“Ini a Mejiune Koi Akötesie”
“Adamu hnapine la u ne iamele.” —1 KORINITO 15:45.
1-3. (a) Nemene la ketre ini ka troa nyitrepene la lapaune i epun? (b) Pine nemene matre ketre ini ka tru la melehmaca? (Wange ju la pane iatr.)
E TRO ketre a hnying koi epun ka hape, ‘Nemene la itre ini ka tru ka nyitrepene la lapaune i epun?’ Maine jë, tro epuni a qaja ka hape, Iehova la Atre Xup, nge Nyidrëti hi la Qeqene Mel. Epuni fe a mejiune koi Iesu, nge ame koi epun, meci nyidrëti hi la thupene mel. Ketre, xecie koi epun ka hape, troa aparadraisone la fen elany, nge tro la itre hlue i Akötresie a hetrenyi la mel ka tha ase palua kö. Ngo, tro fe kö epuni a qeje melehmaca ka hape, ketre ini lai ka tru koi epun, nge ka nyitrepene la lapaune i epun?
2 Maine nyipici laka, easa mejiun troa mele pe qa ngöne la akötr atraqatr me mele palua e celë fen, ngo nyipiewekë tro la ini göi melehmaca a nyitrepene la lapaune së. Hnei Paulo aposetolo hna amamane la enyipiewekëne la melehmaca. Öni angeic: “Maine pëkö mele hmaca qa hna mec, haawe, tha hna amele Keriso hmaca kö.” Maine tha hna amele Iesu hmaca ju, la 1 Korinito 15:12-19.) Ngo, tha luelue kö së laka, hna amele Iesu hmaca. Celë hi kepine matre tha ceitu së kö memine lo angetre Sadukaio, itre ka mekun ka hape, pëkö melehmaca. Ngacama kola hnyimasai së hnei itre xan, ngo ka catr palahi la lapaune së koi Akötresie, Atre amelene hmaca la itre ka mec.—Mareko 12:18; Ite Huliwa 4:2, 3; 17:32; 23:6-8.
haawe, tha tro kö nyidrëti a joxu e hnengödrai, nge ka gufa la maca hne së hna tro fë. (E jë3 Öni Paulo, ame la troa “mele hmaca qa hna mec” tre, celë hi ketre igötranene “la wesi ula hnapane i Keriso.” (Heberu 6:1, 2) Hnei angeic hna qaja atrune la melehmaca ka hape, ketre ini nyine tro sa lapaune kow. (Ite Huliwa 24:10, 15, 24, 25) Ngacama ketre ini lai hne së hna kapa lo easa xötrei ini Tusi Hmitrötr, ngo loi e tro palahi sa inine ajuin la ini cili. (Heberu 5:12) Pine nemen?
4. Nemene la lue hnying hna amejëne göi melehmaca?
4 Ame la easa xötrei inine la Tusi Hmitrötr, kola mama e hnin la itre atr hna amelene hmaca, tui Lazaro. Ketre, atre hë së ka hape, ka mejiune Aberahama, me Iobu, me Daniela kowe la melehmaca elany. Nemene la nyine tro epuni a sa e hnyinge jë koi epun ka hape, “Hnauëne la eö a mejiun kowe la melehmaca, ngo ekö catre hë thingehnaean? Tusi Hmitrötre kö a qaja la drai ne troa amelene hmaca la itre atr?” Tro la aqane sa la itre hnying celë a acatrene la lapaune së.
MELEHMACA HNA KUCA, NGE HNA QAJA AMË HË EKÖ
5. Nemene la nyine tro sa pane ce ithanatan?
5 Tha jole kö e troa kapa la melehmaca ne la atr ka hnyipi meci hi. (Ioane 11:11; Ite Huliwa 20:9, 10) Ngo, tune kaa e nyimu macatre hë ne meci la atr, tro kö sa mejiune kowe la hna qaja amë hë ekö ka hape, troa amele angeice hmaca? Tro kö sa mejiune kowe la hna thingehnaeane cili, ngacama ka hekö hë meci la atr, maine ka hnyipi meci hi? Eje hi, tha luelue kö së laka, hetrenyi hë la atr hna amelene hmaca. Ngacama hna qaja amë hë ekö, ngo kolo pë hë a eatr itre hadredre lao macatre thupen. Drei la hna amelene hmaca? Nge, nemene la aqane ce tro la lue mekun, ene la melehmaca celë memine la mejiune së koi elany?
