Atreine kö epuni sa la itre hnying hna nyitrepen hnene la itre Ita Ne Thup ne 2019?

Nemene la aliene la hna perofetan hnei Akötresieti ka hape: “Pëkö ewekë hna kuca nyine ishi me nyipo hna troa ien”? (Is. 54:17)

Tro kö Akötresieti a thupë së qa ngöne “la elëhni angete cate meke.” (Is. 25:4, 5) Thatreine kö la itre ithupëjia me easë troa akötrë së epine palua.—w19.01, g. 6-7.

Kola mama tune kaa la thiina ka meköti Akötresie, ngöne la aqane ujë i Nyidrëti koi angetre Kanana me angetre Isaraela?

Hnei Akötresieti hna amekötine la itre ka kuca la itre huliwa ka sis, me ka angazone la itre föe me itre nekönatr. Hnei Nyidrëti hna amanathithine la itre ka drei Nyidrë me ka thiina ka meköt koi itre xan.—w19.02, g. 22-23.

Nemene la nyine tro sa kuca e kola thith hnene la ketre atr ka tha hmi kö?

Loi e tro sa lapa thaup me metrötr, ngo tha tro kö sa qeje “amen,” maine ce ie memine la itre xan. Loi e tro sa ketre sipu thith qa kuhu hni së.—w19.03, g. 31.

Hapeu, ngazo ka tru la troa angazone la nekönatr?

Ame la ka angazo nekönatr, tre, ketre akötr ka tru kowe la nekönatr, kowe la ekalesia, kowe la itre mus, me koi Akötresie. Maine itre musi a amekötin troa qaja amamane la itre ka angazo nekönatr, itre qatre thup a drengethenge.—w19.05, g. 9-10.

Nemene la aqane tro sa saze maine acatrene la mekuna së?

Hane hi la nyine troa kuca: Troa thithi koi Iehova, me lapa mekun la sipu pengö së, me iëne hnyawa la itre sinee së.—w19.06, g. 11.

Nemene la nyine tro sa kuca enehila, matre hnëkë kowe la icilekeu?

Tro sa acatrene la aqane imelekeu së me Iehova. Troa xecie koi së laka, Nyidrëti a hnimi së nge tha tro kö Nyidrëti a nuaxöji së. Tro sa e Tusi Hmitrötr o drai me catre thith. Tro sa mejiun laka, tro kö a eatr la itre manathith qaathene la Baselaia. Loi e tro fe sa hnehene la itre xötr me itre nyima ka ithuecatr.—w19.07, g. 2-4.

Nemene la nyine tro sa kuca matre troa xatuane la itre sinee së troa mel?

Loi e tro sa hetre utipin, me thupëne la aqane tro sa ujë, me atreine xomihni ahoeany, me metrötr ngöne la aqane ithanata.—w19.08, g. 15-17.

Thenge la hna qaja hnei Iesu ngöne Mataio 11:28, nemene la ka aegöcatrenyi së?

Kola qaja la itre atre elemeken, me itre trejin ka ihnim, memine la huliwa së.—w19.09, g. 23.

Nemene la aqane tro Akötresieti a hamë së la aja memine la trengecatr troa kuca? (Fil. 2:13)

Ame la easa e me lapa mekun la trengewekë i Akötresie, Nyidrëti a aegöcatrenyi së, me hamë së la aja me trengecatr troa kuca la aja i Nyidrë. Tro la uati hmitrötre i Nyidrëti a xatua së troa maca.—w19.10, g. 21.

Nemene la itre nyine tro sa pane kuca qëmekene troa axecië mekun ka tru?

Hetrenyi la faifi lao ewekë: Troa ithele hnyawa. Troa sipo inamacan jëne la thith. Troa lapa mekun la itre sipu aja së. Troa fe la itre aliene hni së. Troa mekun la ka ijij.—w19.11, g. 27-29.

Drei la qaane la ini ka hape, e meci hë la atr, mele pe kö la u? Hna nyiqane kö e Edena, lo Satana a thoi koi Eva?

Ohea. Hnei Satana hna qaja koi Eva ka hape, tha tro jë kö angeic a mec. Tha hnei Satana kö hna qaja ka hape, maine troa meci hnei Eva, mele pe kö la u i angeic. Pëkö ini ka thoi ka lapa pe thupene la Iwë Atraqatr. Maine jë, hna nyiqane qaja la ini cili qëmekene tro Akötresieti a amenune la itre qene hlapa e Babela.—w19.12, g. 15.