Itre Thöthi Fe, Aja i Iehova Tro Epuni a Madrin
“Ate ameji ’ö hnene la loi.”—SALAMO 103:5.
1, 2. Pine nemene matre aqane ujë ne ka inamacan la troa drei Iehova ngöne la easë ië ewekë ngöne la mele së? (Wange ju la pane iatr.)
MAINE ketre thöthi hi epun, nyimutre la itre eamo hna troa hamë epun thatraqane la mel elany. Maine jë hnene la itre porofesör me itre xan, hna upe iele epuni troa kuca la itre ini ka tru maine thele huliwa hna nyithupene hnyawa, matre troa trenamo me hetre mele ka loi. Ngo tha celë kö mekuna i Iehova. Nyipici laka, Iehova a ajane tro epun a ini hnyawa, matre troa hetre huliwa ka loi, me hetrenyi la ka ijij thatraqane la mele i epun. (Kolose 3:23) Ngo atre hi Nyidrë, laka, hetre mekune ka tru hnei epuni hna troa xom thatraqane la mele i epun elany. Celë hi matre, hnei Iehova hna hamëne la itre trepene meköt, matre troa eatrongë epun. Tro fe lai a xatua epun troa amadrinë Nyidrë, ngacama epuni a melëne la itre drai hnapine celë.—Mataio 24:14.
2 Pëkö ewekë ka sihngödri koi Iehova. Atre hnyawa hi Isaia 46:10; Mataio 24:3, 36) Atre epuni hnyawa hi hnei Iehova. Atre hi Nyidrëti la itre ewekë ka amadrinë epun me akötrë epun. Maine jë, tha ka ngazo kö la itre eamo hna hamëne hnene la itre xaa atr. Ngo maine tha hna nyitrepene kö hnei Tusi Hmitrötr, tha itre eamo kö lai ka inamacan.—Ite Edomë 19:21.
Nyidrëti la itre ewekë ka troa traqa elany, memine la aqane troa nyipune la fene celë. (IEHOVA LA KA HAMËNE LA INAMACAN
3, 4. Nemene la pune la tha idrei i Adamu me Eva kowe la itre matra i nyidro?
3 Hna hamëne hë ekö la pane eamo ka ngazo. Satana la ka pane hamë eamo ka ngazo kowe la itre atr. Öni angeic, ka hape, maine tro Adamu me Eva a ketre sipu iëne la aqane troa mel, tro hë nyidroti a madrin. (Genese 3:1-6) Ngo ka pi tru catre Satana! Ame la aja i angeic ke, tro Adamu me Eva memine la itre matra i nyidro a drei angeic me atrunyi angeic, ngo tha Iehova kö. Ngo pë fe kö loi hnei angeice hna hane kuca thatraqane la itre atr. Ame la nöjei ewekë hna hetrenyi hnei Adamu me Eva ke, qaathei Iehova asë hi. Hnei Iehova hna hamë föi Adamu, memine la gatran ka mingöming nyine troa lapan. Ketre, lue atr ka pexeje nyidro, matre nyidroti a troa mel epine palua.
4 Ngazo pe, tha hnei Adamu kö me Eva hna drengethenge Akötresie. Hnei nyidroti hna thë la aqane imelekeu nyidro, memine la Atre Xupi nyidro. Nge hetre ethane la hnei nyidroti hna tha idrei. Hna aceitunë nyidroti memine la ketre iengen hna jean. Kola qatre trootro hnei Adamu me Eva, uti hë la meci nyidro. Nge ketre tu së fe hi, itre matra i nyidro. (Roma 5:12) Ame fe la itre atr enehila, angatr a wangesixane la itre hna qaja hnei Akötresie, me kuca la sipu mekuna i angatr. (Efeso 2:1-3) Nemene hë la pune koi angatr? Öni Tusi Hmitrötr, “pëkö inamacan” thene la itre atr ka icilekeu me Iehova.—Ite Edomë 21:30.