6. Nemene la aqane eatrëne Iesu lo hna qaja amë hë ngöne la Salamo 118?
6 Tro sa ce ithanatane la Salamo 118 lo hna cinyihan hnei Davita. Kola qaja la ketre atr hna amelene hmaca, nge hna qaja amë hë ekö catr. Önine la Salamo: “Ekölö Iehova fe, eëhuni a xëwe koi cilie, ka hape, amelenejë” nge “Manathithi angeice la ate traqa ngöne la atesiwa i Iehova.” Ame la Iesu a tro Ierusalema lo 9 Nisan, lo itre drai qëmekene tro nyidrëti a mec, hnene la nöje hna amexeje hmaca lo hna thingehnaean göi Mesia. (Salamo 118:25, 26; Mataio 21:7-9) Salamo 118 a amamane tune kaa la ketre melehmaca ka eatr ngöne la itre hadredr lao macatre thupen? Önine fe la Salamo cili: “Ame la etë hna tije hnei angete xupi uma, celë hi nyine [“sine etë ne xomi xötr, MN”].”—Salamo 118:22.
Hnene la “angete xupi uma” hna thipetrije la Mesia (Wange ju la paragarafe 7)
7. Nemene la aqane thipetriji Iesu hnene la angetre Iudra?
7 Ame la “angete xupi uma” ka thipetrije la Mesia tre, kola qaja la itre tane i angetre Iudra. Hnei angatr hna methinë Iesu, me Luka 23:18-23) Matre zöi angatre la kola meci hnei Iesu!
xele ma kepe nyidrë ceitu me Mesia. Hnei angatre fe hna upi Pilato troa humuthi nyidrë. (Hnei Akötresie hna amele Iesu hmaca nyine ‘sine etë ne xomi xötr’ (Wange ju la paragarafe 8, 9)
8. Tro ha eatr tune kaa lo hna hape, tro Iesu a “sine etë ne xomi xötr”?
8 E hna thipetrij Iesu me humuthi nyidrë, tro ha eatr tune kaa lo hna hape, tro nyidrëti a “sine etë ne xomi xötr”? Tro lai a eatr e hna amele nyidrëti hmaca. Celë hi ka mama ngöne la ceitune hnei nyidrëti hna hamën. Hnene la itre ka huliwa ngöne la lapa hna thaucëne la itre hna upe hnene la atre trene vin. Ame hë ngöne la pune la ceitun, hnene la atre trene vin hna upe pë hë la nekö i angeic. Ngo, hapeu, hna kepe nyëne kö? Ohea. Hnei angatre pe hna humuthi nyën. Thupene la hnei Iesu hna qaja la ceitune celë, hnei nyidrëti hna amexeje lo hna perofetan ngöne Salamo 118:22. (Luka 20:9-17) Hnei Peteru aposetolo hna amexeje la mekune celë la angeic a ithanata ngöne la ijine ‘icasikeu e Ierusalema la itretre mus, me itre qatr, me angetre cinyiany.’ Öni angeic: “Iesu Keriso ate Nazareta, lo hnei nyipunie hna [athip ngöne la sinöe], nge hnei Akötesie hna amelene hmaca qa hna mec.” Thupene lai, öni angeic: “Dei la etë hna tije hnei nyipunie angete xupi uma, te, ase hë kuca nyine [“sine etë ne xomi xötr, MN”].’ ”—Ite Huliwa 3:15; 4:5-11; 1 Peteru 2:5-7.
9. Nemene la ewekë ka tru ka traqa, nge hna perofetane hë ekö ngöne la Salamo 118:22?
9 Haawe, hnene la atr cinyihane la Salamo 118:22 hna perofetane la melehmaca ne la Mesia, nge kola eatr itre hadredre lao macatre thupen. Troa thipetrije la Mesia me humuthi nyidrë. Ngo, troa amele nyidrëti hmaca, nge tro hë nyidrëti a “sine etë ne xomi xötr.” Ame hë e cili, “pëkö kete ëjene e celë fene hnengödrai hna hamëne kowe la ate, ka ateine troa amele shë,” ene Iesu.—Ite Huliwa 4:12; Efeso 1:20.
