Nemene La Mejiune Kowe La Itre Ka Mec?
Edrö së asë la mec. Ngo hapeu, pune hi lai? Tro kö a thëthëhmine la itre ka mec? Hetre mejiune kö kowe la itre ka mec?
HANAWANG LA HNA QAJA HNEI TUSI HMITRÖTR:
THA TRO KÖ A THËTHËHMINE LA ITRE KA MEC
“Tro la itre ka meköl hnine la itre hua ne amekunën . . . [a] lö pi.”—Ioane 5:28, 29.
Tha thëthëhmine kö Akötresie la itre ka mec; matre, ame la itre hnei Nyidrëti hna mekun, tro ha amelene hmaca.
TROA MELE HMACA E CELË FEN
“Tro kö nyidrëti a amelene la itre atre ka meköt, me ka tha meköti kö.”—Itre Huliwa 24:15.
Itre miliar lao atr ka troa mele hmaca, nge ka troa kapa la mel ka pë pun ngöne la fen ka tingeting.
KA XECIE KOI SË LAKA, TROA MELE HMACA LA ITRE ATR
“[Akötresie] a e la ite wëtesij, me ati ëjen’ asë it’ ej.”—Salamo 147:4.
Ijiji Akötresie troa e me hëne la ëjene la itre wëtresij. Haawe, ijiji Nyidrëti hi troa mekune lo itre atr hnei Nyidrëti hna troa amelene hmaca.