5. Nemene la hna atre hnyawa hnei Iehova göne la itre atr, nge hapeu nyipici kö?
5 Atre hnyawa hi Iehova, laka, tro la itre atr a thele Nyidrë me nyihlue i Nyidrë, tune la itre thöth. (Salamo 103:17, 18; 110:3) Ka sisitria catre koi Iehova la itre thöthi cili! Hapeu, ketre thöthi epun? Maine jë hnei epuni hna kapa la “loi” qaathei Akötresie. Nge ketre ewekë ka amadrinëne la hni epun. (E jë la Salamo 103:5; Ite Edomë 10:22) Tro sa ce wange la foa lao loi, ene la göxene qaathei Iehova, me itre sinee ka lolo, me itre mekun ka loi nyine troa eatrën, memine la aqane nuamacanyi së.
GÖXENI QAATHEI IEHOVA
6. Pine nemen matre nyipiewekë troa catr ngöne la götrane la u, nge nemene la hnei Iehova hna hamën, matre troa xatua së?
6 Tha ka lapaune kö la itre öni koi Iehova, nge tha ka thele Iehova kö. Isapengöne kö itre ej memine la itre atr. (Mataio 4:4) Ame la easa drei Akötresie, ke, easa atreine waiewekë, me inamacan, me madrin. Öni Iesu: “Manathithi la ite ka pë ewekë ngöne la u.” (Mataio 5:3) Ketre, hnei Akötresieti a hamëne la Tusi Hmitrötr me upe la “hlue ka nyipici me ka inamacan,” troa fejane la itre itus, matre troa acatrene la lapaune së. (Mataio 24:45) Hna hëne la itre itusi cili, ka hape, itre göxeni ngöne la götrane u, pine laka, kola acatrene la lapaune së memine la aqane imelekeu së me Iehova. Drei la madrine ka tru, troa kapa la itre göxene cili!—Isaia 65:13, 14.
7. Nemene la thangane koi së e tro sa xome la itre göxeni qaathei Akötresie?
la Ite Edomë 2:10-14.) Easa atre la nyipici göne la itre trengathoi hna sil, tune lo hna qaja ka hape, ka traqa xane la mel, pëkö Atre Xupi së. Ketre tune fe lo kola qaja, ka hape, troa madrin e hetre manie me mo. Tro fe la lue thiina cili a thupë së, qa ngöne la itre aja me itre hna majemin ka ngazo. Tro ha mama hnyawa laka, Iehova a hnimi së, nge aja i Nyidrëti tro sa mele madrin.—Salamo 34:8; Isaia 48:17, 18.
7 Ame la easa xome la itre göxeni ngöne la götrane u, tre, kola ainamacanë së me xatua së troa atreine waiewekë hnyawa. Kola thupë së ngöne la nöjei götran. (E jë8. Pine nemene matre loi e tro sa canga qale koi Iehova, nge nemene la thangane lai koi së elany?
8 Easenyi hë matre troa apatrene la nöjei götrane ne la fene i Satana. Ngo tro kö Iehova a thupë së me hamëne la itre hne së hna ajan, tune la xen. (Habakuka 3:2, 12-19) Haawe, loi e tro sa canga qale enehila koi Iehova me acatrene la lapaune së koi Nyidrë. (2 Peteru 2:9) Maine tro sa ujë tune lai, tha tro hë sa nyipiewekëne la itre ewekë ka xötreithi së. Tro hë sa qaja la itre trengewekë i Davita, lo kola hape: “Hnenge pala hi hna ami Iehova qëmekeng; tha tro kö ni a uk, ke, nyidëti hë ngöne la götrane macang.”—Salamo 16:8.
ITRE NYIPI SINEE QAATHEI IEHOVA
9. (a) Tune la hna qaja ngöne Ioane 6:44, nemene la hna kuca hnei Iehova? (b) Nemene la eloine la troa iöhnyi memine la ketre Atre Anyipici Iehova?