10. (a) Nemene la hna qaja amë hë hnei Salamo 16:10? (b) Pine nemene matre tha Davita kö la hna qaja ngöne Salamo 16:10?
10 Tro sa ce wange la ketre xötr ka perofetane hë ekö la ketre atr hna troa amelene hmaca. Nge kola eatr a itre thauzane lao macatre thupen. Tro lai a acatrene la mejiune së laka, tro kö a amelene hmaca la atr, ngacama hna qaja amë hë ekö qa. Öni Davita ngöne Salamo 16:10, MN, ka hape: “Tha tro kö Cilieti a nuetriji ni e hnine la hua ; ketre tha tro kö Cilieti a nuetrij la ka hmitrötre i Cilie troa öhne la hnyeqetr.” Tha Davita kö e celë a qaja ka hape, tha tro pi kö angeic a mec, me öhne la hua. Öni Tusi Hmitrötr, hnei Davita hna utipië trootro me mec, ame “hna ce meköle memine la ite xötapane i nyidë, nge hna kelemi nyidë ngöne la lapa i Davita.” (1 Ite Joxu 2:1, 10) Nga, kola qeje drei kö hnene la xötr celë?
11. Eu lo Peteru a qejepengöne la Salamo 16:10?
11 Itre thauzane lao macatre thupene la hna cinyihane lai hnei Davita, hnei Peteru hna qejepengöne la aliene la Salamo 16:10. Thupene la kola meci hnei Iesu, me amele nyidrë hmaca, hnei Peteru hna cainöj kowe la angetre Iudra, me kowe la itre trenyiwa ka lö kowe la hmi Iudra. Hnei angeic hna amexeje koi angatr laka, hna mec, me kelemi Davita. Nge, atre hnyawa hi angatre lai. (Ite Huliwa 2:29, 30) Ketre, tha hnei Tusi Hmitrötre kö hna qaja ka hape, hnei angatr hna icilekeu memine la itre ithanata i Peteru lo kola hape: “Atre hë [Davita] ekö laka, troa amele Keriso [maine, Mesia] hmaca, ame hnei angeic hna ithanatan.” (E jë la Ite Huliwa 2:31, 32, MN.) * (Wange ju la ithuemacany.)
12. Nemene la aqane eatre la Salamo 16:10, nge nemene la hna amamane hnene la hna thingehnaean göi melehmaca?
12 Hnei Peteru hna anyipicine lai la angeic a amexeje lo itre hna qaja hnei Davita ngöne Salamo 110:1. (Ite Huliwa 2:33-36.) Hnene laka, hnei Peteru hna qejepengöne hnyawa la Itre Hna Cinyihane, ame hna atre hnene la ka alanyimu laka, Iesu hi la “Joxu me Keriso.” Mama hnyawa ha kowe la itre atr laka, eatre hë lo hna qaja ngöne Salamo 16:10, lo kola amele Iesu hmaca qa hna mec. Thupene lai, hnei Paulo aposetolo hna xome la itre mekune cili matre troa qejepengöne fe kowe la angetre Iudra ne Anetioka e Pisidia. Ame hna ketri angatr, me thue aja i angatr troa hane dreng. (E jë la Ite Huliwa 13:32-37, 42.) Tro fe lai a acatrene la mejiune së laka, troa eatre la itre hna thingehnaean göi melehmaca elany, ngacama itre hadredre hë lao macatre thupene la hna qaja ha ekö.
EU LA IJINE MELEHMACA?
