la mejiune i angeic, laka, “pa hmaca kö mec.”

Maine jë tro sa qaja ka hape, ‘Öö, ka lolo catr.’ Ngo tro sa pane ce wange la tulu i Iobu. Hna pane tithi angeic hnene la ketre meci ka pë nyin. (Iobu 2:7) Ngacama hnei angeic hna ajane troa mec, ngo hetrenyi kö la lapaune i angeic laka, trene mene Akötresie, nge tro Nyidrëti a amele angeice hmaca matre troa mel e celë fen. Tha luelue kö angeic, öni angeic: “Epi tro enëtilai a juetë ni e hedis, me asihngödi ni . . . Tro cilieti a könieti, nge tro ni a gemie koi cilie ; tro cilieti a fetesietine la huliwa ne la lue themie i cilie.” (Iobu 14:13, 15) Xecie hnyawa koi Iobu laka, tha tro pi kö la Akötresi angeic a thëthëhmi angeic, nge tro kö Nyidrëti a amele angeice hmaca.

Easenyi hë tro Akötresieti a amele Iobu memine la itre xa ka mec, elanyi ngöne la kola troa aparadraisone hmaca la fen. (Luka 23:42, 43) Kola qaja hnyawa hnei Tusi Hmitrötr, ngöne Ite Huliwa 24:15, ka hape: “Tro ha mele hmaca.” Öni Iesu mina fe ka hape: “The sheshëköte kö ene lai, ke calemi hë la ijine tro la nöjei ate ngöne la ite hua a denge la aqane ewekë i angeic me tropi.” (Ioane 5:28, 29) Tro kö Iobu a öhne elanyi la aqane troa eatr la hna thingehnaeane celë. Tro hmaca kö Iobu a “thupëtesij” nge tro hmaca ha “pepeija la ngönetei angeice hune la nekönat.” (Iobu 33:24, 25) Tro fe a hane kapa elanyi la manathithi cili hnene la itre atr asë ka mejiune kowe la mele hmaca e celë fen.

Maine easa akötr ke meci hë la ketre sinee së, tha tro jë kö la itre hne së hna qaja göne lai ka mec, a aupune la treije së. Ngo maine tro sa sine thele la itre hna thingehnaean hnei Akötresie e hnine la Tusi Hmitrötr, tha tro jë kö a ae la mejiune së, ngo tro hë sa catre nyihlue Nyidrë uti hë la pun.—1 Thesalonika 4:13.

Aja i epuni kö troa atre la itre xa aqane troa cile kowe la akötr? Maine jë, hnei epuni hna hane thele ka hape, “Hnauëne La Akötresieti a Nue La Ngazo Me Akötr?” Tro jë kowe la sit jw.org, matre troa öhne la aqane akeukawane la hni së hnene la Tusi Hmitrötr me itre xa ixatua ju kö.