9 Ame la easa iöhnyi memine la ketre atr ka thatre la nyipici, nemene la hne së hna atre göi angeic? Maine jë atre hi së la ëje i angeic, maine pena la pengöi angeic me itre xane ju kö. Ngo ka isapengöne catr memine la easa iöhnyi memine la ketre Atre Anyipici Iehova. Ka hnimi Iehova angeic, nge ka tru angeic koi Nyidrë. Celë hi matre, Nyidrëti a aijijë angeic troa hane sin la lapa ka cahae i Nyidrë. (E jë la Ioane 6:44.) Ngacama ka mele angeic ngöne la ketre nöj, maine isapengöne kö la aqane hetru së, ngo iatre hnyawa hi së!
Aja i Iehova tro epuni a hetre nyipi sinee me atreine axecië mekun hnyawa (Wange ju la paragarafe 9-12)
10, 11. Nemene la itre ewekë ka acasine la nöje i Iehova, nge nemen thangane koi së?
Zefania 3:9) Easa mejiune koi Akötresie me mele thenge la itre hnei Nyidrëti hna amekötin, nge casi hi la mejiune së koi elany. Itre ewekë lai ka acatrene la aqane imelekeu së memine la itre trejin, aqane imelekeu ka troa epine palua.
10 Easa madrin troa iöhnyi memine la ketre Atre Anyipici Iehova, pine laka, nyipiewekë nge casi hi la huliwa hne së hna kuca. Ngacama isa qene hlapa së kö, ngo easa ce qaja la “aqane ewekë ka wië” ne la nyipici. (11 Eje hi, ame la easa nyihlue i Iehova, ke, hetrenyi së la itre nyipi sinee. Angatr a mel e cailo fen, nge tha iöhnyi kö së! Hapeu hetre ketre nöj kö ka hane kapa la manathithi celë tune la nöje i Iehova?
HNEI IEHOVA MATRE KOLA EATRËNE LA ITRE AJA SË
12. Nemene la itre mekun hnei epuni hna ajan troa eatrën?
12 E jë la Ate Cainöj 11:9–12:1. Hapeu, hetre mekune kö nyine tro epuni a eatrën? Maine jë, epuni a thele troa e Tusi Hmitrötr e nöjei drai, maine qeje mekune pena ngöne la hna icasikeu. Maine pena, epuni a ajane troa huliwane hnyawa la Tusi Hmitrötr ngöne la hna cainöj. Tune kaa ngöne la epuni a maca trootro? Nemene la mekuna i epun, ngöne la kola qaja koi epun ka hape, ka maca epun? Tro epuni lai a madrin! Pine nemen? Pine laka, epuni a kuca la aja i Iehova, tune lo aqane kuca i Iesu.—Salamo 40:8; Ite Edomë 27:11.
13. Pine nemene matre ka hetre thangane kö troa huliwa koi Akötresie, hune la fene celë?
13 Maine tro epuni a catre huliwa i Iehova, tro hë epuni lai a madrin. Hetre aliene hë la mele i epun. Öni Paulo: “Cile huti ju nyipunie, the enienije kö, nge catejë troa huliwa i Joxu pala hi, ke ate hë nyipunie laka tha gufa kö la huliwa i nyipunie kowe la Joxu.” (1 Korinito 15:58) Pëkö madrinene la itre ka thele la itre ewekë ne fen, tune la manie maine troa hlemu pena. Maine jë hetrenyi angatr la nöjei ewekë, ngo ka gufa la mele i angatr. (Luka 9:25) Tro sa ce wange la tulu i Solomona Joxu.—Roma 15:4.