13. Nemene la lue mekun hne së hna isa hnyingëne thel?
13 Kola thuecatre koi së laka, tro kö a amelene hmaca la itre atr, ngacama itre hadredre hë lao macatre thupene la hna qaja ha ekö. Maine jë, easa isa thel ka hape: ‘Tro kö a qea la ijine tro ni a itreqe qëmekene troa amelene la atre hnenge hna hnim? Eu la troa amelene hmaca la itre atr?’ Öni Iesu lo kowe la ange aposetolo, “Hetenyi pala kö ni la ite ewekë ka kösaue troa qaja koi nyipunie, ngo tha ’teine kö nyipunie troa kapa enehila.” Ketre, hetrenyi “la nöjei drai me nöjei macate, hnei Tetetro hna amë mate tro kö nyidëti a musinën.” (Ioane 16:12; Ite Huliwa 1:6, 7) Ngo, hetrenyi la itre ithuemacanyi hne së hna atre göne la ijine troa amelene hmaca la itre atr elany.
14. Pine nemene matre tha ceitu kö la melehmaca i Iesu me itre xan?
14 Ame la melehmaca ka nyipiewekë catr hna qaja e hnine la Tusi Hmitrötr tre, ene la melehmaca i Iesu. Maine tha amele nyidrëti Roma 6:9; Hna Amamane 1:5, 18; Kolose 1:18; 1 Peteru 3:18.
hmaca ju, thatreine kö tro sa mejiune laka, troa mele hmaca elanyi la itre atr hne së hna hnim. Ame lo itre hna amelene hmaca ekö jëne Elia me Elisaia tre, hnei angatr hna meci hmaca, me tro kowe la hua. Ngo ame Iesu, “mele hmaca ha [nyidrë] qa hna meci.” Nge, “tha tro hmaca kö nyidëti a mec ; tha tro hmaca kö la meci a musinë nyidë.” Nyidrëti hë e koho hnengödrai a mel “epine epine palua.”—15. Pine nemene matre hë Iesu jë ka hape, “itre pane wene”?
15 Iesu hi lo pane atr hna amelene hmaca a tro hnengödrai, nge celë hi melehmaca ka nyipiewekë catr. (Ite Huliwa 26:23) Ngo, tha nyidrëti hmekuje kö la hna amelene hmaca a tro hnengödrai. Hnei Iesu hna sisinyi kowe la ange aposetolo ka hape, tro fe angatr a hane joxu me nyidrë e koho hnengödrai. (Luka 22:28-30) Ngo, tro angatr a pane mec, nge thupene lai tro angatr a kapa la edrö i angatr. Nge tui Iesu, troa amele angatre hmaca ceitu me itre u. Öni Paulo “Hna amele Keriso hmaca qa hna mec, itre pane wene ne la angetre meköl ngöne la mec.” Nge, tro fe a amele itre xan hmaca, nge tro angatr a tro hnengödrai. Öni angeic: “Isa ala casi thenge la isa göhne i angatr : pa i Keriso ; thupene lai, itre atre i Keriso ngöne la ijine nyidrëti hë la.”—1 Korinito 15:20, 23, MN.
16. Nemene la hnei Paulo hna qaja göne la ijine troa amelene hmaca la itre atr ka tro hnengödrai?
16 Hnei Paulo hna qaja la ijine troa amelene hmaca la itre atr ka tro hnengödrai eë. Tro lai a traqa ngöne la ijine Keriso hë la. Traqa ha koi nyimu macatre enehila ne qaja hnene la Itretre Anyipici Iehova ka hape, hna nyiqaane la ijine cili lo 1914. Easë pala kö a melën la ijine cili, nge easenyi hë troa apatrene la fene ka ngazo celë.
17, 18. Nemene la aqane amelene hmaca la itre hna iëne ngöne la ijine Keriso hë la?
17 Hetrenyi la itre xa ithuemacanyi hna hamën hnei Tusi Hmitrötr göi melehmaca e hnengödrai, kola hape: “Eahuni a ajane tro nyipunie a atre la pengö i ange ka meköl . . . Ke maine easa lapaune laka, meci hë Iesu nge mele hmaca ha, haawe, ame göi angetre meköl tre, tro fe Akötesieti a tro xomi angatr matre ce me Iesu . . . ame së angetre mel, itre thelen ngöne la ijine Joxu hë la, tre, tha tro kö sa thipatrë angetre meköl. Ke tro ha uti la Joxu qa hnengödrai fë la aqane hë ne la atre mus, . . . nge tro ha pane mejë angetre meci thei Keriso. Nge ame së ange ka mel, itre thelen, troa tro xomi së ngöne la itre iawe, troa ixelë me Joxu e caha nyipin ; tro hë sa casi me angatr, ame hne shë hna ce me Joxu epine palua.”—1 Thesalonika 4:13-17, MN.
18 Ame la pane melehmaca hna kuca tre, thupene ju hi lo kola acili joxu nyidrë, kolo ijine Keriso hë la. Ame la itre hna iëne ka mele pala kö ngöne la ijine akötr atraqatr tre, ‘tro ha tro xomi angatr ngöne la itre iawe.’ (Mataio 24:31) Nemene la aliene lai? Ame la itre hna troa “tro xom” tre, tha tro kö angatr a lapa itreqe ngöne la hua. Ame la angatr a mec tre, troa aca tro saze hnei angatr, ‘nge nyipi saqe hi, tune la sameke ne la alamek, ngöne la ufi trutru hnapin.’—1 Korinito 15:51, 52.
19. Nemene la aliene la “mele hmaca ka sisitia”?
19 Ame enehila, alanyimu la itre keresiano 1 Thesalonika 5:1-3) Ame ngöne la fene ka hnyipixe, troa amelene hmaca la itre atr matre troa mel e celë fen. Nge tro angatr a pexeje trootro, nge tha tro hmaca kö a mec. Celë hi “mele hmaca ka sisitia” ke, tha ceitune kö memine la itre hna amelene hmaca ekö, itre ka mec e thupen.—Heberu 11:35.
tha hna iëne kö troa hane joxu me Iesu e hnengödrai. Ngo, angatr a trengeneune la ijine troa traqa la ‘drai Iehova’ me lepe apatrene la fene ka ngazo. Thatre kö së la ijine tro lai a traqa, ngo eje hi laka, easenyi catre hë. (20. Pine nemene matre troa tro loi la melehmaca elany?
20 Öni Tusi Hmitrötr, ame la itre hna amelene hmaca a tro hnengödrai tre, hna amele angatr “isa ala casi thenge la isa göhne i angatr.” (1 Korinito 15:23) Haawe, tro fe a hane tro loi la melehmaca e celë fen. Matre easa isa thel, me hape: ‘Ame göne la itre ka hnyipi mec, tro kö a canga amele angatr hmaca la kola xejë lo musi Keriso ka Ca Thauzane Lao Macatre? Hapeu, tro kö a amelene hmaca la itre hlue i Iehova ekö, itre mekene la nöj matre troa xomiujine la itre hlue i Iehova ngöne la fene ka hnyipixe? Nge tune kaa la itre atr ka tha nyihlue i Iehova kö? Eu la ijine memine la götrane hnë troa amejë angatr?’ Nyimutre la itre mekune hne së hna isa hnyingëne thel. Ngo, loi e tro sa itreqe hnyawa me öhne lai elany. Tha tro kö sa hnehengazone menune la itre ewekë cili enehila. Tro sa haine elany la aqane ameköti ewekë i Iehova.
21. Nemene la mejiune ka ej thei epun?
21 Loi e tro sa isa acatrene la lapaune së koi Iehova enehila. Ase hë Nyidrëti sisinyi jëne la madra i Iesu ka hape, tro kö Nyidrëti a mekun la itre atr ka mec, me amele angatr hmaca. (Ioane 5:28, 29; 11:23) Ketre, hnei Iesu hna qaja ka hape, ame Aberahama, me Isaaka, me Iakobo tre, itre ka “mele asë . . . koi [Iehova].” (Luka 20:37, 38) Matre, casi hi la mekuna së me Paulo aposetolo, öni angeic: “Ini a mejiune koi Akötesie . . . laka, tro ha mele hmaca” la itre atr ka mec.—Ite Huliwa 24:15.
^ par. 11 Ite Huliwa 2:31, 32, MN: “Atre hë angeic ekö laka, troa amele Keriso hmaca, ame hnei angeic hna ithanatan, me hape, tha hna nuetriji nyidrëti kö ngöne la hua, ketre tha öhne kö la hnyiqetre hnene la ngönetrei nyidrë. Celë hi Iesu lo hna amelene hmaca hnei Akötresie ; nge eahuni asë la itretre anyipicine lai.”