14. Nemene la ini hnei epuni hna xom qa ngöne la tulu i Solomona?
14 Ame Solomona tre, ketre atr ka trenamo me ketre joxu ka tru. Öni angeic: “Tro ni a tupathi ’ö hnei madin, nge tro eö a öhne la loi.” (Ate Cainöj 2:1-10) Hnei Solomona hna xupe la itre iuma ka tru, nge hna kuca la itre gatran me parc ka mingöming. Hnei angeice fe hna kuca la itre hnei angeice hna ajan. Hapeu, madrine kö angeic ngöne la mele i angeic? Ame la Solomona a goeëne la itre ewekë hnei angeice hna hetreny, öni angeic: “Hana wang, wanamamik’ asë.” Öni angeice hmaca jë hi: “Pëkö thangan.” (Ate Cainöj 2:11) Nemene la ini hnei epuni hna troa xome qa ngöne la hna melëne hnei Solomona?
Hetre eloine troa drengethenge Iehova. Lolo la mele së, nge pëkö ka xomehnöthe ej
15. Pine nemene matre nyipiewekë tro epuni a lapaun, nge nemene la aqane xatua së hnene la Salamo 32:8?
15 Ame la itre xan enehila, angatr a ujë qa ngöne la ngazo thupene la hna traqa la ketre ewekë ka ngazo, maine ketre akötr ka tru pena. Ngo tha celë kö hnei Iehova hna ajane koi epun. Aja i Nyidrëti tro epuni a drei Nyidrë. Loi e troa lapaune koi Nyidrë, matre tha tro kö epuni a luz. Tha tro kö Iehova a thëthëhmine la “ihnimi hnei [epun] hna amamane kowe la atesiwa i nyidë.” (Heberu 6:10) Haawe, thele jë troa acatrene la lapaune i epun. Tro hë epuni a axecië mekune hnyawa ngöne la mele i epun. Ketre, tro ha mama koi epuni laka, aja i Iehova, Tretretro e koho hnengödrai, tro epuni a madrin.—E jë Salamo 32:8.
AKÖTRESIE LA KA NUAMACANYI EPUN
16. Pine nemen matre troa wangatrune la aqane axecië mekun, nge nemen la aqane troa huliwane inamacanëne ej?
16 Hnei Paulo hna cinyihan, ka hape: “Ame la hnei ua i Joxu hna hne ngön, te, troa shenge la ate cili.” (2 Korinito 3:17) Tha Iehova kö a ajane troa hnöthe la mele i epun. Hnei Nyidrëti hna xupi së memine la aja cili. Ngo Nyidrëti a ajane tro epuni a inamacane ngöne la aqane troa axecië mekun. Tro lai a thupën la mele i epun. Maine jë epuni memine la itre atr ka goeë iatre ka sis, me ka kuca la itre huliwa ka sis, maine pena itre ka kuca la itre elo ka ngazo, maine ka xomi dorog me iji atrune la kahaitr. Maine jë ka pëkö engazone la itre ewekë cili koi epun ngöne la xötrei. Ngo ame pe, ka hetre ethane catr. Troa tithi epuni hnei mec, maine pena thatreine hë epuni nue la itre ewekë cili uti hë la meci epun. (Galatia 6:7, 8) Nyimutre la itre thöth ka mekun, ka hape, tha kolo kö a hnöthe la mele i angatr hnene la itre ewekë cili. Ngo ame pe, ka tria la mekuna i angatr.—Tito 3:3.
17, 18. (a) Nemene la aqane nuamaca së hnene la hne së hna drengethenge Akötresie? (b) Pine nemene matre isapengöne kö la mele i Adamu ekö me Eva, hune la itre atr enehila?
17 Ame ngöne la ketre götran ke, hetre eloine la easa drengethenge Iehova. Lolo la mele së, nge pëkö ka xomehnöthe ej. (Salamo 19:7-11) Ame la epuni a drengethenge la itre wathebo me itre trepene meköti Iehova, ke, epun hi lai a amamane koi Akötresie me kowe la keme me thine i epun, laka, itre ka macaje hë epun. Tro angatr a mejiune koi epun me nue epuni troa ketre sipu axecië mekun. Hnei Iehova hna thingehnaean, ka hape, easenyi hë tro Nyidrëti a nuamacane la itre hlue i Nyidrë. Öni Tusi Hmitrötr, ‘hna nue apexejene la itre nekö i Akötresie.’—Roma 8:21.
18 Celë hi ewekë hna kapa ekö hnei Adamu me Eva me ka amadrinë nyidro. Ame ngöne la hlapa e Edena, casi hi la hnei Iehova hna wathebone koi nyidro. Tha tro kö nyidroti a xeni wene la sinöe. (Genese 2:9, 17) Hapeu, tha ka meköti kö maine ka catrehnine pena la aqane ujë i Akötresie? Ohea! Pane mekune jë la etrune la itre wathebo hna acile hnei atr. Nge e thupen, kola musinëne la itre atr troa trongëne itre ej. Ngo ame Iehova, ke, casi hi la wathebo hna hamëne koi Adamu me Eva.
19. Nemene la hna ini së hnei Iehova me Iesu matre troa nuamacanyi së?
19 Ka inamacane la aqane waiewekë Iehova. Tha hnei Nyidrëti kö hna acile la itre wathebo me musinë së. Hnei Nyidrëti pe hna ini së troa drengethenge la wathebo ne ihnim. Nyidrëti a ini së troa trongëne la itre trepene meköt, me ini së troa sisine la itre ewekë ka ngazo. (Roma 12:9) Ame ngöne la Cainöje Hune La Wetr, hnei Iesu hna xatua së troa trotrohnine la kepin, matre kola kuca la itre ewekë ka ngazo hnene la itre atr. (Mataio 5:27, 28) Ame ngöne la fene ka hnyipixe tro palakö Iesu, Joxu Ne La Baselaia, a ini së troa atre la loi me ngazo, tune la aqane kuca i nyidrë. (Heberu 1:9) Tro Iesu a xatua së troa pexeje ngöne la mekuna së me ngönetrei. Pane mekune jë së laka, pëhë ewekë ka troa tupathi së troa kuci ngazo, maine pena tha akötre hë së ke, pexeje hë së. Tro hë sa madrin troa kapa lo hna thingehnaeane hnei Iehova, hna hape, ‘hna nue apexejen.’
20. (a) Nemene la hnei Iehova hna kuca ngacama pëkö ka musinë Nyidrë? (b) Tro sa nyitipu Nyidrë tune kaa?
20 Ame ngöne la fene ka hnyipixe, tre, tro palakö a hetre ifego së. Tune kaa? Loi e tro palahi sa acatrene la ihnimi së koi Iehova me koi itre xan. Maine tro sa kuca la itre ewekë cememine la ihnim, tro hë sa nyitipu Iehova. Ngacama pëkö ka musinë Iehova, ngo Nyidrëti pe a kuca la itre ewekë cememine la ihnim nge Nyidrëti fe a nyipi së. (1 Ioane 4:7, 8) Celë hi matre, ame la easa nyitipu Iehova ke, kolo hi lai a hape, pëkö ka musinë së.
21. (a) Nemene la mekuna i Davita göi Iehova? (b) Nemene la hne së hna troa ce ithanatane ngöne la tane mekun thupen?
21 Hapeu, hetre hni ne ole së kö kowe la itre ewekë hnei Iehova hna hamën? Hnei Nyidrëti hna hamëne la göxene ngöne la götrane u me itre sinee ka lolo. Hnei Nyidrëti fe hna xatua së troa atreine axecië mekun, me hamë mejiune koi së elany, me itre xaa ahnahna ju kö. (Salamo 103:5) Maine jë, caasi hi la mekuna së me Davita, ngöne lo angeic a thith, ngöne Salamo 16:11, ka hape: “Tro cilieti a amamane koi ni la jëne mel; tiqa la madine xajawa i cilie; nge ngöne la themie maca i cilie la ite nyine amadin’ epine palua.” Ame ngöne la tane mekun thupen, tro sa ce ithanatane la itre xaa nyipici hna qaja ngöne Salamo 16. Tro itre ej a xatua së troa hetre mele ka loi!